شاف تاع لينيتي راه كونجي......راهم يلعبوا بيا كيما يحبوا

[أبو مارية الجزائري]

السلام عليكم :
نوفمبر 2012 التوجه إلى المحكمة العسكرية
جانفي 2013 جيبلهم الملف تاع الكفالة
ماي 2013 أدي البرية للمكتب تاع البليدة وزيد كمل الدوسي وأرواح بعد شهرين
جويلية 2013 الورقة مازال متلحق ولي بعد سمانتين ولا أكثر
أوت 2013الشاف تاع لينيتي ماهوش تما راح يصيف ولي في سبتمبر كلش راه حابس
سبتمبر بلاك يقولك ورقة ناقصة ولي في جانفي وكي تولي يقولك .........و الحكاية ماتكملش
كل مرة 200 كم رايح و200كم راجع والمصروف و التعب والسخانة وزيد وزيد
اليوم التالية اللي فيضت الكاس كي قالك الشاف تاع ليتيتي ماهوش تما ولي في سبتمبر وعلاش تقولولي في جويلية أرجع في أوت ولا معلابلكمش باللي راه رايح لسبانيا يبرونزي ؟؟؟؟؟ أنا راني بالوا تلعبوا بيه كيما تحبوا !!!! ماتخفوش الله ماتخفوش القهار ماتخفوش الجبار .
يالوكان غير حكموني أنعقب راني فوت عام .
أنا عندي الحق فالكفالة والله مازال ماديت ورقة والمسابقات فاتوا .
وكاين واحد أنا نعرفوا والله العظيم ماهو مريض ماوالوا حكموه الدرك عندوا ثلاثة أشهر وبالعرف جاب الريفورم وراه يتقلش .
واحد اليوم فالكزيرنة قالي ماتهدرشس معايا وأنا والله مانهدر معاك أنا نعرف ندعي فالليل وأنت تشخر وشوف دعوة المظلوم واش أدير.