مساعدة من خبيرات في مجال الحلويات

sara safae · 2013-08-20, 18:20

السلام عليكم ورحمة الله و بركاته اتمنى منكم المساعدة يابنات انا دائما قلاصاج تاع الشكولاطة نديروا باشكولاطة لي تتباع في علب البلاستيك على الرغم من اني نديرلها الزبدة +الثلج الا انها تاتي شكلها غير جميل وطعمها سيئ ماهي افضل شوكولاطة لعمل القلاصاج النوعية والطريقة و مشكورين يابنات

أم إناس · 2013-08-20, 20:13

السلام عليكم استعملي شكولاطة منى هي جيدا وعند أذابت آل الشكولاطة ديري شوي حليب وخليه تذوب في حمام ماىي ومتخلطيش بزاف واستعملي ملعق صغير وخلطي بشويا به ميدخلش لهواء فيه و مبعد تجمد بالتوفيق

أم محمد تاج · 2013-08-20, 20:20

حبيبتي الشيكولا هي هي ماكانش نوع مليح ونوع مايش مليح العيب في طريقة تذويبها
حنونة حطيها على حمام مائي كي تذوب أبداي ضيفي الماء البارد بالشوي راهي رايحة تتعجن ماتخافيش كملي التحريك بعيدا عن النار حتان تذوب وتولي تلمع والماء ضيفي بالشوي حتان تتحصلي على القوام المطلوب
كاشمة تحتاجي راني هنا شوفي شيكولتي كيفاش جات

ام الرميصاء · 2013-08-20, 20:51

السلام عليكم من خبرتي المتواضعة انصح اختي استعمال الشكلاطة الموجودة في السوق بسعر معقول مثل منى او بريما....المهم تذوبي الشكلاطة على حمام مائي مع اضافة قليل من الزبدة وقليل من الحليب.ونصيحتي عمرك ما تستعملي مع الشكلاطة التغير المفاجئ في درجة الحرارة .مثلا وهي سخونة فوق الحمام المائي ظهرتلك عاقدة حذاري من اضافة حليب بارد بل سخنيه ثم ضفيه وستكون النتيجة رائعة باذن الله .ما تنسايناش بدعوة خير ولك بالمثل.

فـرح · 2013-08-20, 20:57

انا نستعمل اللي تتباع عند اللي يبيع لوازم الحلويات تاع 50 دج نذوبها على حمام مائي ونزيدلها الزبدة والحليب هي تحراش شوية بصح حركيها برك مليح وزيدي الحليب بالشوية تجي روعة ملسا وكحلة وتلمع