اريد نصيحة من كل مرأة عاملة او زوج لمرأة عاملة وبكل صراحة

[aroua]

سلام عليكم

اخواني في الله اردت ان اتعرف على كيفية تسيير اجرة المرأة العاملة بعد الزواج
هل تتصرف كما كانت من قبل الزواج
ام تعطيها لزوجها
ام تستشيره في التصرف فيها
من فضلكم اريد نصائح وبكل شفافية وصراحة
وما رأيكم في الرجل الذي يريد المناقشة في اجرة المرأة قبل الخطبة يعني اقولها الشهرية نتاعك لازم تكون بيناتنت كيما يقولوا لازم جييب واحد ؟؟؟؟؟؟
هل هدا الشرط مقبول
ولا حرج فيه ؟؟ ام دلالة على ......
اجابتكم تهمني وفي اقرب وقت ممكن

[أم احمد3]

هو دلالة على
كان من المفروض لا نقاش فيها تستلمها باسمها

علما انني لست عاملة لكن رايي فقط

[salamamal]

المشاركة الأصلية كتبت بواسطة aroua

سلام عليكم

اخواني في الله اردت ان اتعرف على كيفية تسيير اجرة المرأة العاملة بعد الزواج
هل تتصرف كما كانت من قبل الزواج
ام تعطيها لزوجها
ام تستشيره في التصرف فيها
من فضلكم اريد نصائح وبكل شفافية وصراحة
وما رأيكم في الرجل الذي يريد المناقشة في اجرة المرأة قبل الخطبة يعني اقولها الشهرية نتاعك لازم تكون بيناتنت كيما يقولوا لازم جييب واحد ؟؟؟؟؟؟
هل هدا الشرط مقبول
ولا حرج فيه ؟؟ ام دلالة على ......
اجابتكم تهمني وفي اقرب وقت ممكن

السلام عليكم، أجرة المرأة العاملة هي من حقها وحدها ولا يحق لزوجها أن يناقشها تماما في هذا الأمر، لأنه بذلك سيكشف بأنه لم يتزوجها إلا طمعا في هذه الأجرة، وإن كان مجرد خطيب فقط فهذا أدهى وأمر ، و بحسب ظني ستلاقي المرأة من هذا النوع من الرجال بعد الزواج الأمرين، لأن علاقة الزواج المقدسة ستنحرف عن هدفها الحقيقي والتاريخي من علاقة مودة وتعاون إلى علاقة شراكة، وإن أردت أن تعرفي كيف يتحاسب ويتناقش ويتلاوم الشركاء، فاسأليني واسألي أهل الخبرة ليجيبوكي .. سلام.

[محب بلاده]

العقد هو وضع بنود واضحة بين الزوجين ويلتزم بها الطرفين

اذا اشترط عليها اعطاءه الراتب وقبلت فيعتبر من حقه لانها وافقت على الشرط قبل الزواج
=============================================

هناك من يقول طمعا او رجل اناني وغير ذلك
طيب لماذا يريد ان يتزوج بعاملة ؟

[محب بلاده]

والعقد هو بنود اتفاق على امور معينة وتعتبر سارية المفعول بعد الزواج

من حق الزوج او الزوجة وضع بنود معينة يراه مناسبة لتسيير الزواج وعدم الوقوع بالمشاكل مستقبلا

[ايمان نور الجزائر]

يا اختي اجر المراة العاملة من حقها هي تتصرف فيه وتنفق به على نفسها يعني تساعد زوجها بتوفير حاجياتها
ولا يجوز له ان يطلب منها الاجر وان فعل فهو طامع فيها
اما ان اشترط مشاركتها ووافقت فلها ما ارادت
++++
نصيحة مني المراة العاملة تعمل لتساعد نفسها اهلها وزوجها وعليها التصرف بحكمة في ذلك
فلا بأس ان تنفق من مالها لتزيين بيتها الزوجي وشراء بعض المستلزمات
كما يمكنها ايضا التوفير ......لشراء سيارة
او لتوفير مسكن او مشروع مااااااااااا بالاتفاق مع زوجها

[ToXiC_Dz]

كمبدأ 99.99 ف المية ما نتزوجهاش عاملة
مي لوكان تفرض علي الدنيا رايها كما تفعل في كثير من المرات، دورو ما نتلاح ليه لانو ماهوش حق ليا
هاذاك تعبها و شقاها و هي حرة فيه
والراجل يلزم هو لي يصرف ع الدار باش يحس بقيمتو
هو بطبيعتو يخمم هاكا
سينون وينو الفرق، وينها الرجلة و وينها القوامة
وسواء نظرنا للامر دينا أو اخلاقيا دراهم المراة يبقاو ليها واحد ما عندو حق فيهم الا برضاها

[ما فهمت والو]

المشاركة الأصلية كتبت بواسطة salamamal

السلام عليكم، أجرة المرأة العاملة هي من حقها وحدها ولا يحق لزوجها أن يناقشها تماما في هذا الأمر، لأنه بذلك سيكشف بأنه لم يتزوجها إلا طمعا في هذه الأجرة، وإن كان مجرد خطيب فقط فهذا أدهى وأمر ، و بحسب ظني ستلاقي المرأة من هذا النوع من الرجال بعد الزواج الأمرين، لأن علاقة الزواج المقدسة ستنحرف عن هدفها الحقيقي والتاريخي من علاقة مودة وتعاون إلى علاقة شراكة، وإن أردت أن تعرفي كيف يتحاسب ويتناقش ويتلاوم الشركاء، فاسأليني واسألي أهل الخبرة ليجيبوكي .. سلام.

هههههههههههههههههههههههههههههه
اجرة المراة من حقها وحدها خلاص مالا اجرته هو تاني له وحده مايصرف عليها ماوالو كي شغل كل واحد عايش وحده ربي يهديكم تتناقشو في امور اللي من المفروض ما تتناقش خلاص
كي يحتاج الراجل يروح لاطراف خارجية و زوجته تعمل؟

[الحياة فرصة]

صراحة اختي المفروض مايسالكش على شهريتك خلاص ...ديري في بالك حتى وكنتي عاملة فالشرع حفظلك حقوقك والي هي واجبة على زوجك المتمثلة في اكلك ومشربك ولبسك وسكنك

[rafik__87]

وعليكم السلام
فكري اختي بواقعية الرجل الذي يترك زوجته تعمل وتكون خارج البيت يرجع للبيت مايلقى ماكلة شابة وسخونة مايلقى مرا تتهلى فيه يلقى الدار فارغة ومن بعد كي يجو لولاد يولي مشتتين بين الجدة والدار والحاضنة وحتى من الناحية العاطفية متتهلاش فيه ديما تقول اني تعبانة من الخدمة وزيد شغل الدار يعني الراجل وش داه لهدي المحتيمة ؟ شغل مزال عايش عازب ولكن مكانش الام الي تقوم بيه وزيد مشكل الشهرية تاعها يعني سوق كبير وهبال حرق اعصاب صح هي الدراهم دراهمها في الشرع لايستطيع ان يا خذ نقودها غصبا عنها ولكن يقدر يبطلها من الخدمة وهدي تاني مستحيل في وقتنا لانو المراة تطلق الراجل ومتسمحش في خدمتها لانوا الخدمة في نظر النسا اولوية واحد والراجل اولوية 2 وزيد من تلحق دراهمي ودراهمك هدا مولاش زواج سموه وش حبيتوا غير زواج لالا . وادا عاد فيه بنود واتفاقيات هدا مش زواج هدا شراكة تجارية والي تقول تخبي تشري سيارة والا منزل هو يدي دراهمها بلاك رايح يسكر بيهم ؟ والا رايح يصيف في تونس وخليها في الدار وحدها ؟

بالنسبة لاجرة الزوجة انا شفت 3 حالات
الحالة لولى : تقلك دراهمي ليا انا الي نتعب وبابا صرف عليا لازم نعطيه كاينة الي تشري سيارة وتكتبها باسم باباها وكاينة الي تشري ذهب وتخبيه عند اهلها وكاينة الي تمد كارت مانتيك لباباها هو الي يصرف في دراهمها وكاينة الي كل شهرية تشري لبسة توب
الحالة الثانية تمد لكارت منتيك لراجلها وتقلوا دبر راسك فيهم يصح الحاجة الي تطلبها تكون عندها

الحالة الثالثة يتفاهموا مايمسوش كامل راتب الزوجة يعيشوا غير من راتب الزوج ويخبوا راتبها يديروا بيه دار والا كاش حاجة


من راي للرجل فكــــــــــــــــــــــــــــــــك من زواج المــــــــــــــــراة العاملة راه مهرجان كبير ومشاكل وتمرميد ادي ماكثة في البيت الدراهم ناقصين بصح تلقى راحتك ودير في بالك النسا كامل يقولوها وكان ما انا مادار هديك الحاجة وكان ما انا ميوصلش وغير انا وانا ولكان مقلتهاش قدامك تقولها وراك ورانا شايفين وعارفين .

[النجمة القطبية]

شوفى اختى القضية مش قضية امراة عاملة او لا لان تقدر تكون غير عاملة وغنية واغنى من الزوج
تقدر تكون عندها ورث او صاحبة املاك
او حتى لو عندها حاجة بسيطة الفرق ماشى كبير وزوجها يطمع فى البسيط الذى تملكه
من حيث المبدا ماشى مليح الرجل يتزوج المراة لمالها حتى لو كانت اغنى منه والسبب لان المراة تحب الرجل اللى يخدم ويتعب من اجل بيته واولاده حتى لو كان بالقليل وحتى لو كانت عندها مالها الحكاية ماشى حكاية ماديات بقدر ما هى حكاية قوامة وشعور بالامان
الرجل لما يكون رجل حقيقي وصاحب مبدا مال الدنيا ماشى خسارة فيه وصدقيني لما ترتاحى وتحسي بالثقة فى زوجك والامان الذي تبحث عنه كل بنات حواء وحدك راح تساعديه وتشري لبيتك ووو
عمرك ما شفتي امراة فى وقت الشدة تبيع ذهبها او ما تملك من اجل زوجها حتى وهي قاعدة فى الدار يعني الحكاية هنا حكاية ثقة وبين الزوجين لا يوجد حدود للتضحية
انا نقولك رايي بكل صراحة مشكلتك انك مازال شاكة فى الطرف الاخر ومازال الثقة غير موجودة وخايفة نوعا ما
ومن غير المعتاد ان يسال الخطيب الخطيبة عن مالها وحتى هي متسالش عن ماله كم يملك ووو الاسئلة المادية البحتة اشارة ماشى مليحة
انتى استخيرى واستشيرى والله اعلم بالصواب

[السي محمد]

و يقبل ياش مرتو تخدم بين الرجال؟؟؟ نورمال؟؟؟

أواه راني متخلّف بزاف يا جماعة


===


المهم انا نظن بلي مش من حقو ياخذ من دراهمها ولكن بما انه تركها تعمل( و لم يكن رجلا)

فلا بأس يكمّل عليها و يدي من عندها الدراهم ياش يولي طحين 100%

[رحمة من المولى]

النية هي الصح بيناتهم لازم مكاش الانانية بيناتهم

[أيادي الأمل]

المشاركة الأصلية كتبت بواسطة السي محمد

و يقبل ياش مرتو تخدم بين الرجال؟؟؟ نورمال؟؟؟

أواه راني متخلّف بزاف يا جماعة


===


المهم انا نظن بلي مش من حقو ياخذ من دراهمها ولكن بما انه تركها تعمل( و لم يكن رجلا)

فلا بأس يكمّل عليها و يدي من عندها الدراهم ياش يولي طحين 100%

استسمحك اخي

ليس كل رجل ترك امرأته تعمل فهو ليس برجل !!
كاين نساء محترمات محافظات جديرات بالثقة و كاين رجال واثقين من اخلاق زوجاتهم ،
و ليس لانه تركها تعمل فهو لا يملك غيرة او ماشابه و لكن له اسباب ..

احتراماتي

[أيادي الأمل]

اما فيما يخص رأي اختي

اليست لي تجربة عاملة

و لكن المرأة لما تتزوج تصبح تحت جناح زوجها،
فهو المسؤوول عنها وله الولاية و القوامة عليها

و المرأة المتزوجة العاملة هي تعمل بموافقة زوجها اي هو من سمح لها بذلك ، و كان بإمكانه عدم السماح،
و بسماحه هذا فإنه قد تنازل عن بعض حقوقه إذا ابسط شيء تعوض بيه المرأة عن تقصيرها انها تتقاسم معاه شهريتها،

صحيح انها تترك لها ما يكفيها لحاجياتها الخاصة اما الباقي فالاولى انها تشاركه مع زوجها،
و انا نفضل ان المرأة هي الأولى من تبادر بهذا و ليس الزوج من يطلب منها و لا تدعه يضع نفسه في هذا الموقف

و يا اختي انا ارى انه بالزواج مايبقاش حاجة تسميها تاعي و الزوج تاعو و لكن هي اسرة و الاشياء كلها تاع الاسرة ،
حتى المال مالك و ماله مال الاسرة ،
اما اذا ولى كل زوج يفكر في نفسو و يقول مالي و حاجتي مابقاش زواج ،
الزواج ان يتقاسم الزوجان مر الحياة و حلوها كل منهما يكمل الآخر

و قرأت انو
صح انو مال المرأة من حقها و الزواج ماعندوش الحق يدخل فيه ، لكن عندو الحق يمنعها من العمل و يلزمها بالمكوث في البيت،
و اذا عملها اثر على القيام بواجباتها نحوه من حقو يطالب من راتبها بما يكافئ تلك الحقوق !


هذا رأيي والله اعلم