من فضلكن الماهرات بالمقروط تدخلن

[أيادي الأمل]

السلام عليكم

تعيشوا خياتي واشنو هو السر باش المقروط ما يتحلش كي نقليه ،
كمية لا باس بيها دايمن تتحل في القليان رغم انو قبل ما نقليوه نجوزه في شوية ماء لكن بدون فائدة !

وين راه المشكل؟

[لينا11]

سر يكمن فالسميد وانك تخليه ليلة باش يشرب مليح بسوس حنونة ديري 03كيلات يعني :
ديريه 02كيلات متوسط وكيلة رطب (يعني غربلي سميد تاعك رقيق الي يهبط منها كيلي منو كيلة )

مالفة ديما نديرو يجي يذوب فالفم

[أيادي الأمل]

ايه اختي دايمن نديروه يبات و نفس المشكل

ونستعملو سميد متوسط وحتى حنا يجينا يذوب لكن المشكل في القليان كمية معتبرة تتحل

[mayam]

السر في المقروط هو السميد، اخلطي بين السميد الخشن و المتوسط...............

[ام شهرزاد]

لالا بلا ما تبيتي السميد خلطي بيضة + ماء زهروغمسي الحبة فيه واقليها

[أيادي الأمل]

اوووكي صحيتو اخواتي

ربي يجازيكم

وعيد مبارك سعييد

[أم الولدين]

و لا عملي اختي العبر نتاع السميد نتاعك عادي و بصح نقصي نصف كيلة سميد عوضيها بالفرينة
اذا تعملي مثلا ثلات كيلات سميد متوسط نقصي نصف كيلة عوضيها فرينة و كملي نورمال يجيك يدوب في الفم و ما ينتحلش
ان شاء الله المرة الجاية يخرجلك
كل عام و انتم بالف خيييييييييير

[أيادي الأمل]

شكرا اختي

بارك الله فيك
و عيدك مبارك سعيييد الله يخليك

[muslimone]

المشكل الأول والأخير فالسميد انا استعملت سميد متوسط ونحل ومنها وليت ندير غير سميد مولا الخشين هو ماشي خشين بزاف بصح تولي تعشقي المقروط جربي وعلى ضمانتي 3 كيلات سميد مولا الخشن (هو متوسط في اصله ومعتدل) وديري كيلة مرغرين ذايبة احسن ولا سمن ذايب وبارد ومن الاحسن ما ذوبيهش كامل ذوبيه نص نص يعني خلي فيه كويرات تاع الزبدة وجربي غير بغرفية وتقدري تبيتيه احسن مين تاكلي المقروطة تجي مبسسة وتذوب ومين تلميه لميه بالطرف ولميه مليح بالماء والماء زهر يعني ما تكثري وما تشيحي بزاف ومالاومش تديريلو الماء كامل لانه رايح يتشرب السميد الماء فوق اللازم ويجي معجن من الداخل وما يشربش العسل وفي الاخير اذا قدر الله وما نجحش دير البيض في وسطه والى الفرن العجيب وان شاء الله يصلحك ولكن ما تهبطيش المورال وعرفي بلي السر فالسميد وعيد سعييييييييييييييييييييييييييد

[meriama13]

جربي وصفة ام اماني روووعة

[dousfer]

اختي الكريمة باش ما يتحللش المقروظ في الزيت اثناء القلي لازم
1 ماتدريهش جاري
2لازم تخليه مدة ينشف مليح يعني بعد ما تخدميه خليه مدة 2 او3 ساعات ومن بعد اقليه
3لازم تقليه على حرارة متوسطة وثابتة يعني تحطي في كل مرة نفس عدد الحبات حتى تحافظي على درجة الحرارة
4كمية الزيت لازم تغطيلك كل حبات المقوظ باش يطيب كامل كيف كيف بدون ما تقلبيه اتمنى ان تستفيدي من هذه النصائح

[سارةالتلمسانية]

okheti lazam tebiyetih nehare fi mae zehare bach yetemasak

[أيادي الأمل]

بارك الله فيكن حبيباتي

ربي يخليكن