توقيف اصدار بطاقات التأجيل و تشديد اجراءات قبول ملف الكفالة

Ai7xpressTV · 2013-07-01, 17:08

رفضت النواحي العسكرية ابتداءا من اليوم اصدار بطاقات التأجيل من الخدمة الوطنية بالنسبة للمتمدرسين و اجلت الامر الى غاية الدخول المدرسي القادم
هذا وكشفت مصادري ان السبب يعود أصلا الى ان الكثير ممن تخرجوا يلجأون الى حيلة ايداع شهادات دراسية للسنة الاخيرة من اجل الحصول على تأجيل يمتد الى غاية ديسمبر او مارس القادمين من اجل التهرب من اداء الخدمة و كذلك من اجل التمكن من التقدم الى مسابقات التوظيف
وبهذا قررت السلطات العسكرية انه ابتداءا من هاته السنة يكون منح شهادات التأجيل بين الفترة الممتدة من سبتمبر الى غاية 15 ماي كأخر أجل
وفيما يخصص ملفات طلب الاعفاء بكفالة اصدرت قرارا بالتحقق الدقيق من مكونات الملف وشروطه خاصة في شق التوظيف بسبب اكتشاف الكثير من حالات التصريح الكاذب وتزوير شهادات العمل.

في انتظار الاخوة تأكيد الخبر الاول
سلام

luky · 2013-07-01, 17:13

ربي يلطف بيناااا
لا حول ولا قوة الا بالله

zinokoora · 2013-07-01, 22:35

لا حول ولا قوة الا بالله

جمال الدين · 2013-07-02, 10:17

هذا الإجراء معمول به منذ مدة لذلك لاداعي للقلق و التخوف للتأكد الرجاء العودة إلى قانون الخدمة الوطنية و ستجدون فيه الدفعات و طريقة إحصائها وتاريخ بداية الإحصاء و نهايته

4G4G · 2013-07-02, 13:49

والله ماني عارف يا جماعة لكن انا الاسبوع الي فات برك عطاوني سورسي نتاع عام تاع دغع ملف الكفالة وقبلولي الدوسي تاع الكفالة بالرغم اني خرجولي من قبل 2 لوردابال في 2009 و 1 في 2013 تع مارس الي فات

ربي يهون على الجميع

kurosaki1990 · 2013-07-02, 14:41

شغل رانا عايشين مع يهود , لا حول و لا قوة الا بالله

amine eco · 2013-07-02, 15:06

يحسدونا فينا باش من نحطوش مساباقات التوظيف ...........شافو رواحهم عسكر كارهين خياتهم

matt_damon · 2013-07-02, 15:12

اقتباس:

المشاركة الأصلية كتبت بواسطة amine eco

يحسدونا فينا باش من نحطوش مساباقات التوظيف ...........شافو رواحهم عسكر كارهين خياتهم

عندك حق يا امين هذا كامل باش يخلو مسابقات توظيف الاساتذة للبنات فقط , ياو ما تخافوش مانش رايحين نشاركو معاهم مدولنا برك الاعفاء

amine eco · 2013-07-02, 15:29

اقتباس:

المشاركة الأصلية كتبت بواسطة matt_damon

عندك حق يا امين هذا كامل باش يخلو مسابقات توظيف الاساتذة للبنات فقط , ياو ما تخافوش مانش رايحين نشاركو معاهم مدولنا برك الاعفاء

باين بنات لي تخرجو معايا قالولي رحمة ربي كي متحطش هذا العام بويسك معنديش سورسي.............. بصحتهم

zouaoui4 · 2013-07-02, 15:46

اقتباس:

المشاركة الأصلية كتبت بواسطة 4g4g

والله ماني عارف يا جماعة لكن انا الاسبوع الي فات برك عطاوني سورسي نتاع عام تاع دغع ملف الكفالة وقبلولي الدوسي تاع الكفالة بالرغم اني خرجولي من قبل 2 لوردابال في 2009 و 1 في 2013 تع مارس الي فات

ربي يهون على الجميع

ياأخي الكريم راك تقول بلي دفعت الملف نتاعك بصح في اي وقت دفعته وأين دفعته لأني ذهبت لهم عندي مدة 3 اشهر وقالولي لانستطيع امساك ملفك لانوا عندك 2 استدعائات كيف درت اخي لو سمحت اشرح لنا لعلا وعسى ان تدلنا الى الطريق الخير وشكـــرا

krimo86 · 2013-07-02, 19:11

اقتباس:

المشاركة الأصلية كتبت بواسطة kurosaki1990

شغل رانا عايشين مع يهود , لا حول و لا قوة الا بالله

لربما اكثر من ذلك............................................... .........

hakimarchi · 2013-07-02, 19:25

ya3ni ajma3a hna hna n3aytou whouma masam3inech bina!!!!!!
wela ga3din yakraw ferodod ta3na wyadhkou
.............wyhaoussou yraj3ou tika m3a cha3b belkdeb ta3hom!!!

matt_damon · 2013-07-03, 08:45

اقتباس:

المشاركة الأصلية كتبت بواسطة amine eco

باين بنات لي تخرجو معايا قالولي رحمة ربي كي متحطش هذا العام بويسك معنديش سورسي.............. بصحتهم

هذا هو السيستام لي يمشو بيه.........

طـــارق · 2013-07-03, 17:04

هههههههه سبحان الله تقول العسكر هذا راه يحارب فينا احنا ماشي العدوان الاجنبي

الله المستعان والحمد لله على كل حال ربي يفرج علينا و عليكم

سـلام عليكم

4G4G · 2013-07-05, 00:42

اقتباس:

المشاركة الأصلية كتبت بواسطة zouaoui4

ياأخي الكريم راك تقول بلي دفعت الملف نتاعك بصح في اي وقت دفعته وأين دفعته لأني ذهبت لهم عندي مدة 3 اشهر وقالولي لانستطيع امساك ملفك لانوا عندك 2 استدعائات كيف درت اخي لو سمحت اشرح لنا لعلا وعسى ان تدلنا الى الطريق الخير وشكـــرا

خويا العزيز انا دفعت الملف انتاعي في سيدي بلعباس وبالظبط في 19/05/2013 والملف كان فيش فاميليار وديبلوم دراسي وشهادة العمل وفيش دوباي ووضعية الاخوة اتجاه الخدمة الوطنية ... كي مديت الدوسي شاف في الميكرو وقال لهداك المقدم حضارات عندو استدعاءات من قبل انا قلت لو كنت نقرا وما كانش عندي سورسي في 2009 وزاد خرجلي الاستدعاء تاع مارس 2013 قالو هداك المقدم احكمو عليه ويشوفو هوما ادا يقبلوه قالي ريح وعطان استدعاء بعد شهر يعني لغاية 19/06/2013 انا في 17 رحت ليهم قالي راهم قبلو الدوسي تاعك غدوا ارجع ادي الوصل تاعك لغدوا رجعت عطاوني ورقة مكتوب فيها وصل ايداع ملف الاعفاء والي هي بنفسه سورسي لغاية 06/06/2014 ودرك راني نستنى في ونكات تاع الجوندارم مع انهم الجوندارم الي عندنا قالولي نعاونوك قبل ما ندفع الدوسي والله يجيب الخير وربي يسهلك حبيبي