طلب من الاخوات من فضلكن

[amira19]

السلام عليكم من فضلكن اريد طريقة عمل هادي الوردة

https://store2.djelfa.info/vb/2015-04/1428505457355.jpg


عجبتني بززززاف بصح الفيديو لي حطاتو الاخت فيه الصوت دون صورة

ولا حبيتو نديروه ورشة؟؟؟؟ ههههه

سلام

[حورية38]

الصورة والصوت موجودين اختي
اخدمي سلسلةمن 5 واقفلي من بعد عمري ب12غرزة حشو واغلقي
بعد دلك نطلع ب6سلكعمود ب3لفات+ ونعمل بريد من 3لفات و7سل و2عمودب3لفات بين كل 2غرزة حشو نكرر العمل 6 مرات ونغلق
يتبع

[حورية38]

نطلع ب4سلكعمود بلفتبن تم 2عمود من لفتين بين لبريد في السطر السابق تم نفوت الكروشي تحت العمود من 3لفات السابق ونجبد الخيط ونخدم عمودمن2لفات ونكمل اعمدة ب2لفات في العمود من 3لفات التاني للوصول الى11بريد من لفتين نكونو وصلنا للبريد الاول من من 3لفات من السطر السابق نلف الخيط مرتين على الكروشي وندخل الكروشي من الجهة المعاكسة يعني معاكسة لوين نخدم ونعمر باعمدة من لفتين 11عمود نكونو وصلنا للاعلى وين لبريد 3لفات نعمر ب3اعمدة من لفتين بين لبريد الابقين وندخل الكروشي تحت العمود السابق من 3لفات ونعمر باعمدة من لفتين وهنا تبدا تتوضحلك الوردة تاعك تخرج على شكل متوج والسل تاع 7من الخلف فارغة هنا نغلق بمنزلقة كما العادة

[حورية38]

بعد ما نغلق نكونو منتصف التموج الاول لي عملناه نخدم 3 وغرزة حشو//نقلب العمل للخلف نلقا 3لبريد باينين بوحدهم خاطر خدمناهم فوق العمل يعني النصف//هما ليندير فوقهم غرزة الحشو التلاتةالاولى // لبريد تاع التموج هداك لي نحصلو عليهمو3سل تم 4غرزة حشو ل ومنتصف ال7سل تم 3سل و5 بريد فوق التموج في كل مرة حتى نكمل ونوصل لوين بدينا نخدم2 غرزة حشو قبل مانغلق باشنكمل الحساب على ماسبق وهكدا حتى نكمل ونغلق

[amira19]

بارك الله فيك الاخت حورية على المساعدة جزاك الله كل خير يا رب

[حورية38]

نطلع ب3سل كعمود ونخدم3عمود بلفة في الغرزة الحشولي تلينا تم 1عمود بعدها تم 1عمود تم 3عمود+نصف عمود +غرزة حشوتم غرزة حشو وسط3غرزات الحشو من السطر السابق تم غرزة حشو ونصف عمود و3اعمدة في السل تاع 3سلمن السطر السابق تم عمود بين غرزات الحشو التي تلينا تم عمود تاني تم 3اعمدة في نفس النقطة التي تليها تم 3اعمدة في السل +نصف عمود+غرزة حشو حتى نكمل
حاولت نشرحلك بالتفصيل من الفيديو
ان شاء الله فهمتي *** **

[amira19]

ربي يحفظك حورية اختي فهمتك فهمتك ما تخافيش عليا انا فقط ما جاتنيش الصورة

بارك الله فيك و جازاك الله عنا كل خير

[فاطمة شمس الاصيل]

الف شكر حبيبتي حورية
دائما سباقة للمساعدة الله يفرحك
ويسعد قلبك
في ميزان حسناتك ان شاء لله
لي طلب ياريت رابط الفيديو
مشكورة حبيبتي
وبالتوفيق للاخت

[حورية38]

المشاركة الأصلية كتبت بواسطة فاطمة شمس الاصيل

الف شكر حبيبتي حورية
دائما سباقة للمساعدة الله يفرحك
ويسعد قلبك
في ميزان حسناتك ان شاء لله
لي طلب ياريت رابط الفيديو
مشكورة حبيبتي
وبالتوفيق للاخت

الله يبارك فيك حنونة
نحي هداك +من الرابط يتفيحلك الفيديو

https://www.you+tube.com/watch?v=WQJKIGFxyU0

[فاطمة شمس الاصيل]

كلمة شكرقليلة في حقك اختي حورية لله يعطيك من واسع ابواب
قولي امين
جزاك الله عنا كل خير
جاري المشاهدة