الى مترشحي مسابقة التعليم ولاية باتنة ادخلوووووووووووووو

soha1987 · 2013-08-12, 22:46

انا والله راني فواحد الغمة ندمت علاش دخلت وراني حلفت غير لانزيد ندخلها كرهت واش هاذ التمسخير واش من تبهديل لي داروهولنا زعما مسابقة بصح والله تبان انا راح نسرحو باب القسم لي نمتحنو فيه مفتوح وجماعة تحكي تقول قهوة وهو يزعما يسال والله تبهديل انا هبطتلي لاطونسيو من الضغط والل وكي دخلت والله راحلي كلش قتلو نسيت كلش ماجاوبت والوووووووووووووو والله راني نهدر بصح ومن بعد قالي نتي ماكان ماكان عطيتو بتشنفة وخزرة وخرجت علابالي بلي رام يتمسخرو وصاحبتي لي فوتتي بعدي قالها نتي عندك تواصل بصح كاينة حاجة ربي يعاونك واش معناتها هادي
نتوما مترشحين ولاية باتنة زعما راح ننجحو حنا لي مامعندناش معريفة زعما طيحلنا مع هادوك لعباد لي رام في مديرية التربية نتاع باتنة اللله لايربحو ووجوه الشر ربي يجبهالهم والله مرضنا
وينكم يامترشحي ولاية باتنة رقدتووووووووووووووووووووو:roll eyes:

ramitk · 2013-08-12, 22:48

عن اي مركز تتحدثين؟

soha1987 · 2013-08-12, 22:49

مركز الاخوة شطووووووووووووووووح نتاع الشطيح والرديح تقول قهوة خخخخخخخخخخ

ramitk · 2013-08-12, 22:56

أختي مركز خديجة كانت الظروف فيه رائعة ولجنة الانتقاء أكثر من رائعة قمة التواضع و قمة التربية

soha1987 · 2013-08-12, 23:01

اخي كاين حظوظ زعما ينجحو لي ماعندهومش معريفة لانو راك تعرف حال مديرية النحس نتاع باتنة لمعاااااااااااااااارف دايرين حالة واااااااااااااااااااااع

ولد حمد الباتني · 2013-08-12, 23:05

حنا شاركنا باه مانندموش برك
القائمة واجدة من بكرييييييييييي
كي العام لي فات كي هاذ العام حتى تقوم القيامة

ramitk · 2013-08-12, 23:06

زميل لي شارك العام الماضي متخرج 2011 شارك ونجح بدون وساطة .. دعك من التشاؤم وتفائلي خيراٌَُ

soha1987 · 2013-08-12, 23:11

عليها راني حلفت لانزيد ندخل بهدلو بينا وعلاش حنا رشينا ويجيو اصحابا لمعارف تخرجو لبارح يخدمو وماعندهومش خبرة ويسبقونا مالا انا حلفت هاي ليهم خلااااااااااااااااااص شبعت
ربي يكون معانا وكل مستضعف وحقو مهضوم وربي يجيبها لهادوك لعباد لي رام مستعمرين لاكاديمي نتاع باتنة يارب ربي يخراج فيه

soha1987 · 2013-08-12, 23:14

اقتباس:

المشاركة الأصلية كتبت بواسطة ramitk

زميل لي شارك العام الماضي متخرج 2011 شارك ونجح بدون وساطة .. دعك من التشاؤم وتفائلي خيراٌَُ

انا تخرجت 2009 وظليت نستخلف ودرك راني نخدم بالادماج وبصفتي استاذ وماطاحتلي حتى الاحتياط

مالا زميلك من اوائل الدفعات ولا في اختصاصو لمترشحين قلال ماشي كيما حنا جماعة الماستر بزاف وحنا لكلاسيك بالالاف وزيدلها اصحاب الماجيستير والدوكتورة

ramitk · 2013-08-12, 23:21

أختي زميلي فعلا من اوائل الدفعات لكن أريد ان أسألك كم هو معدلك في السنة الأخيرة

sabi.k · 2013-08-13, 12:45

السلام عليكم
أختي سهى ما تقلقيش راني كيفك
أنا فوت في إكمالية العقيد لطفي
عصروني ما خلاولي والو وما جاوبتش قلتلهم شفتكم راحلي كلش حتى الإعراب ما عربتش رغم أني كنت نعرب من قبل في سنوات الدراسة بدون حتى تفكير لأن الإعراب هوايتي قالولي اعطيلنا بيت شعري ما عرفتش رغم أني أحفظ مئات الأبيات الشعرية
قالولي أعطيلنا اسم نحوي عربي معروف ما عرفتش كأني لست أنا وزادوا قالولي أعطيلنا اسم كتاب في النحو ما عرفتش
وكي خرجت قعدت نضحك لأن الإجابات جات في راسي وتزاحمت الأجوبة فيه