عون إدارة و أنا أملك ليسانس

papillon.lamia · 2013-08-04, 14:01

السلام عليكم، أنا متخرجة منذ مدة عندي ليسانس ترجمة بصح لا توجد أي مسابقات خاصة بهذا الاختصاص في ولايتي، توجد مسابقة خاصة بأعوان الإدارة في مديرية التجارة بماذا تنصحونني؟ من جهة راني حابة نخدم و من جهة غاضتني عمري عون إدارة لازم شهادة السنة ثالثة ثانوي.

أخوكم الصادق · 2013-08-04, 15:44

أحكمي بها يدك حتي تلقاي المنصب المناسب.

هشام كرناف · 2013-08-04, 18:35

اختي انا عندي لسانس كذلك مي خادم عامل نظافة واش اتدير الله غالي

مواطنة جزائرية · 2013-08-04, 18:39

ماتتكبريش على الخدمة

ديري الكونكور و انشاء الله تنجحي

albert45 · 2013-08-04, 18:42

شدي بيها يدك و كي تنجحي في اختصاصك استقيلي و هي فارية المهم الخدمة ..

حواء نادين · 2013-08-04, 18:55

ما شاء الله..أتمنى ان يكون كل الشيباب صبور ومتفائل مثلك اخي هشام....تحياتي.

نبيل حمزة · 2013-08-04, 21:20

Khier min makache

فرناس وهران · 2013-08-04, 21:25

تكل على الله
ههههههه لقد شاركت العام الماضي في مسابقة عون مهني مستوى الاول و ما كتبش ربي
عادي اخي الخدمة حلال

papillon.lamia · 2013-08-04, 21:28

شكرا لكم خاوتي على ردودكم ، رايحة نشارك فيها ان شاء الله يوفقني ربي و ننجح و ربي يوفقكم كامل و ينجحكم

lalib40 · 2013-08-04, 22:22

هي قالت توجد مسابقة يعني اذا ماعندهاش معريفة ماتنجحش

سوار سارة · 2013-08-04, 23:01

انا عندي ليسانس حقوق دفعة 2004 و موظفة عون اداري و الحمد لله من قبل و من بعد اتوكلي على ربي و نشالله بالتوفيق .ا
للهم انك عفو كريم تحب العفو فاعفو عنا قولو آمين .

papillon.lamia · 2013-08-04, 23:29

اقتباس:

المشاركة الأصلية كتبت بواسطة siwar sara

انا عندي ليسانس حقوق دفعة 2004 و موظفة عون اداري و الحمد لله من قبل و من بعد اتوكلي على ربي و نشالله بالتوفيق .ا
للهم انك عفو كريم تحب العفو فاعفو عنا قولو آمين .

آمين مشكورة أختي قوليلي برك إدا نقدر نمدلهم شهادة النجاح في الباكالوريا مع كشف النقاط ولا لازم نجيب شهادة مدرسية من الثانوية و كشف النقاط الفصل الثالث؟؟

amina2688 · 2013-08-05, 02:16

لا حولة ولا قوة الا بالله ا
ان لله وان اليه راجعون
ربي يرزقنا ويرزقكم

فقط اريد ان اعرف ماهي مهام عون الادرة؟؟؟؟؟
ونتمنى تحطونا عدد المناصب المطلوبة في كل ولاية والملف المطلوب

لانه على حسب الشوفة مسابقة التعليم راح تتبخر هذا ان لم تكن تبخرت

سوار سارة · 2013-08-05, 23:02

السلام عليكم اختي فراشة لاميا رتبة عون اداري موجودة في كل الادارات و هي تتطلب مستوى الثالثة ثانوي اي شهادة مدرسية حتى و تعود قديمة أما اذا كنتي حابة تشاركي بشهادة البكالوريا توجد رتبة عون ادارة رئيسي أو ملحق ادارة بمستوى الثانية جامعي أما فيما يخص كشف نقاط الفصل الثالث فلا أظن أنه يتطلب ذلك أتمنى أنني قد افدتك و اي استفسارات نحن موجودون و في الخدمة و لا تنسونا بالدعاء في هذه الليالي المباركات.

فرناس وهران · 2013-08-05, 23:25

اقتباس:

المشاركة الأصلية كتبت بواسطة lalib40

هي قالت توجد مسابقة يعني اذا ماعندهاش معريفة ماتنجحش

لماذا كل هذا الاحباط الذي تعيش فيه
قلنا الانسان يتوكل الله اولا و يضع هذه الافكار جانبا
اذا خسرت النية من البداية رايح كامل العمل اللي راك تقارع فيه يفسد