تطبيقي لسفنج روزا .....لكن ......

sirina_angel · 2013-08-30, 12:05

صباح الخييييييييييييييييير حبوباتي

اليوم صباح كيما حليت عينيا
قلتلها ماما واش نفطر راني ميتة بالجوع ؟؟؟ قاتلي كاينة غير الكسرة و الحليب ؟؟؟؟؟
و انا anti helib ايه قلتلها مالا ضرك ندير سفنج سرييييييييييييييييع
مي استناو نروح نغسل وجهي ساع و نمشط داك العش لي فوق راسي

المهم جيت
حطيت 2 عضمات ملعقة سميد....شفت تطبيق الهام ... و نص ملعقة فرينة ...و شوية ملح ....روزا راكي نسيتي الملح في الوصفة ....و ملعقة خميرة
و خلصت و حطيت في المقلاة تيفال
هي المقلاة كبييييييييييييييييييييييرة و الكمية تاع السفنج شوية مالا كي حطيتها توزعت بزاف و نقصت للنار و غطيتها
و مبعدا قلبتها بالصحن
و حطيتلها عسل من فوق
كي شافتها ماما قاتلي هادي هي ؟؟؟؟؟ هادي راهي مشوشة ماش سفنج كون قلتيلي كنت نديرها انا و بقات تقولي مشوشة ماش سفنج

و مبعدا ما كلااااااااااااااااااااااااااااوش ....كلا غير ولد خويا صغير هدا وين يحبي و انا بررررررررررررررك
حرت انا شفت تطبيقات بروقة و الهام و باتي لي ما طلعلهاش كامل قالو مليح ....كيفاه العائلة العجيبة ماعجبهاش ؟؟؟؟
و زيد ماش كامل العائلة هنا لانو الرجال في السوق كنت نشوف اكثر من هدا تعليقات

المهم راني كثرت الهدرة
ايا شوفو الصور و هاتو تعليقااااااااااااااااااااااااتكم

جمعة مباركة

oum anas 69 · 2013-08-30, 12:16

يا ختي واش نقولك باين عائلتكي الكريمة يشرطوبزااااف معليش ساععفيهم حتى يفرج عليك ربي بوليد الحلال
و السفنج جاك تحفة بصحتك نتي و وليد أخيك والشح فيهم أهاه :d:d

أم يحي صهيب · 2013-08-30, 12:19

الله يبارك عليك وا راكي حادكة يا اختي
ادعي الله لميمتك ربي يخليها ليك انا ما سويت يما تقولي موش هاك وانا ندير ووووو
والله كبري بالك
يجي نهار وتندمي على خرجتك من داركم يا الزينة

sirina_angel · 2013-08-30, 12:26

اقتباس:

المشاركة الأصلية كتبت بواسطة oum anas 69

يا ختي واش نقولك باين عائلتكي الكريمة يشرطوبزااااف معليش ساععفيهم حتى يفرج عليك ربي بوليد الحلال
و السفنج جاك تحفة بصحتك نتي و وليد أخيك والشح فيهم أهاه :d:d

ههههههههه شح فيهم ....شكرا ام انس ....و الله ماش غير يشرطو يشرطو في كلش

اقتباس:

المشاركة الأصلية كتبت بواسطة السعيدة بربها سارة

الله يبارك عليك وا راكي حادكة يا اختي
ادعي الله لميمتك ربي يخليها ليك انا ما سويت يما تقولي موش هاك وانا ندير ووووو
والله كبري بالك
يجي نهار وتندمي على خرجتك من داركم يا الزينة

تعيشي سارة ....ماما قالت هادي مشوشة ماش سفنج هدا ما كان و انا ما زعفتش منهاا مي ..................ما كلاوهش

leila ben · 2013-08-30, 12:30

حبيبتي سرينا داركم عندهم الحق هادي مشوشة ماشي سفنج لخطر السفنج هو الخفاف
المشوشة تاعك سريعة ومليحة مي كاين مشوشة تجي منفوخة على اللي درتيها وخفيفة ميكثرولهاش السميد والخميرة تندار هي الأخيرة
بلاكي تزعفي مني أنا نعرفك شاطرة والفت نشوف وصفاتك الرائعة بصح لازم تتقبلي الإنتقاد باش تتحسني وإذا كانت الحاجة متعجبهمش ويقولولك مليحة ويسكتو متتحسنيش كامل وهاد العقلية ماشي غير في داركم حتى دارنا يهبلوني كي تجي الحاجة ناقصة مدام يماك تعرف تطيبها خير من هادي اللي درتيها قوليلها تديرها قدامك تماك تعرفي أنها كانت محقة في الإنتقاد ولا لالا .

sirina_angel · 2013-08-30, 12:37

اقتباس:

المشاركة الأصلية كتبت بواسطة leila ben

حبيبتي سرينا داركم عندهم الحق هادي مشوشة ماشي سفنج لخطر السفنج هو الخفاف
المشوشة تاعك سريعة ومليحة مي كاين مشوشة تجي منفوخة على اللي درتيها وخفيفة ميكثرولهاش السميد والخميرة تندار هي الأخيرة
بلاكي تزعفي مني أنا نعرفك شاطرة والفت نشوف وصفاتك الرائعة بصح لازم تتقبلي الإنتقاد باش تتحسني وإذا كانت الحاجة متعجبهمش ويقولولك مليحة ويسكتو متتحسنيش كامل وهاد العقلية ماشي غير في داركم حتى دارنا يهبلوني كي تجي الحاجة ناقصة مدام يماك تعرف تطيبها خير من هادي اللي درتيها قوليلها تديرها قدامك تماك تعرفي أنها كانت محقة في الإنتقاد ولا لالا .

لالا حبيبتي ليلى انا و الله ما زعفت .....مي راني نحب نسرد كومة الانتقادات هنا في المنتدى و مادابيا تاع دارنا يقولو ماش مليحة و نعدل فيها خير من مرة اخرى يقولو عليا ناس خرين ماش مليحة و يبهدلوني

بريق الامل& · 2013-08-30, 13:06

سيرينا سفنج روزا بالفرينة تقول لا جينواااااااااااااااااز
بصح هذا ما يمنعش تاعك ثاني يبان بنين يشبه لمشوشة ولا هي بالذات
المهم عجبك انت ووليد خوك بصحتكم

ام ندى 87 · 2013-08-30, 13:13

ارضاء الناس غاية لا تدرك كامل عانينا من النتقادات عند اهلنا و زيدنا تزوجنا يزيدو ينتقدوك اهل الزوج وهاكذا حتى يحطمولك نفسيتك و تولي ماطيبيش خلاااااااص
ماتبعيهمش حنونة لازمك تكافحي باه تثبتي شخضيتك

الأمنيات · 2013-08-30, 13:23

تبارك الله يعطيك الصحة

طهراوي ياسين · 2013-08-30, 13:24

يعطيك الصحه

ام عبودة · 2013-08-30, 13:32

سيرينا هذه ما شي اسفنج. هذه المشوشة اللى نحبها ونموت عليها. ويعطيك الصحة راكي نبهتيني الى فكرة مليحة ((المقلا)))
ههههه انا بكري في دارنا نديرها رقيقة وفي الكوشة على خاطر نحبها رقيقة ومحمرة بزاف ومعسلة بزاااااااف
امممم راني ما زال ما فطرتش وسلووو ريوقي
المهم يضحكو عليا عند بالهم ما نعرفش ههههههه
مي انا نحبها هكاكا
ومن تزوجت ضحكو عليا طايطاي اهلي زوجي حبست ما وليتش كامل نطيبها. واااااااااع
مي تاعك رايحة نجربها هههه سكارة

أم ياسين الزهراء · 2013-08-30, 13:45

يعطيك الصحة بصحتكم

imana · 2013-08-30, 13:49

يعطيك الصحة

فاطمة1987 · 2013-08-30, 14:09

يعطيك الصحة خرجلتك شابة انا تاني جربته ومعجبهمش عادي كلو وذوق تاعو كليتها غير انا واختي ههههه

fati21 · 2013-08-30, 14:36

بصحتك يالفحلة
هدي مش سفنج
ولو اختلفت الاسماء المهم الدوزق يكون بنين