لي تلبي طلبي يا رب تزور قبر النبي صلى الله عليه وسلم

امينة تيارت · 2013-08-09, 09:52

صح عيدكم من فضلكم بنات راني نحوس على غوسات تاع بوسو ولا تمسو لي بلا بيض يديروها بزاف في معسكر بدون بيض اذا ممكن تعطوهالي الان

امال ق · 2013-08-09, 10:35

اختي هذه طريقتي بتحضيرها ان شاء الله تنجح معاك لانها حساسة شوية
جربي مقدار صغير اولا
المقادير
1 كغ فرينة
250غ زبدة ذائبة (يمكن مزج مقدار زبدة ومقدار زيت )
125غ سكر ناعم
فنجان حليب
سكر ناعم و ماء زهر
في إناء العجن حطي الفرينة و احفري وسطها حفرة صبي الزبدة الحليب السكر و 2 ملاعق ماء زهر
اخلطي السوائل ثم الطحين تدريجيا حتى تحصلي على عجينة متماسكة لا تتفتت و إلا أضيفي كمية من الزيت
شكلي الحلوى على شكل حربوش قصيه مربعات أو أي شكل آخر اطهي في فرن متوسط الحرارة لا تدعيها تحمر
عند خروجها مرريها في ماء زهر ثم في السكر الناعم مرتين دعيها تجف 6 ساعات
هذه هي الوصفة الأصلية يمكن لإضافة قليلا من بشور الليمون أو فانيليا او كلاهما
ان شاء الله تنجح معاك

مواطنة جزائرية · 2013-08-09, 10:53

السلام عليكم

هذه طريقتي في تحضير بوسو لا تمسو والله يخرج روووووعة

كاس فرينة
كاس جيلجلانية محمصة و مرحية
كاس كوكاو محمص و مرحي
(مع بضع يصبحو 3 كيلات)
كاس زبدة ذايبة (كيلة)
قرصة ملح
تبسيهم مليح
و تحاولي تشكليهم قصبة و تقطعيها لمقروطات (يعني كيما نشكلو المروط نفس الشيء)
تطيبيهم غير في 180°م وحاولي تحافظ عليه خاطر يتفرتت و هو سخون حطيه مباشرة في السكر قلاسي خليه مدة و ضعيه في ليكيسات.

شوفي حنونة جربي بكاس صغير (نتاع قهوة والا تاي) إذا عجبك كبري في حجم الكاس اللي راكي تخدمي بيه لكي تتحصلي على كمية كبيرة

ربي يسترك أدعيلي ربي ينجحني في مسابقة التعليم

هجيرة1 · 2013-08-09, 13:55

يعطيك الصحة

بسملة القرأن · 2013-08-09, 15:53

اختي التيارتية انا ثاني من تيارت وان شاء الله كامل لي يتمنى يزورو يوفقو ربي
هاذي مقادير بوسو لا تمسو الحقيقية انا ماما تديرو من زمان وليحد الان مازلنا نديروه وما نستغاوش عليه
وديريه وماتخافيش مقاديرو مضمونة 100 بي 100
3كيلات فرينة
1 كيلة بين زبدة وزيت كمية الزبدة تكون اكثر من الزيت يعني الكثرة زبدة
1كاس شاي جلجلان محمص
1 كاس شاي سكر عادي
4 ملاعق ماء الزهر
التحضير
ندير الزبدة والزيت في قصعة والسكر ونمحر حتى يذوب السكر وندير الجلجلان
ومن باعد ندير الفرينة تدريجيا بصح كاين سر في هاذا القاطو تنحي كاس نتاع شاي من الفرينة وتحمصيها ومن باعد تفرغيها في الفرينة لي رايحة تديري فيها وتكملي حتى تتحصلى على عجينة وتشكليها كيما بوسولا تمسو وطيبيه وتكملي المراحل الباقية راكي تعرفيها
جربيه ورديلي خبر والله غير رووووعة

الأمنيات · 2013-08-09, 16:00

https://www.djelfa.info/vb/showthread...6+%CA%E3%D3%E6

https://www.djelfa.info/vb/showthread.php?t=974870

ام الرميصاء · 2013-08-09, 16:17

عيدكم سعيد اعاده الله علينا باليمن والبركات.وهذه وصفة مختلفة قليلا .500غ زبدة 1كوب سكر مبشور 1/2 كغ ليمون عصير 1/2 ليمونة 1خميرة ونلم بالفرينة نشكل حربوش نقطع مقروضات ونطيبهم ثم نمررهم في عصير الليمون ثم في السكر الناعم مرتين وبالصحة والهناء.واذا بغيتي اي وصفة اطلبي دون تردد شرط ان ترفقيها بدعوة مثل تلك التي طلبت بها هذه الوصفة.