*البقلاوة خطوة بخطوة من مطبخي بالصور*

[*عاشقة الجنة*]

بسم الله الرحمن الرحيم

هذي طريقة البقلاوة لكل مبتدئة.........ان شاء الله تفيدكم حبيباتي

المقادير:



العجينة:

3 كيلات فرينة + كيلة دقيق ممتاز + كيلة زبدة ذائبة + ماء الزهر + ملح + بيضة






الحشو:

3 كيلات مكسرات (أنا استعملت كاوكاو + جوز) حوالي 1 كغ
كيلة سكر رطب + قرفة + قرنفل (الطيب) +
2 م ك أو 3 سمن ذائب + ماء الزهر








التحضير:

نبسس الفرينة والسميد بالسمن الذائب


نخلط ماء الزهر بالماء ونعجن جيدا حتى نحصل على عجينة طرية


نخطيها بكيس ونخليوها ترتاح


في هذا الوقت نحضرو الحشو
نلمو جميع المكونات بماء الزهر .......لكن حذاري متكثريش
غير يحكم روحو برك


نغطيوه هو تاني ونخليوه يرتاح

دوكا نرجعو للعجينة نقسموها على 8


نفرشو الفرينة و نحلوها بالحلال (انا معنديش الالة)


ندهنو البلاطو بزبدة ونرشوه بفرينة



نحطو الورقة الاولى بحذر


نحطو 4 من تحت ثم الحشو لازم تضغطي عليه بالملعقة ثم 4 ورقات من فوق
ادهني بينهم بزبدة ذائبة
وقصي الزوائد من الحواف



قصي الحبات كيما حبيتي ثم ندهنوها بزبدة ذائبة وندخلوها لفرن مسخن مسبقا


حوالي 20 او 30 دقيقة من تحت ......... ومن فوق عينك ميزانك

سخني عسل باطة تاع 700 غ ثم أظيفي حوالي 3 م ك ماء زهر
متكثريش باه العسل يعطي لمعان للبقلاوة تاعك


بعد ما اطيب البقلاوة خرجيها ترتاح لدقيقتين وسقيها بالعسيلة


زووووووووووم


وهاهي واجدة




هنا درتها في باطة ومديتها



وهذي درتها العام اللي فات بنفس الطريقة




وصلى الله وسلم على سيدنا محمد

دعواتكن حبيبااااااتي

سلااااام