قصر القامة يعيق الزواج

[مشكلتي]

السلام عليكم

أنا في الحقيقة أريد الزواج لكن مشكلتي أني قصير 163 سم رغم اني وسيم ومستوى علمي رفيع وعندي عمل لكن هذا شكل لي عقدة واحيانا أقول في نفسي من تقبل بي كزوجة واترك الامر

ماذا أفعل جزاكم الله خيرا

[z.abdo]

انا نعرف واحد طوله 157 سم زوجته اكثر منه طولا تموت عليه

والتي ترى ان طولك عيب فالتعرف ان هناك كثير من البنات تنتظرن الزوج الصالح وليس الزوج الطويل

[abdel02]

يقولون كل قصير خطير...و أنت لست أسوأ حظا من ميسي 1.69م...أو مارادونا 1.65م أو نابليون بونابرت 1.68م.

[moha75]

لم يكن قصر القامة عائق في الزواج أبدا،
فنحن من جعلنا منه مشكلة،
لأننا نهتم بالظاهر أكثر من الباطن،
يا اخي أنت الحمد لله بصحة وعافية،
وغيرك ممن إبتلاهم الله بإعاقة جسدية تزوجوا،
وانجبوا ونجحوا في حياتهم،
مع أن الإعاقة ليست إعاقة الجسد بل إعاقة الأفكار .
أبعد عنك الوساوس وعش حياتك كما هي ،
لا تجعل من قصر قامتك عائقا في ممارسة حياتك،
نظرتك السلبية لنفسك أشد مضاضة من كلام الناس،
ربي يوفقك لما فيه الخير،
أمين أمين.

[ام نسمة]

مادمت وسيما فلا تخف سيتهافتون عليك الطويلات والقصيرات والسمرات والشقروات
المرءة تحب في الرجل وسامته وحسن وجهه خاصة وان كان وسيم فلا يهمها طوله او قصره

[رحمة من المولى]

و الله شايفة واحد يخدم في البلدية كي يروح يركب في الطويوطا يركبوه ميقدرش يطلع،مرة تلاقيت به في مركز البريد عاونوه باش اهط الدروج ممكن طوله متر متزوج بامرأة عادية فنانة في الطبخ و الحلويات بيتها يجنن مرات كان مع ناتو 2 يتمشى أطول منه مراه معقد موالو روح ادعي ربي يسهلك زواجك مع نت الحلال.
حيت نحكيلكم موقف طريف لي مع هذا الانسان غير أني خفت ردود البعض تذكرته الآن و أنا أضحك تفاديا لها سأكتفي بالموقف لنفسي
ربي يسهلك أخي الكريم

[سهيلة2013]

المشاركة الأصلية كتبت بواسطة مشكلتي

السلام عليكم

أنا في الحقيقة أريد الزواج لكن مشكلتي أني قصير 163 سم رغم اني وسيم ومستوى علمي رفيع وعندي عمل لكن هذا شكل لي عقدة واحيانا أقول في نفسي من تقبل بي كزوجة واترك الامر

ماذا أفعل جزاكم الله خيرا

وانا مادا اقول 130
كما قلت مستوى علمي ليسانس في العلوم السياسية
لكن .....يقصدونني لكن من اجل مصالحهم ...
ودرك راهم يتبعوا المظهر الخارجي كثيرا
لكن ....

[natacha.amir]

franchement c rare win talka une femme takbal tazawwej wahad kssir 3liha w c rare aussi talka wahed yakbal sa femme tkoun twila alih mais ya akhi kima tehab tazawej roh azewej wahda kadek w ftol wala kal menek raho kayan bzf bnat kssar normal w hda machi problm khlaaaas w zid ida lkit wahda 3ajbatek w hia twila alik w nta kabal w hia kabla khlas wino problm

[دعاء المحبوبة]

السلام عليكم ورحمة الله تعالى وبركاته
من غرابة المشاكل التي ترد في هذا القسم ومع النعاس والله قرأت العنوان على أنه قصر القمامة (وقلت في نفسي واش قصة هذا قصر القمامة)
راكم تكبروا في كل شيء هناك من هم اقصر منك وحتى بدون اطراف وهناك فاقدين البصر وفاقدين السمع وهناك اصحاب العاهات ...... وهناك من ينسيك فيهم كلهم شاربي الخمر ومدمني المخدرات والعياذ بالله
وراهم دايرين ديار وعايشين عادي
يسر الله أمرك

[amiramirna]

هاذا انت درت منو مشكل او انك تلقى الرفض
اللي ترفضك ماهيش مكتوبك وخلاص حتى و لو عجباتك تفكيرها غير سليم واش تنفعك هاذ اللي عاجباك
خلي عليك كيما قالت رحمة المولى كان يشوفوك مولا دراهم تركب الدارنيي كري و تلبس افسالورون هي تحللك باش تهدر معاها برك ماشي تزوج بيها حتى
الله يهدي بنات اليوم كي يصيبو واحد وليد حلال يبداو يتحلبو عليه

ربي مخبيلك اللي تستاهلك و اللي تستهال
و كيما قالت دعاء المحببوبة تاع دعاوي الشر و راهم دايرين ديار

[physicist]

أضحتني فعلا ياصديقي
انت فقط امض قدما و ستجد كم انهن الاف يتمنين الستر و الحياة السعيدة

[جمعي البشاري]

المشاركة الأصلية كتبت بواسطة abdel02

يقولون كل قصير خطير...و أنت لست أسوأ حظا من ميسي 1.69م...أو مارادونا 1.65م أو نابليون بونابرت 1.68م.

او بوتفليقة هههههههههه اعجبني الرد تاعك
+++
قصر القامة ليس عيب
وبالتوفيق لك

[khawlita.dz]

يا اخى عمرو ماكان الطول او القصر او الشكل مقياس لتقييم الناس
انما يقيم الانسان باخلاقو بمعاملتو الانسان بطريقة تفكيرو و بالتزامو بطيبة قلبو و حسن العشرة
والناس لا تفكر بنفس الطريقة اكيد ستجد من تناسبك
بالتوفيق

[عبد الله 22]

السلام عليكم عيد مبارك لجميع روحو دور في الاسواق و الشوارع و ركز مليح مع الناس ريح تش كل أنوع البشر متزوجين القصير و الطويل والعريض و وكل الاشكال الاخرى المهم أن تكون مسؤال ورجل يستحق ثقة إمراة أخرى

[مريم الصابرة]

السلام عليكم اخي
الطويل ما لقاش مرا والقصير ما لقاش وهذو النسا اللي راهم قاعيدن بلا زواج راحين نصدروهم للخارج
الله يهديك خويا المندبة جنازة والميت فار يا اخي راك وحدك دير فالحسابات شوف بنت وتقدم وراح تشوف القبول الامور اللي عطاهالك ربي مليحة ما شفتهاش شفت سنتيم او زوج ناقصين خلاص يأست وقلت محال وما نتزوجش وما يقبلوش بيا الله يهديك هذيك زمان كانو يشرطو غير إتكل على ربي يقبلو ويزيدو يحدو نهار العرس يخافوك تبدل رايك موفق