ملوي رائع من ايدي مع الشرح بالصور

[فينوسيتا]

السلام عليكم
للعجينة احتاج الى : 400غ فرينة.200 غ سميد حرش شوية .ملح و ماء للعجن


شكلتها كريات دهنتهم بالزيت و خليتهم يرتاحو


نسرح الكرية مليح بشوية زيت بهاد الشكل



ندهنو بهاد الخليط المتكون من سمن دايب و ملعقة صغيرة من الخميرة الكيماوية


و بعد الدهن نرش شوية سميد خشين.. هنا بهاد الخطوتين راه سر الملوي المورق



و نكمل الملوي بالطريقة المعتادة و نكرر عملية الدهن بالسمن و رش السميد في كل لفة نلفها





هنا طبعا لاني ما عرفتش نكت على الصور عملت صورة تذكارية ههه


و نبدا نطيب الملوي ..انا الصراحة نطيبو في مقلاة تيفال و نرش رشة خفيفة من الزيت و نحمروه


لاحظوا كيفاش تتنفخ الحبة دليل على انه مورق


و ها هو جاهز مع العسل الطبيعي


صورة تذكارية أخرى ههه

[norhene*]

شكرا جزيلا على الوصفة، لكن ممكن اطرح سؤال بسيط الله يخليك ؟؟
انا مبتدئة في الطبخ فهل يمكنك ان تحددي المدة التي تركته يرتاح فيها ؟؟ مع كمية الملح من فضلك....
شكرااااااااا مسبقا

[فينوسيتا]

اهلا و سهلا بك اختي طبعا ساجاوبك.احنا هنا حتى نستفيد من بعضنا
بعد ما عملت كريات خليتها بالضبط عشر دقائق
و الملح ملعقة صغيرة فقط.
نورتي

[norhene*]

شكرااااا ربي يحفظك و يخليك
الله يعطيك ما تتمني ان شاء الله ^_^

[شمس بريكة]

يعطيك الصحة

[إكليل]

أمممممممممممممم سخفتيني يشهي سلمت يداك.

[soussouya]

salam khtiii machaalha aliiik ana toujour ndiirah mais mayenjehliiich mayjiwniich les feuille fiiine w tetgataalii la pate ki nwarakha

[سهيلة2013]

يعطيك الصحة

[TITA TITA]

يعطيك الصحة......فحلة.

[دار الفل]

شكرا ليك عالإفادة، إن شاء الله في ميزان حسناتك

لاحظت أنك ما دلكتيش العجينة، على حساب ما فهمت نخلط المكوّنات ونترك العجينة ترتاح 10 د، و نبدأ طول نحضر الملوي

ليك أحسن تقيّيم

[فينوسيتا]

المشاركة الأصلية كتبت بواسطة دار الفل

شكرا ليك عالإفادة، إن شاء الله في ميزان حسناتك

لاحظت أنك ما دلكتيش العجينة، على حساب ما فهمت نخلط المكوّنات ونترك العجينة ترتاح 10 د، و نبدأ طول نحضر الملوي

ليك أحسن تقيّيم

و جزاك الله الخير كله..بالعكس فاتتني نبه على ضرورة دلك العجينة بالاول...شكرا لك على الملاحظة

[فينوسيتا]

شكرا لكل الاخوات على التشجيع

الاخت soussouya ماشي مشكلة اذا تقطعت ليك العجينة بالاول ..لكن صدقيني جربي هالطريقة راهي مضمونة

[imy 26]

يعطيك الصحة

[idron0]

جزاك الله خيرا

[فينوسيتا]

العفو..شكرا اخواتي