ماذا اشتري لخطيبتي بمناسبة العيد؟؟؟

السي محمد · 2013-07-30, 18:30

السلام عليكم و رحمة الله و بركاته

تقبل الله صيامكم و قيامكم و دفائكم

السؤال واضح اتمنى ان تجيبوني

من خلال معرفتكم و تجاربكم

ماذا اشتري لخطيبتي كهدية للعيد؟؟؟؟

و شكرا لكم مسبقا

قَاسِمٌ.قَاسِم · 2013-07-30, 18:43

سلام عليك
يا سي محمد
من خلال معرفتك بمن خطبتها تستطيع أن تهدي لها هدية تحبها قد تكون رمزية لكن سيكون لها وقع
سلام

السي محمد · 2013-07-30, 18:52

يا أخي الوفي صح انا ايضا اشتريت لها ما تحب

هي اختارت بنفسها و انا دفعت الثمن فقط

أما بخصوص تجربتك

تبقى تجربة واحدة فاشلة واحدة من ملايين التجارب الناجحة للخطبة

انا اتمنى ان يرزقك الله من تستحقك و ترضيك

بارك الله فيك
=========================

شكرا لك اخي القاسم على النصيحة

لكني اريد ان أتثبت قبل الذهاب

فربما اشتري لها شيء لا يعجبها ههههه

انا في بالي نشري زجاجة عطر

فقط ( إضافة لملابس العيد )

وش رايك؟؟؟

مريم الصابرة · 2013-07-30, 19:00

السلام عليكم اخي
الخطيبة حقيقة لا لانها مادية تنتظر هدية لا لأنها تنتظر إهتمام من زوجها المستقبلي انا من رأي الهدية تكون امر تلبسو فالبيت يعني وراني متأكدة هي ما راحش تلبسو راحا تخبيه حتى تكون في داركم لكنها احا تكون عزيزة عليها بزاف مثلا بيجامة نتاع لبنات راهم اشكال انواع فالسوق وبقيس دراهمك وزجاجة عطر والحمد لله وحقها نتاع القاطو هذا بزاف وكرأي وتدبير حجاة صغيرة لأمها بما إنو والدهام توفي يعني امها ما عندهاش شكون يتفكرها خمار مثلا يكبر بيها ويفرحها موفق

السي محمد · 2013-07-30, 19:02

هههه انا نتمنى الخير في المستقبل

و لكن اذا حصل ما تقول سادخل و اكتب موضوع خاص بذلك

صحا فطوركم و صحا عيدكم

ام نسمة · 2013-07-30, 19:29

مرحبا اقترح عليك ان تدفع ثمن ماتنتقيه هي وخلاص يعني خذها هي للمحل وهي تخير وات تخلص ههههههههههه
عادي حتى تتجنب تكسار الراس بالكامل
اما الاخ الوفي كلامك اليوم فيه هجوووووووووووووووووم كبير
يا اخي اصابع اليدين مش كيف كيف حتى النسا هكا وماتنساش كاين رجال راهم عايشين مع زوجات وما يستاهلوش حتى ظفر من ظفارها وراهم صابرات على جال الولاد
ادعي ربي يوفقك وتلقى امرءة مناسبة لك

ام نسمة · 2013-07-30, 20:38

اقتباس:

المشاركة الأصلية كتبت بواسطة (الانسان الوفي)

السلام عليكم .........ها أنت كذلك اختي تحكمين على تجربتك الشخصية ...انا لا اتهجم أنا اقول الصدق والذي اراه واسمعه يوميا حتى هنا في منتديات الجلفة ....الفرق بيني وبينكم أنني لا أدخل العلاقات الشخصية بيني وبين الأعضاء في حواري ...يعني احترامي لك وتقديري لك لا يمنعني من قول الصواب الذي أراه ...شكرا

لاول مرة لم افهم كلامك
راك تقولي انتي تحكمين بتجربتك الشخصية ...........اولا انا لم اقل انا او اقل عن تجربة قلت فقط بشكل عام
ثانيا انت كذالك اصدرت هذا الحكم اساسا على تجربتك الشخصية
قلت الفرق بيني وبينكم اني لا ادخل العلاقات الشخصية بيني وبين الاعضاء ؟اوليست تجارب الاشخاص هي الاحق بالنقاش من الكلام المنطقي العام ؟ لانه الواقع والواقع يغلب المنطق
وابدا بل بالعكس لن اتضايق ابدا ان نقدت كلامي وفرضت ما تقتنع به فالتقدير والاحترام لا يمحيان ابدا بالاختلاف في الرءي

imene12 · 2013-07-30, 20:43

اذا تقدر تخرج معاها خليها هي تخير واش تحب و إذا ما تقدرش تخرج معاها أعطيلها دراهم طبعا الشئ اللي تقدر عليه و هي تشري وحدها.
و ربي يهنيكم ان شاء الله.

~~(الانسان الوفي)~~ · 2013-07-30, 20:44

اقتباس:

المشاركة الأصلية كتبت بواسطة زهورالفل

لاول مرة لم افهم كلامك
راك تقولي انتي تحكمين بتجربتك الشخصية ...........اولا انا لم اقل انا او اقل عن تجربة قلت فقط بشكل عام
ثانيا انت كذالك اصدرت هذا الحكم اساسا على تجربتك الشخصية
قلت الفرق بيني وبينكم اني لا ادخل العلاقات الشخصية بيني وبين الاعضاء ؟اوليست تجارب الاشخاص هي الاحق بالنقاش من الكلام المنطقي العام ؟ لانه الواقع والواقع يغلب المنطق
وابدا بل بالعكس لن اتضايق ابدا ان نقدت كلامي وفرضت ما تقتنع به فالتقدير والاحترام لا يمحيان ابدا بالاختلاف في الرءي

السلام عليكم ....أختي أنا لم انتقد كلامك بل انت التي فعلت ...وخلال كل هذه السنوات هنا ...لم انتقد أحدا في رأيه ...بل أكتب رأيي أنا الذي يختلف مع رأيه ...يعني لا أقتبس مشاركة أحد لأنتقد رأيه ..بل أكتب رأيي في مشاركة مستقلة تختلف عن رأيه ...

ثم من قال أن تجربتي أقيس بها ...هذا الواقع وليس ما جربته أنا ....لا توجد امرأة قنوعة وتقر بخير الله وخير زوجها ...كلهن ناكرات للجميل ..شكرا

DJAMEL2004 · 2013-07-30, 20:49

قل لها نهار العيد صح عيدك راك اجمل النساء اليوم واذا دارت عليك و هربتلك تكون ماخسرت والو

بيان 5 · 2013-07-30, 20:57

بالنسبة لي خطيبي ان شاء الله سيعطيني مالا وانا اشتري ما اريد
هدا هو الاحسن
اسالها مادا تريد وبناء على دلك قرر
بالتوفيق ان شاء الله

دلال 30 · 2013-07-30, 21:12

اقتباس:

المشاركة الأصلية كتبت بواسطة (الانسان الوفي)

أخي الكريم ليست تجربة فاشلة ...بل هو الواقع والحق المبين ...وأتحدى أي انسان يدخل ويقسم ان زوجته أو خطيبته تذكره بخير ولا تنكر كل أفضاله عليها ...ولماذا نذهب بعيدا اخي ...أنت موجود وأنا موجود ..وان شاء الله رمضان القادم أدخل وأخبرني بما يصير معك ....ولا تنسى ما قلته لك اخي ...

هدانا الله واياك اخي الكريم
اقسم او لا تقسم... هاذ الكلام قالو الرسول الكريم عليه افضل الصلوات وازكى التساليم "يكفرن العشير" ايه انا وحدة من النساء كي نتقلق نقولو من النهار الي عرفتك ما شفتش الخير.... هههه.... ولكن اقول لك شيئا.... لقد كانت هدايتي على يده.... وهو من ساعد والدي على مصاريفي الجامعية.... والحمد لله,,,, حبيت نقولك هاذي سنة ربي في خلقو... ما عندك ما ادير.... كي تقول هاذاك الكلام على النساء... راهي معاهم امك واختك.... كلنا كيفكيف.... لكن ذات الدين بالتأكيد هي الافضل "فاضفر بذات الدين تربت يداك" ... اذا حبيت مرا ما تكفرش العشير... نقولك حاضر... بصح تنحيلك حق التعدد والقوامة ,....و....و..... يعني المرأخلقت من ضلع اعوج... اذا حبيتها فأحبها بعوجها وان اردت ان تقيمها كسرتها وكسرها طلاقها.... كمل من الرجال كثير وكمل من النساء أربع.... انت راك مصدوم من تجربة... من قلبي ندعيلك ربي يعوضك خير... حاول ما تزعفش من كلامي وتقبل مروري...

أم معاذ أم معاذ · 2013-07-30, 21:16

لا حول و لا قوة إلا بالله

أخي السي محمد ربي يهنيك و يسعدك مع زوجتك
أنا نقولك و نظن قلتهالك قبل
زوجتك إذا مديتيلها الكثير مش راح تنساهولك و إذا مديتيلها القليل مش راح تنساهولك
أنت مد مقدورك
لو كانت هدية عابرة لقلت لك اختار شيء بسيط يقعدلها ديما
لكن بما أنها هدية العيد و هي من العادات
نفضل أنك يا تمدلها دراهم تشري وش حبت يا تخرجها معاك و تخاير وش حبت

بالنسبة للأخ الإنسان الوفي نقولك أنت حكمتي على جميع النساء لكنك خطبتي واحدة فقط ما خطبتيش كل النساء و ما تعاملتيش مع جميع النساء

و لا يزال الصالحات حتى و إن كن فيهن عيوب فمن منا كامل

buffy 23 · 2013-07-30, 21:20

ادا كنت تحبها صح ...و تعرف اخلاقها و اصلها ...اهديلها الهدية المناسبة...و انت الراجل المسؤول ..كلمن راع و كل راع مسؤول عن رعيته...نظن باللي الدين يقول هكا مش العكس..مش المرا اللي تمد المهر ..وشمن منطق لا عقل اللي يقول هكا ...ادا كان هكا معنتها لازم المرا اللي تصرف و انت وينهي رجوالتك ياللي قلت هكا...........اما انت الاخ الكريم..اهديلها حاجة تع عيد جبة تكون مليحة تستقبلك بيها و عايلتك و تكون مستورة كاين حوس تلقى قفطان شباب تخبيه حتى جهاز تاعها ...و صباط و لا صابو ..بيان سير \parfum شابة et déodorant ..مع بعض ..و ربي يهنيكم انشاءا لله و يجعلها السعد انشاء الله ....

نورانيات · 2013-07-30, 21:37

أخي ربي يكملك حنا في عوايدنا الخطيب يهذي خطيبته بصنيوة تاه بقلاوة صغيرة وزجاجة عطر وقرصة صابون وطرف قماش من زوج بايط حنة والاهم حاجة تاع ذهب وفي الغالب يديو فلايك المهم على قد مقدورك كاين عندنا عائلات في الشرق ما يديوش العيد غير الا عقدت المرأة هكذا لتفادي المشاكل المنجرة بعد فسخ الخطبة