عاونوني راني في غمة

[sersoura26]

انا من فترة تفدم لي شاب بنية الزواج هدرت معاه في الهاتف مرتين ورايته مرة واحدة نظرة خاطفة ومبعد قلتلو اهدر مع بابا .بابا وافق عليه وليت نهدر معاه غير بالتيليفون عجبني وهو حبني حب كبير ومبعد بعت دارهم يديرو الشوفة ماشي الخطبة الخطبة الرسمية ما زالت انا ورا الشوفة وليت نتلاقاه تاع 2دقايق ماشي نخرج معاه بصح مين نتلاقاه ما يعجبنيش في زيو وانا درك نحس بعداب الضمير ساعات تبانلي نبطل وهو بصح يحبني بزاف وانا كنت صارحتو بلي نحبو قبل ما نشوفو تسمى حبيت شخصيتو بصح شكلو ما حبيتوش كيفاه ندير والله والله ندعي ربي ليل ونهار باش نحبو ونحب شكلو رغم انو مقبول الشكل يعني ما راهوش دميم شورو عليا وانصحوني بدون تجريح راني في غلبة

[كوثر 20]

السلام عليكم اختي شوفي الاخلاق وقلبو ادا كان صافي معاك لانك ادا بقيتي تحوسي على الزين ماتلقيهش وادا لقيتيه تلقيه متكبر وحاسب بجماله وتندمي على هاد الراجل اللي باغي تضيعيه وهادا رايء

[sersoura26]

ربي يخليك اختي والله راني محتاجة رايكم يعني نكمل معاه ومع الوقت نتفبلو ونولي نحبو؟

[soha1987]

انا نظن نفسك مازال ماولفاتوش هادي فت عليها مع الاول ديما يجي عدم قبول يعن يالنفس صعيبة باش تولفيها مع الايام توالفيه
ربي يحيب لي فيه الخير اختي

[كوثر 20]

المشاركة الأصلية كتبت بواسطة sersoura26

ربي يخليك اختي والله راني محتاجة رايكم يعني نكمل معاه ومع الوقت نتفبلو ونولي نحبو؟

اختي رانا هنا مثل الاخوة ورايء تكملي معاه ويقولو ناس بكري الحب يجي بعد الزواج وربي يخليكم لبعضكم وشكرا وصح فطورك

[النجمة القطبية]

اهلا صرصورة
اولا ميجوزلكش تشوفيه او تحكي معاه فى التلفون خاصة انو مازال الخطبة الرسمية يعنى راه اجنبي عنك اوكي
يعني انتبهي لهذه النقطة بزاف
النقطة الثانية قلتي انو عجباتك شخصيتو والشخصية فى الرجل اهم من الشكل
اما حكاية انو فجاة معجبكش راح نقولك انو الشيطان دايما يقف فى طريق الحلال ويوسوس للبنت والرجل احيانا وتلقاي التردد بعد الخطبة هذا امر عادي ويحدث للكثيرات
يعني متتسرعيش مدام الشخص اخلاقو مليحة
ومع الوقت راح تحبيه ممكن جداا مدام شكلو مقبول والاهم اخلاقو مليحة
ربي يوفقك

[مشطوب]

أنا سأقول عكس الآخرين

أنا واقعي ولا أحب المثاليات

أنت لم يعجبك شكله

والقلب وما يهوى

ليس العيب فيه وليست المشكلة فيك انت

هو خلقه الله تعالى هكذا

وأنت تريدين ما تطمئن به نفسك وتحصيني بك نفسك

لذا الأحسن أن تتوقفي من الآن

أحسن من المستقبل ولربما يعجبك شخص آخر

وتقعين فيما لا يحمد عقباه

قولي له ربي يجيبلك مكتوبك

أنا لا أريد الزواج الآن .

وحتى ولو كان شخصا طيبا

فهذه هي الحياة

وكوني متأكدة من أشمئزت نفسك منه في المرة الأولى

والنظرة الأولى حاسمة

سيبقى ذلك في مخيتلك

لذا أنصحك مادام الأمر في بدايته أن تتوقفي

وربي يجيبلك أنت المكتوب وهو أيضا كذلك

[nourab]

القطار يمر ولا يعود.

[بسمة تحدي]

اكبر خطأ درتيه انك هدرتي معاه قبل مبحي لدار ااااااااااااه اااااااااااااه

الهدرة تفتن اكثر من الصورة

كي هدرتي معاه وسمعتي صوتو عجبك وكي شفتيه معجبكش الله الله

حكايتك راهي غالطة قع من الاول يا صديقتي بصح ضوك اتفرط

لازم تتوبي لربي سبحانو وتستعرفي بليك غلطتي ودرتي اثم وخطأ كبير لخطرش ربي قال حرام يعني حرام

وتاني حاجة الراجل ميتعيبش يا اختي المهم يكون مربي ومثقف وعندو اخلاق

الشكل مهوش قع مشكل والله

يا اختي تعيشي من فضك ارجوكي متتلعبيش بمشاعر الاخرين اذا شفتي روحك تكملي معاه اللهم مبارك

معجبكش ولا اي حاجة اقطعيهالو من ضوك

ونصيحة متزديش تهدري معاه خلي باباك يتدخل

[رحمة من المولى]

ربي يسرلك حنووووووونة

[مريم الصابرة]

السلام عليكم اختي
يعني عرفتيه خفيف خفيف خفيفو هو حبك ودار النيةو جاو اهلو شافوك وضرك واش ما عجبكش فيه زينو الزين للنسا عقليتو مليحة علاه ما تقبليش بيه والله دار النية معاك علاه تحوسي على مهند يا سرسورة ربي يهدي إتكلي على ربي وشوفي فيه الإجابيات وربي يهنيك تضيعيه من يدك وتندمي موفقة

[khawlita.dz]

المشاركة الأصلية كتبت بواسطة sersoura26

انا من فترة تفدم لي شاب بنية الزواج هدرت معاه في الهاتف مرتين ورايته مرة واحدة نظرة خاطفة ومبعد قلتلو اهدر مع بابا .بابا وافق عليه وليت نهدر معاه غير بالتيليفون عجبني وهو حبني حب كبير ومبعد بعت دارهم يديرو الشوفة ماشي الخطبة الخطبة الرسمية ما زالت انا ورا الشوفة وليت نتلاقاه تاع 2دقايق ماشي نخرج معاه بصح مين نتلاقاه ما يعجبنيش في زيو وانا درك نحس بعداب الضمير ساعات تبانلي نبطل وهو بصح يحبني بزاف وانا كنت صارحتو بلي نحبو قبل ما نشوفو تسمى حبيت شخصيتو بصح شكلو ما حبيتوش كيفاه ندير والله والله ندعي ربي ليل ونهار باش نحبو ونحب شكلو رغم انو مقبول الشكل يعني ما راهوش دميم شورو عليا وانصحوني بدون تجريح راني في غلبة

يا اختى اتاكدى من نفسك قبل ما تعطى الموافقة هدا انسان
وادا ما كنتيش مرتاحة ل شكله فاتركيه احسن من ان تتزوجى به و تندمى و تظلميه اكثر
الزواج قبول و رضا و اقتناع تام والا كل واحد يرح فى الطريق لى تساعدو
ولا تدخالى الضمير ارى ان تطلبى مقابلته و تتاكدى من روحك و بعدين صارحى اهلك ب قرارك
اما تقبلى بيه وانت مش مقتنعة هدا ظلم ليك و ليه وادا اقتنعت انك لا تريدينه او لا يعجبك اعملى لى سبب و افسخى الخطبة احسن

[sersoura26]

شكرا ليكم كامل انا والله حابة نكمل معاه بصح خايفة نحتم على روحي ومبعد ما نقدرش نحبو

[السلطانة هيام]

الجمال جمال الروح

[khawlita.dz]

[QUOTE=sersoura26;1053827084]شكرا ليكم كامل انا والله حابة نكمل معاه بصح خايفة نحتم على روحي ومبعد ما نقدرش نحبو[/QUOTE
يا اختى ماتختمى على روحك ما والو القلب وما يهوى واا كملت معاه وانت موش عاجبك راح تظلميه اكثر
اتاكدى من نفسك اولا و كونى قوية و صارحى اهلك وان شاء الله تتحل
الزواج ليس بالغصب او مجاملة ومرحلة الخطبة مى مرحلة للتاكد و التعارف ثم اعطاء القرار
نظن ادا مارتحتيش ل شلو فالاحسن تبتعدى و تخليه يشوف طريقو و متامليهش اكثر
اتحبين ان تكونى فى موقفه
يا اختى كونى صريحة مع نفسك و معاه هدا زواج عمر