نقطة عقود نا قبل التشغيل في المسابقات

dalal batna · 2013-07-25, 13:08

انا شاركت هذا العام في مسابقة الأساتذة وكي جيت نحط الملف سالت في المديرية واش لازم نكتب المهنة في شهادة عمل عقود ما قبل التشغيل قالولي لازم تكتبي الاسهام في التعليم وبالفعل كتبهالي المدير ودفعت الملف ومن بعد سمعت انو لازم تكون مكتوبة معلمة او أستاذة ولما اتصلت بالمديرية قالولي لازم تكتبي مكلفة بالتدريس مالا انا رحت للمدير كتبلي وحدة معلمة ووحدة مكلفة بالتدريس يعني كل الاحتمالات حطيتها وديت معايا شهادات العمل كل وحدة كيفاش مكتوبة وكي دخلت للأكاديمية لمصلحة الامتحانات لقيت المسؤول قلتلو حابة تبدل شهادة العمل لي في الملف وقلتلتو انتوما واش تطلبو لي يقولي عليها نقولو إيه كاينة مي ما لقاش واش يكذب قالي لازم تكون مكتوبة معلمة انا قلتلو كاينة واعطيتهالو ومن ثم قالي روحي للمدير المسؤل في المديرية وهو يقولك واش تحطي كي رحت عندو قالي يا بنتي والله رآهم يلعبو بيكم قالي شهادة عمل في عقود ما قبل التشغيل غير معترف بها نهائيا يعني تساوي صفر نقطة حتى واذا كتبتي فيها معلمة وهوما يطلبو العقد والعقد غير مكتوب فيه نفس المهنة ولازم يكون تطابق
النتيجة:شهادة عقود ما قبل التشغيل في المسابقات ما يحسبوهاش حتى ولو كتبت فيها منصب رئيس راهم غير يتميعون بينا كي يطلبوها في الملف

HAKIM HA · 2013-07-25, 15:25

ايه و الله عندك الحق اختي

راهم يلعبوا بينا

ربي وكيلهم و حسبنا الله و نعم الوكيل في كل من تسبب في معاناتنا

dalal batna · 2013-07-25, 21:11

اذا كاين واحد تسبب في هذه المعاناة فهو سكوتنا والله احنا لي ساكتين وراضيين خلي المسؤولين يتماداو حتى يجي نهار يرجعو يقولونا وعلاش انتوما عباد؟

تاج العروس · 2013-07-25, 23:05

السلام عليكم راهم غير يكدبو عليك شهادة العقود معترف بها بشرط يكتب فيها ملاحظة : مارست التدريس خلال هده الفترة.انا عندي اختي ربحت في المسابقة الي فاتت و لم يكن لها خبرة سوى شهادة العقود الي دارتها.توكلي على ربي و ادفعيها مع الملف و ما تصدقيهمش راهم يخدعو فيك .انتي ماكي خاسرة والو حطيها في الملف و ادا كان ربي كاتبلك تنجحي واحد ما ينحهالك.و بالتوفيق

dalal batna · 2013-07-26, 12:12

اقتباس:

المشاركة الأصلية كتبت بواسطة تاج العروس

السلام عليكم راهم غير يكدبو عليك شهادة العقود معترف بها بشرط يكتب فيها ملاحظة : مارست التدريس خلال هده الفترة.انا عندي اختي ربحت في المسابقة الي فاتت و لم يكن لها خبرة سوى شهادة العقود الي دارتها.توكلي على ربي و ادفعيها مع الملف و ما تصدقيهمش راهم يخدعو فيك .انتي ماكي خاسرة والو حطيها في الملف و ادا كان ربي كاتبلك تنجحي واحد ما ينحهالك.و بالتوفيق

يا اختي انا دفعت الشهادة ولكن والله هذو يلي يخدمو في مديرية التربية لولاية باتنة راهم أخوة اليهود كل مرة يخرجها فيهم ربي لكن ما يتعضوش ربي وكيللهم
اختي تاج العروس من اي ولاية انت؟

mowakara · 2013-07-26, 18:26

نفس الشيء حدث لي في باتنة، لم يتم قبول عقود ما قبل التشغيل كخبرة
الحقيقة أنا لا طلعت لا هبطت، على بالي ما فيهاش فايدة، وملليت
ربي ينجحنا ان شاء الله