هل الخطا منا أم في هذا الجيل؟

[sabi.k]

السلام عليكم إخواني أخواتي
اليوم صراتلي حاجة فكرتني بناس زمان وكيفاش كنا عايشين بكري
الصباح جابتلي زوجة أخي أولادها قبل ما تروح للعمل وهي عندها 3 ذكور صغيرهم عندو 6 أشهر
الصغير ما دارلي والو ربي يسمحلو
الزوج لخرين مع ولادي يعني المجموع 4 هوما اللي جراوني نهار كامل وأنا معاهم
وقعدت نقول في بالي كيفاش ندير لوكان نزيد وزدت اقتنعت أني مش ممكن نزيد خلاص مع الجيل تاع ذرك
أحا بكري كانت جدتي ربي يرحمها تحكمنا أنا وخاوتي وخواتاتي مع أولاد خوالي واحنا في 10 والله ما نتنفسوا
غير تخزر برك فينا نسكتوا وما نديروا والو رغم أنها كانت عجوز ربي يرحمها
بصح ذرك نعيطوا والو نضربوا والو نجريو معاهم وهوما يزيدوا أكثر
ولادي وحدهم نقدر نتحكم فيهم بصح كي يتلموا مع ولاد خويا يا لطيف
على هذا ارتأيت نستفسر ونسأل: أين المشكل؟
هل هو فينا أو في هذا الجيل؟
وصح فطوركم

[شلال فرح]

شوفي اختي

الخطأ فينا وليس في هاذا الجيل

ناس بكري كان غذائهم صحي و متوازن الفاست فود و الحلويات هاذي ياكلوها فال
و في الوقت هذا اغلب أكل الاطفال و أركز على الاطفال غذذائهم سكرياااااااااااااااااااااااااااااااااااااااااااااا اااااااااااااااااااات
و هذا الشيء يسبب لهم فرط نشاط بسبب كمية النشويات و السكريات الكبيرة في جسمهم جسمهم يولي قنبلة نشاط و حيوية ما تجي تخلص نسبة صغيرة من المخزون حتى يزيدو يتناولو المزيد من الحلويات لهذا نلقاوهم حتى في منتصف الليل عندهم نشاط زائد
و بسببنا نحن و بسبب تهاوننا و لا مبالاتنا بنظامهم الغذائي ولاو فوضويين " قباح "
و من صغرهم و هم يتضربوا حتى والفو على هاذ الريتم

[maya bouharoun]

انا شفت برنامج امريكي قالو فيه بلي حتى الملونات لي في الحلويات خاصة تلعب دور في فرط النشاط الخطأ فينا طبعا لان الطفل ما يعرفش صلاحو

[Napia]

ااااه طلي عليا دارلي الاعصاب

[ام فريال لينة]

انا عندي بنتي صغير واﻷه غير حتى الشيب خرجلي واعرة منقدرش نوصفلكم لوعارة تعها وملي كانت بيبي يعني قبل ما تاكل حلويات وأنا ما نحبش نكل حاجة حلوة حتى الدوك راهي عمرها قريب 3سنوات ما تفهم بالهدر ما تفهم بالضرب هبلتني والله غير كي تبدى لبكى تعها ما نعرف واش ندير

[**افنان**]

المشاركة الأصلية كتبت بواسطة ام فريال لينة

انا عندي بنتي صغير واﻷه غير حتى الشيب خرجلي واعرة منقدرش نوصفلكم لوعارة تعها وملي كانت بيبي يعني قبل ما تاكل حلويات وأنا ما نحبش نكل حاجة حلوة حتى الدوك راهي عمرها قريب 3سنوات ما تفهم بالهدر ما تفهم بالضرب هبلتني والله غير كي تبدى لبكى تعها ما نعرف واش ندير

اختي ابنتك لاتزال صغيرة اياك والضرب لقد جربته يفقد الثقه في النفس ويعقد الولد اصبري عليهااعطيها مزيدا من الحب والحنان والامان