نصيحة

[مشكلتي]

السلام عليكم ورحمة الله وبركاته
اليوم جيت نفرغلكم قلب شوية من زوجى بصح حبياتكم تنصحونى كاخت ولاداعى للردود الجانبية لانو فعلا محتاجة مساعدتكم انا نعرف بلى مايجوزش نكشف على اسرار بيتى بصح الله غالب تحتمت وماحبيت حتى واحد يعرف
المهم نبدالكم
انا متزوجة عندي 19 سنة وعندي ولد وزوجى عندو 24 سنة زوجى سلفي والحمد الله وانا ايضا والحمد لله
يعنى اخوة كيما يقولو
المهم نبداو
انا نشك في زوجى بزاف مانعرف لانو نحبو وزيد مش دايرة فيه ثقة كااااااامل هو صح في الاول كان يحبنى الحاجة الي نكح عليها تكون حاضرة وواش من حب وواشمن تقلاش
بصح دوكا نقلب راسا على عقب
فجاة يعنى مانعرف علاه وانا ولا يبانلى ولا شوية ينحرف ماولاش يروح لصلاة الفجر في المسجد ماولاش يحضر حلقات وليت مرات نلقى في التلفاز قنوات (0000 راكم عارفين)وكي نقولو علاه يقولى والله مانشوفهم ينحيها تم تم ويقولى والله مانشوفهم مانامنوش ومن بعد يقولى هادي قناة تاع سبور وفي اليل يقلبوها هاداك الشيء ماعلى باليش الى صح ولا لالا
وحتى كي نخرجو برى يقعد يخزر في لبنات مانعرف الى جات عينو برك ولا يخزر يخزر عدت مانديرش قاع فيه ثقة
والبارح كان فيديو في الفايس بوك اللي حاطو موالف يحط عفايس تاع سبور والباح حط فيديو تاع امراة (00000) وانا كنت راقدة بصح كنت نشوف فيه من المراية واش راه يدير من بعد شفتو خزر فيا نضت ديراكت قتلو رجع نشوف واش كنت تشوف كي شفت راكم عارفين واش القيت الله يسترنا
وتانيك ديما يقولى احرقتيلي راي بالدراهم على هاديك رانى كرهت
انا والله مابيا الدراهم الحمد الله شبعتهم في دارنا
بصح هو درك راه عندو طفل يحتاج ليكوش يحتاج لبسة ومرتو نفس الشيء وهاد طبيب بصح هو لايبالى هو يعنى مايخدمش كل يوم سمانة يخدم وشهر لالا بصح في السمانة هاديك كي يخدم يجيب 6 ملاين ولا 7
بصح مايخبيش يديرهم كلهم في جيبو ويقعد يبدر فيهم ومن بعد كي تحبس الخدمة يقعد يقولى مانروحش نسرق ا
انا والله راسي تحرق وماعرفت واش ندير معاه
والبارح قالى ماتزيدي اتدخلى روحك فيا ماتزيدي اتحوسي على الدراهم
والله ماعندي حاجة في دراهمو بصح وليديو خاصو اللللف حاجة
والله مرات نحسو ماشي مسؤول كي نقولو خبي يجي نهارهم يوقلى كي تحتاجي قولىلى انجيب
حتى احلفت من اليوم مانزيد نقولو جيبلى حاجة عندي ماليا الحمد لله نبدى نطلب منهم والحمد الله
ورانى متفاتنة معاه من البارح ماهدرتش معاه
وزيد كاينة حاجة غريبة
كاينة مراة من العائلة كامل ماتعيطليش بصح كي تعيطلى هاداك النهار نتفاتن معاه
انا زوجى مكانش هاكدا كان بزاف حنبن عندو واحد الشهر ملى بدا يتبدل
حتى وليت نشك فيه عندو واحد اخرى والله اعلم
والله ماعرفت قاع واش كتبتلكم نحب تنصحونى الله يستركم والا مكانش نلجا لوالديا

[بسمة تحدي]

ربي يكون معاك يا اختي

انا وش نقلك يمكن انتي موفرتيلوش الجوى فالدار حتى ولا يخزر برا ويشوف فالقنوات والفيدوهات

حاولي تهتمي بنفسك اكثر وحاولي انك تجبدي رجلك ليك

روحي معاه غير بالعقل واعرفي كيفاش تتعاملي معاه ومتخليش ديما عايط وشجار ووو

لالا اهدري معاه غير بالسياسة ماشي اي حاجة تروحي تزعفي وتشنفي عليه

واكيد اكثري من الدعاااااااء ربي يهديه ويثبت قلبك

وقوليلو يكثر من الاستغفار ويارب يجيب الخير

[naamane3]

تقولين زوجك سلفي
ذكريه بأمور الدين وبأحاديث
رسول الله صلي الله عليه وسلم
وبالوعيد واليوم الأخر
ثم حاوريه واسمعي منه
وادعي له بالهداية والصلاح
واستغفري الله لكي وله
والاهم حافضي على صلاتك
وقيامك وخاصة الدعاء له على مسمع منه
عسي ان يتأثر والله المستعان

+

[123boutheina]

زوجي سلفي

كل بني آدم خطاء


1 : هذا زوجك وليس بابنك فلا تحاسبيه ولا تنتقديه
2 : ما فعل زوجك من منكر فبينه وبين الله وكل الذي عليك النصح بمعروف والتذكير بالله
3 : صلاة الفجر والدعوة للخير بعاطفتك ونفسك الطيبة توقظين همته
4 : زوجك يحتاج لثقتك في طريقة ادارته لبيته وماله ؛ فما اعطاك من مال فاق حاجتك ادخريه واريه ذلك حتى يثق بحرصك ع ماله
ولا تهدي حيله بكثرة المقاضي
5 : سهام الليل لا تُخطئ ي الحبيبة
6 : خلي جملة اعوذ بالله من الشيطان الرجيم دائما في سرك وتيقني واحسني الظن بالله

ومع ان للكلام بقية ولكن امور الزوجات في مكان مُختلط لا تُبيح الافصاح والاسترسال بحرية
فهناك منتديات نسائية تُعرض فيها نفس المشاكل ولها من الحلول البسيطة الفارقة عن حال ذي قبل
فابحثي وستجدين ظالتك باذن الله
موفقة

[ziriem]

يا أختي الفاضلة هذا زوجك و عادي واش كاين بيناتكم لازم تنتظري كل شيء في الحياة الزوجية و خليك من الهدرة هذي تاع تلجئي لبيت أهلك من المفروض أهلك ما يسمعوش كامل بهذه المشاكل لأنه يأتي يوم و تتصالحين مع زوجك و أهلك يولو يشفو فيه بنظرة ماشي مليحة
المهم سخري كل وقتك لزوجك ولا تملي لأنه سيأتي يوم و يرجع لكلامك
أما فيما يخص القنوات الاباحية هذه عندما تكونان في جو ايماني هادئ ذكريه فيها و مدى خطورتها على نفسه بنصوص من القرأن و العقيدة و السنة تأكدي أنه سيباشر بازالتها فورا
حاولي أن تهدي له كتبا دينية و طالبيه بأفكارها و ناقشا في هذه المواضيع و الله يجمعكما بما فيه الخير كله
سلام

[Assouma 93]

يا اختي اطلبي له الهداية في هذا الشهر و ربي يفرج عليك ان شاء الله

[حكاية منسية]

روحو ارقيو انتي و هو

[نور الملاك]

الله يهدي سركم اختى اكثري من الاستغفار

[nibrasse 76]

هذا هو الزواج بالصغير في السن ...مازال ما شبعش من رايووووو.....مش غير انت بزاااااف حالتهم كيما زوجك ...وأكثر حتى ...وماذا بيك ما

تزيديش تقولي راهو سلفي ...

[ميمي سمية]

ختي حتى نتي ماتشكيش بزاااف

شفت بلي حكاياتك كامل شكوك ماعدا حكاية الفيديو تاع الفيس بوك

حاولي تتقربي منو اكثر لان اغلب مايقع الرجل في هذه الاشياء وهو في حالة فراغ في قلبه

[مومي23]

اختي
كثيرا من الشباب عندما يتوبون يدخلون في الدين بقوة و عنف لحية قميص تقصير صلوات في وقتها تحريم اغلب الاشياء حتى الحلال منها
و بعد فترة يبدا الانسان يعود تدريجيا الى طبيعته ينقص اقباله على كل الامور السابقة
لان الحياة تاثر فيه ممكن يقصر لحيته الى ان ينزعها تماما ينقص اقباله على الصلاة خاصة صلاة الفجر
ينزع القميص و الامور اخرى كمشاهدة قنوات ي التلفزة كان يعتبرها حرام
الكثير من الشباب رجعوا الى ما كانوا عليه قبل التوبة
زوجك من هذا النوع لا تصغطي عليه المهم ان يبقى متمسكا بدينه
اما انت اهتمي بنفسك مادمت في 19 من عمرك كوني عشيقته بكل معاني الكلمة
البسي له احسن لباس و الاجمل ان يكون فاضحا يظهر اكثر ما يخفي
انه وقتكم للتمتع ببعضكم

اعتدلي في عبادتك لا تبالغي لانك انت ايضا قد تتراجعين مع الوقت

[السلفية الجزائرية]

يا أخية اتقي الله في نفسك ...تكشفين أسرار عائلتك هكذا . أين أنت من نهي النبي صلى الله عليه وسلمم عن هذا والله المستعان ........ثم أنت بموضوعك هذا أسأت للسلفية من حيث لا تحتسبين فغالب من سيقرأ موضوعك سيظن السلفية هكذا والسلفية بريئة من هذه الأفعال
.ما نزل بلاء إلا بذنب يوضح هذا قوله - صلى الله عليه وسلم : ( إن العبد إذا أذنب الذنب نكت في قلبه نكتة سوداء ، فإن هو تاب ونزع واستغفر صقل ، ولا يزال العبد يذنب الذنب ، فذالكم الران ، ثم تلى ذالكم الآية : ( كَلَّا بَلْ رَانَ عَلَى قُلُوبِهِم مَّا كَانُوا يَكْسِبُونَ ) .

فرَحِمَ اللّه رجلًا محمود السَيرة، طيِّب السريرة، سهلًا رفيقًا، ليِّنًا رؤوفًا، رحيمًا
بأهله حازمًا في أمره، لا يكلف شططا ولا يرهق عُسرًا، ولا يهمل في مسؤولية.
ورَحِمَ اللّه امرأة لا تطلب غلطًا ولا تكثر لغطًا صالحةً قانتةً حافظةً للغيب بما
حفظ اللّه.
فاتقي
اللّه أيها الزوجة فإنه من يتق اللّه يجعل له من أمره يسرًا.
فالبيت السعيد ليس هو الذي يخلو من الخلافات، وإنما الذي يضم زوجين يعرفان كيف يختلفان دون أن يخسر كل منهما ود الآخر، أو ينتقص من رصيد احترامه له، فالخلافات واردة في كل بيت، ولم يخل منها حتى بيت النبوة، المهم كيف يدار الخلاف بفن وحب ولباقة، نصائح نقدمها لكل زوجين حتى تمر لحظات الخلاف بأقل الخسائر أو بلا خسائر:

1 - فكرا قبل أن يرد أحدكما على هجوم أو استياء الآخر، فقد يكون متعبًا أو مريضًا هذا اليوم بخاصة مما يمثل ضغطًا على أعصابه، فقد يمكن تفادي مشادة أو خصام قبل أن يبدأ، ثم فكرا في إجابة أو رد لطيف يهدئ الجو، وينسي الآخر ما كان ينوي إضافته من عبارات قاسية، فالمبادرة لتلطيف الخلاف أمر محبوب ويشعر الطرف الآخر بمقدار الحب.

2 - لا تكررا ردودكما أو إجاباتكما كلما تناقشتما حتى لا يثير أحكما غضب الآخر، وحتى لا يزداد الأمر سوءًا، وليحاول أحدكما أن يحتفظ بهدوئه طالما أنه يلاحظ أن الآخر بدأ يفقد هدوء أعصابه.

3 - تجنبا الردود القاطعة، أو التي تدل على أنه لا أمل في تحسين الموقف وحل الخلاف أو المشكلة، مثل: "لقد ولدت هكذا"، "لقد اعتدت هذا"، "لا فائدة"! "لن تتغير أبدًا"، "أنت دائمًا تسيء فهمي"، فكل هذه العبارات وغيرها تفقد الأمل لديكما في الوصول لحل يمكن أن ينهي أو يحد من إثارة المشكلات كثيرًا، بل وتوصل في الغالب إلى طريق مسدود، وتشعر الطرف الآخر بالإحباط وعدم الفائدة من الصلح أو تحسين العلاقة.

4 - تجنبا الشكوى لطرف ثالث ليتدخل بينكما، فكثرة ترديد عيوب أو نقاط ضعف الطرف الآخر، تجسمها وتضخمها، وتوحي باستحالة الوصول للصلح، وفي الغالب حين يتدخل طرف ثالث بينكما يزيد المشكلة تعقيدًا، كما أن الرسول (صلى الله عليه وسلم) قد نهى عن إفشاء الأسرار الزوجية، كما أن الطرف الآخر يستاء كثيرًا حين يعرض أحدكما المشكلة المشتركة بينكما على طرف ثالث، وربما يؤدي لفقد الثقة بينكما.

5 - اشرح لزوجتك (لزوجك) ما يضايقك من أسلوبها، أو كلامها بطريقة مباشرة، بدلاً من تركها في حيرة، فهذا يختصر الكثير من الوقت، ويسهل تعامل الطرف الآخر معك مباشرة، ويشعره بالارتياح؛ لأنك كنت صريحًا معه من البداية.

6 - اتفقا على أن يأخذ كل واحد منكما دوره في المبادرة بالصلح في أي مرة تختلفان فيها، بصرف النظر عن "من الذي بدأ"؟! فإذا كانت قاعدة "خيركما من يبدأ بالسلام" ( متفق عليه ) التي أرسى قواعدها الرسول الكريم (صلى الله عليه وسلم) قائمة بين الأشخاص في العموم، فمن الأولى والأحق أن تستخدم في العلاقة الزوجية.

7 - تجنبا إطالة فترة الخلاف، حتى لا يزيد التباعد بينكما من تضخيم المشكلة مهما كانت صغيرة، واحرصا دائمًا على حل مشكلاتكما والقضاء على ما يعكر صفوكما أولاً بأول، ولا تدعا اليوم يمر دون حل الخلاف، حرصًا على مشاعركما، وعلاقتكما، فالصلح والغفران هما ضمان نجاح حياتكما.

8 - "قبول النفس"، و"قبول شريك الحياة" يقي من الوقوع في دائرة الخلاف أو الخصام، فأنت من البداية تعرف عيوب الطرف الآخر، وتعرف كيف تتعامل معها.

9 - ضعي دائمًا - عزيزتي الزوجة - نصب عينيك حديث الرسول (صلى الله عليه وسلم): "لو أني أمرت أحدًا أن يسجد لبشر، لأمرت الزوجة أن تسجد لزوجها من عظم حقه عليها" ( رواه أحمد في مسنده )
- وضع يا عزيزى الزوج - نصب عينيك حديث الرسول الكريم (صلى الله عليه وسلم): "خيركم خيركم لأهله وأنا خيركم لأهله" ( متفق عليه )، وليكن هذا دستور حياتكما دائمًا، وهذا كفيل بحل أي خلاف فورًا، ويا حبذا صلاة ركعتين حتى يفتح الله بينكما بالحق عند كل خلاف، فاتباع القرآن والسنة خير منقذ من عواصف الحياة.
مازلت صغيرة لكن تعلمي كيف تلجئي إلى ربك ولا تخرجين أسرار بيتك وحلي خلافاتك فيما بينك وبين زوجك وذكريه بالله جلا وعلا فإياك وإياك من إفشاء أسرار بيتك وإن لزم الأمر فاستفتي شيخا أخيتي ثم إياك وإياك والشكوك فإنها تهدم البيوت فغالبا تكون ولا أساس لها فاتّق الله وراجعي نفسك وتوبي إليه من الذنوب والخطايا ....أما الفايس بوك فقد تكلم فيه أهل العلم ويمكنك أن تطلعي زوجك على هذه الفتاوى وهناك كتاب قيّم اسمه القول المسبوك في حكم الفايس بوك من هذا الرابط لتحمّليه :
https://www.2shared.com/document/Xsyd1xj9/_____.html.....وإليك مجموع فتاوى تخص الفيس بوك في هذا الموضوع

https://www.djelfa.info/vb/showthread.php?t=1242771
وأنصحك
بهذا المقطع الصوتي القيّم بعنوان:

彡 مدرسة التلفاز !! 彡

للشيخ / عبدالعزيز البرعي - حفظه الله تعالى -
https://www.djelfa.info/vb/showthread.php?t=1254790

[souso30]

راكي تقولي سلفي يعني يتقي الله ويعرف الحلال من حرام لكن بزاف رجال سلفين كي يزوجو يتبدلو يفلسو ا اناقة رجل تبدا من غض البصر الله يهديه

[doba]

ربي يهدي وفقط

[ولد حمد الباتني]

لوكان سقسيتو عليه قبل على الخدمة وهل بخيل ولا فحشوش ولا
مايهمش الدين برك
الدين يدين لروحو
الإنسان كي يسقسي على واحد خطب ختو ولا بنتو يسقسي على تصرفاتو المالية وعلى المور الي تكون بينو وبين مرتو
واش ادير مرتو بقيام الليل ؟؟
اذا كان يقوم صح