قريوش هش كون ماتزربيش يتفتت

[oum tessnim]

السلام عليكم ورحمة الله وبركاته
اليوم جبتلكم قريوش 100/100 ناجح جربتو عدة مرات وكل ما ياكله الضياف يقولولي واو هشيش
نبدأ على بركة الله نصيحة استعملو هذه المقادير بالضبط
1كيلو فرينة
250غ زبدة ذايبو وباردة ماش جامدة المهم باردة
قرصة ملح
كاس تاع التاي ماء زهر
كاس غير شوية خل نعم خل
بيضة
1خميرة تاع القاطو (كيميائية)
مغرف صغيرة خميرة الخبز
ماء دافي باه تلمي
طريقة التضير
في قصعة تحطي الفرينة +الملح تبسيها مليييييييييييييييييييييييييييح بالزبدة افركيها فرك تجي كيما المل ومبعد ديري حفرة
البيضة +الخميرة تاع الخبز +الخميرة الكيميائة+الخل+الماء تاع الزهر خلطيهم مليح في حفرة وابداي دخلي الفرينة المبسسة ولي بشوة ماء حتى تتلم ما تجيش جارية
اعجنيها مليح ثم اقسميها إلى كويرات وغطيها بساشي تاع النيلون يترتاح مدة 30دقيقة
ومبعد حليها مليح بانشاء واقسمي بالجرارة وخبلي كي تكملي كل الكمية اقليها في الزيت وخله يقطر من الزيت ومبعد عسليه
وشهية طيبة
عذرا لم أستطع رفع الصوة