مشكلتي مع word

[*نآدرة~]

السلام عليكم
مشكلتي مع الوورد،كي راني نطلع مواضيع تاع الطبخ وتحتوي على صور تطلعلي الكتابة برك والصور مايظهروش،ماعرفتش علاه،كانوا يطلعولي نورمال ومنبعد حبسوا زعما كاش مادرت ؟؟
خبروني تعيشوا

[crystale49]

اختي لا مشكل عندك في الوارد بل المشكلة في النت فقط ضعيفة عندك بل عندنا جميعا

[*نآدرة~]

المشاركة الأصلية كتبت بواسطة crystale49

اختي لا مشكل عندك في الوارد بل المشكلة في النت فقط ضعيفة عندك بل عندنا جميعا

يعطيك الصحة أختي على الاجابة
انا كنت حاسبة كاش مشكل عندي في الوورد ظهرت غير النت
ربي يخليك أختي

[آلاء فهد محمد]

ديما تصرالي

[السراب الحالم]

انا تصرالي بصح مانظنش من النت
اعيدي المحاولة والا ديري كيما انا ننسخ الكتابة ثم ننسخ الصور ونلصقهم

[you92cef]

المشكل في سيرفر منتديات الجلفة

[*نآدرة~]

المشاركة الأصلية كتبت بواسطة آلاء فهد محمد

ديما تصرالي

حتى أنا والله ماراني فاهمة حاجة

المشاركة الأصلية كتبت بواسطة السراب الحالم

انا تصرالي بصح مانظنش من النت
اعيدي المحاولة والا ديري كيما انا ننسخ الكتابة ثم ننسخ الصور ونلصقهم

عاودت وعاودت بلا فايدة،وحتى بطريقتك ما خرجوليش

المشاركة الأصلية كتبت بواسطة you92cef

المشكل في سيرفر منتديات الجلفة

نظن يا خويا،لخاطر كانو يطلعو نورمال غير كيما بطلو
شكرا جزيلا على ردودكم
ربي يخليكم

[هدى ام ريماس]

[bنفس مشكلتي هي بذات رايحة تهبلني والحل مكاه[/b]

[*نآدرة~]

المشاركة الأصلية كتبت بواسطة هدى ام ريماس

[bنفس مشكلتي هي بذات رايحة تهبلني والحل مكاه[/b]

ياليت يلقاولنا حل،المشكل راه في الوورد لخاطر نقدر نورمال نطلع تصاور مع الكتبة من الميكرو تاع الدار،مافهمتش
ساعدونا من فضلكم

[هدى ام ريماس]

;حطيت زوج مواضيع عليها ومكان حتى حل

[لميس حواء]

واجهت نفس المشكل اختي بقى يطلعلي ميساج يقول بلي قدرة الميموار محدودة و ما عادش ترفد الصور من بعد بقيت نسجل (enregitre) الصور في ملف و نسجل الكتابة في الوورد و هكا بعد فترة جربت نرجع للوورد و عاد يكوبيي الصور بلا مشكل لكن اختي هذا ما هوش حل نهائي

[« أبْجَدِيَّاتْ »]

وعليكِ السَّلام و رحمَةُ الله ،

صحَّ رمضانك أختي أحلام ، ان شَاءالله كلّ عام وأنتِ والأهل بخير، تصوموه بالصّحة و الهنا ياربّ .. (
كانت تصرالي بزّاف المشكلة هذي ، ولّيت نحتفظ بالصّور أولاً على الجِهاز، ثمّ ننسُخ التيّ احتفظتُ بها
و نحطّها في الوورد.. بعد ما نكون نقلت الكتابة فيه، شوية طويلة بصّح ماكانش قدّامي حلّ آخر (

( صحّ فطوركم و سحوركم

[*نآدرة~]

المشاركة الأصلية كتبت بواسطة لميس حواء

واجهت نفس المشكل اختي بقى يطلعلي ميساج يقول بلي قدرة الميموار محدودة و ما عادش ترفد الصور من بعد بقيت نسجل (enregitre) الصور في ملف و نسجل الكتابة في الوورد و هكا بعد فترة جربت نرجع للوورد و عاد يكوبيي الصور بلا مشكل لكن اختي هذا ما هوش حل نهائي

شكرا لك أختي لميس رايحة نجرب ربي يخليك

[*نآدرة~]

المشاركة الأصلية كتبت بواسطة « أبْجَدِيَّاتْζ »

وعليكِ السَّلام و رحمَةُ الله ،

صحَّ رمضانك أختي أحلام ، ان شَاءالله كلّ عام وأنتِ والأهل بخير، تصوموه بالصّحة و الهنا ياربّ .. (
كانت تصرالي بزّاف المشكلة هذي ، ولّيت نحتفظ بالصّور أولاً على الجِهاز، ثمّ ننسُخ التيّ احتفظتُ بها
و نحطّها في الوورد.. بعد ما نكون نقلت الكتابة فيه، شوية طويلة بصّح ماكانش قدّامي حلّ آخر (

( صحّ فطوركم و سحوركم

اهلا وسهلا بك هالة،الله يسلمك ويعزك ويعلي شانك ومقامك،وأنت ثان ان شاء الله كل دقيقة وثانية وأنت بألف خير ينعاد علينا وعليكم رمضان بالصحة والهنا والخير ان شاء
الله
الفكرة مليحة صح بالصح متعبة أختك فنيانة بزاف تبغي كل شيئ واجد معليش نسيي واش قلتيلي وخلاص،صحيتي هالة الله يبارك حضورك دايمن مبهر نوعية الخط الكتابة كل شيئ هايل ربي يخليك دايمن هكذا مميزة ومبهرة
يعطيك الصحة علة الاجابة افدتيني صح فطورك حتى انت وسحورك ربي يخليك ويعطيك ما تتمناي

[diyaa-alger]

السلام عليكم أظن أن المشكل أنك تعملين كوبي كولي للصور والكتابة في نفس الوقت لهاذا أحيانا تعملك مشكل وأحيانا لا والسبب أن الموقع مقسم إلى جداول وإن لم يظهر لك ذلك ولكن مصممين المواقع يقسمون الموقع إلى أقسام مثل هذه الصورة

الحل فيما أظن أن تنسخي الكتابة لوحدها والصورة لوحدها وإن شاء الله سوف ينجح الأمر شكرا