فهموني حاجة برك

[fifi-kawaii]

السلام عليكم ورحمة الله تعالى وبركاته
ورمضانكم كريم

حبيت نسقسيكم انا عندي سلعة عندها 32 يوم في الجزائر وماعندي عليها حتى خبر عندي بزاف سقسيت البوسطة وقالولي ماتتقليقش ادا وصلت حاجة حنا نبعثوهاللك ولهدا مازدتش رحت للبوسطة

انا حبيت نعرف حاجة برك هل ممكن يكون الجمارك سرقوهالي وانا ماعندي خبر ...وهل مايخافوش الناس تشتكي عليهم ويسرقوها عادي السلعة هي 3 فلاش ديسك على شكل سنفور وبيكاشو وايرون مان
يعني هل كاين امكانية انهم يسرقوك ووجهم صحيح وماتقدر ديرلهم والو ????

وهل ممكن يجمركوهالي وادا فعلو هل يبعثو لي ورقة ام لا ....لاني مارانيش ناوية نروح للجمارك ونشقي باب معايا وكان غير جيت ولد نروح ليهم وحدي
ماجاتني حتى ورقة من الجمارك ....هل ممكن تقولولي وين راهي تدور السلعة ماهي حالتها

سؤال اخر راني ناوية نشري 10 قطع عبارة عن ادوات رسم نقسمهم على مرتين يعني 5 في كل شحنة ...هل يجمركوهالي لاني نخلص عليها ان شاء الله او يمنعوني من اخدها كليا وشكرا

[ayaas]

بإذن الله ما تتجمركش سلعتك ،،، الجمركي يفرض ضريبة الجمركة على السلع التي تعجبه و يتمناها لنفسه

+

إستوقفتني هذه العبارة في موضوعك :
" انا حبيت نعرف حاجة برك هل ممكن يكون الجمارك سرقوهالي وانا ماعندي خبر "
الجمارك تسرق و المواطن لا يدري
هل وصلت سلعته أم لا - لا يدري
هل سرقت أم سيتم الإتصال به - لا يدري
في حالة سرقتها : كيف يشتكي - لا يدري
لمن يشتكي - لا يدري

BlAcK boX

[العقلية]

ارى انك من الجزائر ، اتمنى ان تكوني من العاصمة لان في هذه الحالة نسبة تعرضك للجمركة تقل بـ 80% عن باقي الولايات
في الجزائر ، بما ان سلعك بسيطة فلن تكون جمركة / مجرد ضريبة قدرها 30 دج حق التانبر تعطى للفاكتور .

[fifi-kawaii]

المشاركة الأصلية كتبت بواسطة ayaas

بإذن الله ما تتجمركش سلعتك ،،، الجمركي يفرض ضريبة الجمركة على السلع التي تعجبه و يتمناها لنفسه

+

إستوقفتني هذه العبارة في موضوعك :
" انا حبيت نعرف حاجة برك هل ممكن يكون الجمارك سرقوهالي وانا ماعندي خبر "
الجمارك تسرق و المواطن لا يدري
هل وصلت سلعته أم لا - لا يدري
هل سرقت أم سيتم الإتصال به - لا يدري
في حالة سرقتها : كيف يشتكي - لا يدري
لمن يشتكي - لا يدري

black box

هههههه شكرا للك صح والله لا ندري اي شيء في هد البلاد

[fifi-kawaii]

المشاركة الأصلية كتبت بواسطة pedorki

ارى انك من الجزائر ، اتمنى ان تكوني من العاصمة لان في هذه الحالة نسبة تعرضك للجمركة تقل بـ 80% عن باقي الولايات
في الجزائر ، بما ان سلعك بسيطة فلن تكون جمركة / مجرد ضريبة قدرها 30 دج حق التانبر تعطى للفاكتور .

نعم من الجزائر العاصمة ....ان شاء الله توصل لاباس بيها وفي اقرب وقت والله عييت وانا نستنى
ان شاء يجي الفاكتور ويجيبلي خبر يفرحي وليت نعس فيها

[azizo18]

ممكن رقم التتبع الطرد لكي نستطيع ان نفيدك اين هي بالضبط سلعتك

[fifi-kawaii]

المشاركة الأصلية كتبت بواسطة azizo18

ممكن رقم التتبع الطرد لكي نستطيع ان نفيدك اين هي بالضبط سلعتك

شكرا اخي كنت قد استفسرت من قبل وقلت للك انها وصلت في 19 جوان الينا ومازدت سمعت عليها خبر
هاهو شوفلي وتحقق وشكرا للك

rc094677813hk

[soheybb]

لا تكن حائر فأنت في الجزائر

[اسحاق2]

السلام عليكم
صح رمضانكم وكل عام وانتوما بألف خير .
خاوت رانى حاصل انتاع الصح ..
شريت تليفون galaxy s3
والشحن fedex
راه فى سمانة


C learance in progres s



كلمت المؤسسة قالولى , راه عند الديونة ,

وقالولى راه مايفوتش .
ماعرفتش .. وش يصرى اسكو نخلص , باش يفوتوه

ورانى خايف اندير روتور البائع مايرجعليش دراهمى .

وهنا اكبر مشكل .
الله يلعنهم فى هد الشهر , المبارك بلاد ميكي
حسبنا الله ونعم الوكيل فيهم ...

[اسحاق2]

h tt p:// im32.gulfup .com /AxKVp.jpg

[aicha20012005]

المشاركة الأصلية كتبت بواسطة اسحاق2

السلام عليكم
صح رمضانكم وكل عام وانتوما بألف خير .
خاوت رانى حاصل انتاع الصح ..
شريت تليفون galaxy s3
والشحن fedex
راه فى سمانة


c learance in progres s



كلمت المؤسسة قالولى , راه عند الديونة ,

وقالولى راه مايفوتش .
ماعرفتش .. وش يصرى اسكو نخلص , باش يفوتوه

ورانى خايف اندير روتور البائع مايرجعليش دراهمى .

وهنا اكبر مشكل .
الله يلعنهم فى هد الشهر , المبارك بلاد ميكي
حسبنا الله ونعم الوكيل فيهم ...

المشكل يا أخي أنكم لا تقرأ المواضيع جيدا لو كنتم متابعين لهذا القسم ما كنت تتعرض للذي تعرضت له نحن نكتب لكم تجارب حية عن شراء السلع خاصة تلك التي تحجز أو تمنع من الدخول وانتم كان شيء لم يكن وتزيدو فوقها تشكو
المهم يأخي مادام شحنتها عن طريق فيديكس فلا يمكن لهم حجزها إتصل بي فيديكس وستعرف منهم المفيد وأنصحك بأن تتنقل الى مقر الجمارك بمطار هواري بومدين وتقنعهم بأن السلعة للإستعمال الخاص