ساعدوني المعقودة راها تجيني معمرة بالزيت

meriemtlemcen · 2013-07-20, 17:40

السلام عليكم اخواتي ، ورمضانكم كريم وصح فطوركم، والله يتقبل منكم

مشكلتي مع المعقودة تجني فيها الزيت بزاف وتجي زهيمة ومتعجبنيش

ادا عندكم طريقة باش تجي ناشفة ومليحة خبروني عليها وربي يجازيكم

نور الهدا · 2013-07-20, 17:43

خليها تقطر مليح ولا ديريها في ورق هذا لي يمتص الزيت

meriemtlemcen · 2013-07-20, 17:45

شكرا ليك اختي انا تاني نديرها فورق بصح كيف كيف

نور الهدا · 2013-07-20, 17:51

ختي نتي تديريها بالفرينة على هذيك ترفد زيت انا نديرها بالخبز مرحي تجي مليح تخليها تقطر شوية برك و كولي على روحك

fyfy_top216 · 2013-07-20, 17:54

نعطيك طريقتي ساهلة وجامي نبدلها وما جينيش فيها زيت

حبات بطاطا مهروسين مع مغرف زبدة قلي ولا كتري حسب كمية لي عندك + فرماج من 2 فما فوق لافاج كيري

قسبر ورقات نعناع فص او2 ثوم مرحين حرور ملح 1م ك لحضة تحبي تضفي راس حانوت لاكن متكثريش خلطيهم مليح وديرهم في ثلاجة شوية
رشي شوية فرينة على مكان وشكلي حبات كيما حبيتي رمديهم غير شوية برك ونفديهم مليح وديرهم في بيض ثم الخيز اليابس هدي اختيار بصح تجي هايلة بيه وقليهم على نار متوسطة ماشي ضعيفة باه ماتشربش زيت وماشي عالية باه مينحرقوش لازم زيت يكون ساخن مشي بارد
انا هدي طريقتي الفرماج لافج كيري ولحضة يعطوها بنة هايلة جربيها وردلي بلخبر

oum tesnime · 2013-07-20, 17:54

https://www.djelfa.info/vb/showthread...post1053653360

إكليل · 2013-07-20, 18:03

في طريقة لتغليف المعقودة شفتها هنا في المنتدى و جربتها بالأمس و خرجتلي روعة و أيضا المعقودة ما تتشربش زيت
و هذا رابط الموضوع أطلعي عليه لعله يفيدك إن شاء الله
https://www.djelfa.info/vb/showthread.php?t=1358025

سميرمخلص · 2013-07-20, 23:24

ديري معاها شوية زيت قبل ما تقليها و هكدا متشربش الزيت

نهال13 · 2013-07-21, 00:01

أختي أنا درتها اليوم وجات هائلة درتها في البيض وبعدها في الخبز وحشيتها باللحم المرحي أختي بلاك لحتيها في الزيت بارد او نقصتي بزاف لنار

samado100 · 2013-07-22, 16:12

اختي اناكنت كيفك بصح اعطاتني ماما نصيحة وقاتلي
1-كي طيبي البطاطا ماتخليهاش فلما بزاف غير طفي منا صفيها من الما منا
2- كي تكملي وديربها كورات ديرها فلفريجدان 30دقيقة عا قليها
3- خلي زيت يحما مليح عدا قليه وكي تكملي صفيها

heaven's road · 2013-07-23, 01:10

شكرا على النصائح

amina-31 · 2013-07-23, 14:49

ana mandir ni farina ni chaplure nmerressha ghi tib batata tmerssiha dirilha hrour khal melh ma3adnouss chwia kossbor za3afran w lbayd lazem matkounch nakssa bayd we n kawerha w nekliha direct tji mliha lazem ki tib tem tem t3assri lime bach yrohelha zit

imi10life · 2013-07-25, 14:40

حبيت نعطي للاخوات تجربتي الناجحة في المعقودة الصحية
فيض البطااطا المملحة واهرسيها واتركيها تبرد في الثلاجة ومبعد خرجيها وتبليها فلفل اسود وبهارت مشكلة وشوي ثوم و اعملي كويرات رمديهم في الفينة ثم في البيض ثم في الخبز مرحي وشكلي اقراص
ولااهم ادهني صينية بالزبدة او الزيت بعدما تكوني سخنتي الفرن ولما تحطي الحبات في الصينية حطي قطعة صغيرة من الزبد على كل واحدة وادخليها الفرن صدقوني ماراش تشبعو وناشفة وبنينة

لالة مريومة · 2013-07-25, 18:45

اناايضا تجيني مزيتة بزاف والسبب هو الفرينة
المرة الجاية نحط حبة بيض في البطاطا وترمد في الخبز اليابس

عنابة أبوها · 2013-07-25, 23:23

الطريقة السليمة للمعقودة وتجي مقرقشة وبنينة وبلا زيت زايد هي ترحي البطاطا المغلية وتزيديلها بيض ومعدنوس وملح وفلفل اسود وتخليطه مليح وتحطيه في الثلاجة يشد روحه ومن بعد مباشرة تكوريها وتشكليها بكل سهولة ومباشرة على ازيت الساخن لما تحمر وجه اقلبيها وبكل سهولة وتجي صدقيني مقرقشة والسر انك تحطيها في الثلاجة تشد روحها وشهية طيبة وان شاء الله تجربي الطريقة وردي عليا