كيكة ساهلة ماهلة تاكلي اصابيعك وراها

[محبة الكتاب]

السلام عليكم لبنات البارح كنت تعبانة ومازلت ماعملتش الحلو للسهرة القيت هذي الكيكة في واحد المنتديات رحت نجربها القيتها هايلة هايلة ماتحتاج لا مضرب لا والو
كاس ماء
اقل شوي من كاس زيت
كاس سكر عادي
مغرف ونص كاكاو
4 بيض
2 خمبرة حلوى
كاس ونص فرينة
اقل من مغرف زبدة
حطي كاس ماء وكاس سكر انحركوهم باش يذبو شوي ونضيفو اقل شوي من كاس زيت ومغرف كبيرة ونص كاكاو ونحطوهم على النار وكيغلو نحوهم من النار و نقصو منهم ثلاثة ارباع الكاس نخلوه على جنب
نهزوا اناء جديد فيه كاس ونص فرينة ونصبوا فيه بقية الخليط اللي غليناه على النار بالشوي بالشوي نصبوا وبسرعة نخلطو باش الفرينة ماتتكتلش لانو سخون الخليط ونضيو 4 بيضات بيضة بيضة وطبعا تخلطو بسرعة وبعدها اثنين خميرة حلوى ونحطوه في البلاطو
وبعدما يطيب نكونوا عملنا باشمال الكاكاو االوصفة الاصلية للباشمال مكتوبة هنا
https://www.djelfa.info/vb/showthread.php?t=1364776
بالصح هذي المرة نعملو اقل من مغرف زبدة ومغرف فرينة على النار وبعدها نحطو الخليط اللي خليناه على جنب انتاع الكاكاونحركو حتان يخثارشوي ( لانو الخليط فيه الزيت علابيها نقصنا شوي من زبدة الباشمال باش ماتجيش مزيته)
نخلوه يبرد شوي ونحطوه فوق الكيكة بعدما تطيب وتبرد شوي ولازم نخلوها تبرد مليح مليح باش نقسموها
راهي فعلا روعة لبنات
وصحة فطوركم