تطبيقي لتحلية بالكراميل والموز

[naima10]

المقادير: حسب المول لي درت فيه
باكي ونص قاطو بودوار، 4 علب كرام ديسار كراميل ، كاس شونتي بودر، نص كاس حليب سائل، كاس سكر، مغرف ونص كبيرة زبدة، 2 حبات موز، قهوة طايبة
نغمس بودوار نتاعي في القهوة ونستفو في المول من بعد نطلع بالباتور الحليب والشونتيي و3 علب كرام ديسار ونحتفظو باالرابعة حتى نحصل على كريمة ثقيلة شوية نفرغها على القاطو نغطيه بيها ونقطع الموز دوائر وندير بيه طبقة من الفوق وندير المول نتاعي في الثلاجة نصف ساعة لي نكون فيها درت الكراميل بالكاس نتاع السكر على نار قليلة وحركي باه ما تتحرقش من بعد نضيف الزبدة ونخلط خفيف ثم علبة الكرام ديسار لي بقات ثاني ونخلط بعد ما تبرد الكراميل نخرجو المول نتاعنا ونفرغها عليه ونرجعو للثلاجة مدة 3 ساعات وهذا شكلها
شهية طيبة