تحلية أكواب بالفراولة بسيطة و بنينة

[RIMA.87]

السلام عليكم ،هذا اول موضوع لي في قسم العصائر و التحليات ،ان شاء تستفادو و تجربوه
اولا هذه تحلية من ابتكاري لاني جربت قاطو النيسلي للاخت الهام 07 و الوصفة كانت اكثر من رائعة و تتبسس و تكسرو بعض الحبات كي نحيتهم من لي مول و كانت عندي كمية من الكريم باتيسيار بقاتلي عندما جربت تارتولات بعجينة البريزي بالزيت للاخت الهام07 كذلك وكمية من الفراولة من هنا جاتني الفكرة باش ندير
تحلية اكواب و النتيجة ما شاء الله
اولا حطيت في الاكواب كمية من البيسكوي لي تتفتت لي ثم اضفت شوية من الفراولة لي كنت ارحيتها مسبقا مع شوية حليب و علبة ياغورت ،الطبقة لي بعدها حطيت كريم باتيسيار منكهة بالفراولة الطبيعية ثم اضفت طبقة من البيسكوي +كريم باتيسيار بنكهة الفانيليا +ملعقة صغيرة حليب مركز و محلى كاراميليزي+قطع من حبات الفراولة+قطع من الموز و في الاخير غمرت الاكواب بالفراولة لي ميكسيتها و زينتها بحبات فراولة و النتيجة في الصور



للافادة اخواتي الكريمات ،
هذ رابط قاطو النيسلي لي كان لي مبدا لفكرة هذه التحلية
https://www.djelfa.info/vb/showthread.php?t=1809519
و هذا رابط التارتولات بالفريز و الموز
https://www.djelfa.info/vb/showthread.php?t=1807214
ان شاء الله يكون عجبكم الموضوع و استفدتو
سلام