شكشوكة فول من سطيف

[ام اسيل امتنان]

السلام عليكم
اليوم رايح نوفي بعهدي و جبتلكم الصور تاع تشكشوكة بالفول
المقادير:
رطل فول اخضر طازج, 2ملاعق كبيرة زيت
2 سنات ثوم ,2 حبات بصل اخضر, 2الى3 حبات طماطم حسب الحجم.
التوابل: فلفل احمر, و كمون, وكسبر مرحي,و زنجبيل مرحي, فلفل اسود
2 بيضات, الدبشة.
طريقة التحضير:
نشتري رطل فول طازج و نغسلوه و نقطعوه قطع صغيرة و نحوطوه يفور و نغطيوه باه يجي طري
من جهة اخرى في مقلاة نحط التوابل: فلفل احمر, و كمون, وكسبر مرحي,و زنجبيل مرحي ,و فلفل اسود, الكل ملعقة صغيرة تاع القهوة . نضيف معاهم 2 سنات ثوم او اكثر حسب الكمية مرابيين ,2 حبات بصل اخضر مقطع قطع صغيرة و 2ملاعق كبيرة زيت نقليوهم مليح ونحط عليهم الفول المفور نزيد نقليه معاهم شوية و نضيف 2الى3 حبات طماطم مرابية وتغطيها و تخليها حتى طيب الطماطم.
في الاخير كسري 2 بيضات مع الدبشة مقطعة و خلطيهم مليح و فرغيهم فوق الفول و نقصي الغاز و خلي حتى يطيب البيض
نتمنى تجربوها لانها صحية و بنينة مع تحياتي و سلام.

[ouissamak]

شكرا على الوصفة ان شاء الله نجربها
انا موالفة ناكلو غير مع الكسكس
بارك الله فيك

[rymsirine]

مممممممممممممم يبان بنين رايحة انجربو ان شاء الله الف شكر

[lahna moka]

مممممممم عجبتني الفكرة
بارك الله فيك حبيبتي

[05Mayssem]

مشهيييييييييييييييييييييييييييييييي جوعتيني

[mama kika]

بارك الله فيك
انا ثاني نديرو شكشوكة يجي روعة بصح الذراري ما يكلوهش

[ام رشدى]

يعطيك الصحة اكيييد بنين من يدين سطايفية ولاكن الصور لم تضهر لي

[tong2]

مممممم
بارك الله فيك حبيبة

[dremersam]

شكرا اختى راني مالفا نديرو كيما هك و يجى بنين زوجي يموت عليه

[ihcene 1996]

شكرا على الوصفة

[شموخ امرأة]

بارك الله فيك نفس طريقتي الا انك تضيفيلها الطماطم و البيض ان شاء الله نجربها لاني احب الفول هه

[kawtarz]

مشكورة على الوصفة
ممكن نعملها بدون بيض ؟؟

[zamilio]

مممممممممم نجربها ان شاء الله

[rania top]

يعطيك الصحة

[rania top]

شكراااااااااااا