عاونوني ربي يفرحكم :(

مُﭔﭥسـّمہ دائمًا ツ · 2013-07-11, 16:07

please help my friend
thank u

فوزي الفايز · 2013-07-11, 16:26

للاسف لم امر بتجربتك و لا ادري كثيرا عن التخصصات لكن انظري في هذا...ربما يساعدك

https://univ.ency-education.com/architecture.html

shy'n · 2013-07-11, 16:29

اقتباس:

المشاركة الأصلية كتبت بواسطة Abir94

جبت الباك ب 13,29 علوم تجريبية ومارينش عارفة واش ندير كان هدفي الطب لكن الطب هاد العام ب 14 الاختيارات اللي مدولي متعجبنيش وليست من ميولاتي والتخصص الوحيد اللي راني نفكر فيه هو هندسة معمارية بليدة وانا من الجزائر

شاء الله وما قدر فعل
انا راح نعاود الباك العام الجاي ان شاء الله

واش تنصحوني نقدر نوفق بين الجهتين ؟ هل الهندسة صعيبة كيما يقولو عليها ؟علما اني نحب نقرا ونصبر عليها,, هل كان احد منكم في نفس التجربة؟ ارجوكم ليس لي احد لأستشيره انا حايرة عاونوني ربي يفرحكم واللي يعوني باي معلومة او نصيحة مهما كانت ربي يفرحو ويهنيه

سلااام ومع الأخير وحدة حا تدير هندسة معمارية في بليدة و حابة تعاود الباك

اني مثلك قرأت في أحد المواضيع أن الهندسة المعمارية صعبة فيها قراية بزااف و سوف تقضين ليالي بيضاء أو على الأقل يلزمك تقضي ليلة بيضاء واحدة
وهذا ما يخوفني خاصة و اريد اعادة الباك راني مابين نبلوكي و مابين نقرا و نعاودو

تائبة الى ربها · 2013-07-11, 16:34

نصيحتي لك ان كنت حقا تريدين اعادة البكالوريا أن تختاري شيء اخر لانها ستأخذ من وقتك الكثير فيصعب عليك المراجعة للبكالوريا خاصة في غير ولايتك

مُﭔﭥسـّمہ دائمًا ツ · 2013-07-11, 16:35

ربي يجازيك ويفرحك يا اخي الكريم على الرابط معلومات أفادتني كثيرا ربي يوفقك

wissem khiter · 2013-07-11, 16:35

هندسة معمارية تخصص ممتاز وصاعب في نفس الوقت انا ما قريتش هندسة معمارية ولكن عندي 3 من عائلتي قراوها .مكاش أجمل منها براي انا جبت 12.86 وما نقدرش نديرها لانهم مدولي وهران برك وهي تبلعت 14.07 العم الي فات وما شكيتش تنقص بزاف .المهم لو كان تقدري تخصصيلها كل وقتك احسن .ما شكيتش تقدري توفقي بين الباك وهي .أنا متأكدة أنها صعبة .مانيش نقولك هاد الشي لاني مان قراش بالعكس أنا شعبة رياضيات وكنت حابة معدل أكتر لكن صراولي مشاكل في الباك على هادا ما جبتش ورغم هاد الشي مانيش حابة نعاود .برأي هندسة معمارية اختصصاص ممتاز ولكن أدا راكي حابة بزاف طب ننصحك أختي ديري اداب ولغة فرنسة و تعاودي هاكا تعاوني روحك لان الفرنسية ماشي صاعبة و + تحتاجيها في الطب العام الاي ان شاء الله ويجيك ساهل بري

مُﭔﭥسـّمہ دائمًا ツ · 2013-07-11, 16:39

وعليكم السلام ورحمة الله وبركاته أختي shy'n

انا سعيدة اني وجدت من هو في مثل حالي
و هل انتي من الجزائر ؟
انا مارنيش عارفة واش نخير عدا الهندسة و في نفس الوقت مارانيش حابة نضيع عام من حياتي واش راكي ناوية ديري ؟

مُﭔﭥسـّمہ دائمًا ツ · 2013-07-11, 16:44

أختي التائبة الى الله شكرا على ردك ربي ينورك

والله انا ايضا مشكل التنقل هو ما يؤرقني لكن مذا افعل لا يوجد احسن من الهندسة ضمن الاختيارت انا فقط حابة نطلع العام ديالي فقط العلم لله ربما نعاود الباك ولن اتحصل على المعدل الذي اريد في هذه الحالة مانكونش ضيعة عام في باطل ما رايك اختي

shy'n · 2013-07-11, 16:48

خخخخ نعم أنا جزائرية

أقطن في المسلة لكن أصلي من البليدة

هي في الأصل كنت حابة ندير صيدلة في البليدة لان لدينا دار هنالك و الجامعة ماشي بعيدة
لكن قدر الله ماشاء فعل معدلي غير كافي لذا أردت اختيار تخصص مليح في البليدة لاني عندي احتمالين

اذا نبلوكي العام هاني في المسيلة نقرا لكن نعاودو في البليدة - لكن في الأصل حابة نريح في دارنا تع البليدة-

اذا مانبلوكيش راني نقرا الجامعة و الباك في آن واحد في دارنا خير من الاقامة فيها 4 بنات

حد الآن راني نقول نشوف الأجواء في بداية العام اومباعد نقرر

لكن احتمال كبير نبلوكي لا العام الجاي لا وجود للعتبة و لم ندرس الاحتمالات و الاهتزازات و الحل الوحيد هوما لي كور

أنا اني مستعدة نضيع أعوام من حياتي المهم نقرا حاجة تعجبني
الهندسة تعجبني لكن الكثير يقولي غير مضمونة
بصح لوكان ندير طب على الاقل آخذ آلات أمي يعني راني ضامنة العيادة تاعها تورث هالي خخخ

NADJIB-90 · 2013-07-11, 17:00

حتي تكونون علي بينة لما تبلوكي العام تعد كمعيد وذلك يؤثر علي فرصك في الماستر اذا اردت دخولها وعليك لتجميد السنة تقديم مبرر مثل مرض طويل الامد اي شهادة مرضية يجب ان تكون اكثر من شهر لانه المدة التي تؤدي الي الاقصاء في حالة الغياب او الخدمة الوطنية للذكور وايضا اذا صرف عنك شئ فتاكد انه خير لك فلا تضيعوا حياتكم كلها في الاعادة واذا اردتم الاعادة فلا تسجلوا للجامعة وادرسوا فقط للبكالوريا فاما تتحصلون عليها بمعدل جديد واما ترضون بما هو مكتوب لكم والكثير اعتقد انه يمكنه التوفيق بين الجامعة والباك ومعظمهم خاب سيعيهم ففكروا جيدا قبل الاقدام علي شئ تندمون عليه

مُﭔﭥسـّمہ دائمًا ツ · 2013-07-11, 17:07

شكرا اختي wissem khiter بارك الله فيك على ردك
واش قولتي صحيح انا ايضا فكرت في اني ندير حاجة مثل المدرسة العليا للاساتذة لغة انجليزية لكن هذي دنيا وربي وحدو لي يعلم لو كان نعاود الباك ومانجيبش المعدل يخليني ندخل طب كيفاش ندير ؟ انا التعليم ليس من اهتمامتي
لكن اذا عاودتو وماجبتش المعدل وكنت دايرة هندسة هاداك الوقت معليش نكمل هندسة معمارية

انا فقط اريد ان اعرف هل هي صعبة الي حد انني لا يمكن ان اتحصل على 10 فقط لاضمن الانتقال للسنة الثانية ؟

AIDOUD · 2013-07-11, 17:08

Yaaaw ghiiir khtikom ana marit bnafs tajroba ana ghir architecture wahadha w ma9dartche 3liha bsh diya3t 3am w blokit w 9rit ghi lel bac w jebt 15 w nchlh had l3am medcine nchlh lah ysahal khti w nchlh diri wach raki haba

مُﭔﭥسـّمہ دائمًا ツ · 2013-07-11, 17:21

شكرا لكم ربي يجازيكم كل خير ياربي

وقتاش نقدر نبلوكي العام semestre الاول ؟

islam.radouane · 2013-07-11, 17:22

اقتباس:

المشاركة الأصلية كتبت بواسطة abir94

جبت الباك ب 13,29 علوم تجريبية ومارينش عارفة واش ندير كان هدفي الطب لكن الطب هاد العام ب 14 الاختيارات اللي مدولي متعجبنيش وليست من ميولاتي والتخصص الوحيد اللي راني نفكر فيه هو هندسة معمارية بليدة وانا من الجزائر

شاء الله وما قدر فعل
انا راح نعاود الباك العام الجاي ان شاء الله

واش تنصحوني نقدر نوفق بين الجهتين ؟ هل الهندسة صعيبة كيما يقولو عليها ؟علما اني نحب نقرا ونصبر عليها,, هل كان احد منكم في نفس التجربة؟ ارجوكم ليس لي احد لأستشيره انا حايرة عاونوني ربي يفرحكم واللي يعوني باي معلومة او نصيحة مهما كانت ربي يفرحو ويهنيه

السنة الاولى هندسة معمارية صعبة لاارعرف اشخاص درسو في البليدة لكن اعرف من درس وهران

لايمكنك التوفيق بينها ضعي هدفا واحدا وليس هدفين
ادرسي تخصصا سهلا لايتطلب منك الاقامة بعيدا

وعاودي الباك بشرط ان تدرسي له اكثر هذا العام

مُﭔﭥسـّمہ دائمًا ツ · 2013-07-11, 17:35

انا لن اكون مضطرة للاقامة في البليدة اعرف الكثير من الناس يعيشون هنا ويدرسون في جامعة البليدة

تخصص سهل مثل ماذا ؟

اظن انه لا يوجد تخصص سهل كل شئ يتطلب اجتهاد