أنا و أمي و ماضينا

[مشكلتي]

السلام عليكم
مشكلتي بكل اختصار امي و انا صغيرة كانت قاسية جدا جدا معي لأن والدي متعلق بي جدا و هي لم تكون ابدا على اتفاق معه صار الامر كأنو انتقام منه في انا أو هكذا حسيت
المهم غير يخرج هو من الدار تهيني تضربني عشت في رعب حتى يجي للدار
مرة سافرت جابت للكل هدايا الا انا و مهما كبرت ما نسيتهاش
اليوم هي كبرت و انا و الوالد ربي يرحمه
كنت نعاملها بكل قسوة بعد وفاة الوالد و صبرت عليا و تغيرت و تقربنا لبعض و اهتمي بيها لدرجة لا توصف هدايا و حب و و و اعطيتها الكثير لكن .....
صار موقف بينا كان رد فعلها قاسي جدا حطمني مرة اخرى و رجعني لعذابي رديت عليها باسلوب هستيري خلاها تمنيت الموت
صرت قاسية جدا و متحجرة الكل ينصحني والو مهما يصرالها قدامي والو ... كنت قبل مهتمة باكلها و دواها دون الجميع اليوم مههما يصرالها ما نتأثرش وصلت بكات و الله كأني غير موجودة
خايفة تموت لانها دعات على روحها من قلبها و كانت ساعة استجابة و راح نحمل ذنبها طول عمري و راح ننتهي فعلا و على هادي تاني صرت قاسية لأنها ما خماتش فيا لوكان دعوتها تستجاب واش راح يصرالي
حاولت نرجع عادية معاها والو حتى موقف بسيط تشعل النار بينا
ما تقولوش بر الوالدين ايه لازم لكن اعطيوني ردود ربي يحفظكم نتاع واحد حاس بيا
راح ننفجر او نهبل قولولي واش ندير الماضي دمرلي حياتي و مهما نسيت نرجعلو و هي ضعفها نطق باركايك راني امك لكن احساسي انها حطمتني صغيرة و رجعتلها و زادت حطمتني كبيرة
السلام عليكم

[أحبك يا الله]

والله متحسي بكلمة أمي إلا إذا كشما صرالها بعيد الشر... فوقي لروحك أخيتي ذرك وراه الشيطان هو اللي يلعب بقلبك وخلاك قاسية هكذا خممي مليح مهما يكن راها ماماك هي اللي جابتك لهاذي الدنيا ومهما تغلط متكونش قد غلطتك نتي .. نقلك علاه راهاهازة تعب هاذي الدنيا كاملة هي اللي تعبت وكلش باش تجيبكم لهاذي الدنيا مهما تغلط عادي المهم خممي ملييييح .. كان تروح عليك تندمي ندم شديد

[baalache]

اختي نصيحة انا الوالديين ربي يرحمهم ولكن لوكان يخيروني شكون يرجع للحياة راح تكون امي بدون تفكير والله الدنيا لا تساوي شيء من دونها اياك وقضية انها دعات ووو ليس من قلبها هي لا تملك هدا هي تحبك حتى لو اظهرت غير دلك لله يخليها لك

[achwak crazy girl]

ختي متقعديش مكفوفة الايدي اجري على روحك حنونة والله تندمي عليها ضك كشما يصرالها بعيد الشر تقولي يا ريت مدرتش ومقتلش ومعملتش يا اختي فوووقي على روحك معليش مهما دارت ومهما قاتلك تبقي في الاخير امك واجب عليك تهزيها وتحمليها راهي يماك معندكش غيرها مهما قسات عليك سامحيها حاولي التقرب منها فهميها احكي معاها انشاء الله نكون افدتك واسمحيلي لا كشما غلطت
في امان الله

[karima1212]

يا اختى ربي يهديك انا امى ماتت عندها اربع سنوات نتمنى ترجع ولو تانية نشوفها ونعنقها يا اختى روحي عنقى ماماك وسلميلها على راسها وقوليلها يا امى اسمحيلى وستغفري ياوربي لكان يغضب عليك لا تدوقى طعم السعادة وتفكرى جهنم كفاه دايرة ومتنسيش ادا وليتي ام كفاه يصرالك الله يهدك استغفر الله ونقولك راكي دايرى منكر فيها

[أم معاذ أم معاذ]

أختي حاسة بيك اللي ننصحك أنك تبريها و تتحكمي في أعصابك
حتى تكسبي أجر للآخرة
بالنسبة لأنك ربي يحاسبها على معاملتها ليك

و الناس اللي تقولو إنها كي تموت باه تحسو بقيمتها نقولكم أنتم أمكاتكم خلاتلكم ذكريات جميلة تتفكروها بيها لكن هي أمها راح تبكي على الحياة اللي ما عاشتهاش معاها مليحة

[sali-sali]

ماتعقديش الامور و خمي ببساطة
انساي الماضي او تناسيه....و استغلي الوقت الباقي من عمر امك و عوضيها فيه
ربي يهديك

[سرور]

والله راني حاس بيك بسكو عشت هدا لحظة مي انا بدلتها بيدي واسلوبي خليت ماما تعامنلي كيما خوتو وتقدري تاني نتي تبدليها باسلوب وطبيعة كلامك معها وسلام ربي يكون في عون

[عبد الله 22]

السلام عليكم الله يلطف بيك يأخت ، والحمد الله أنك على بلك بالنتيجة لو كان تفرقك الموت قبل الصلح ، صريحها بهذا الكلام لكتبته هنا، خليها تشوف هذا الشكوى المعبرة على ألمك وعلى الصدق الموجد فيها، حولي تفتح قلبك لها وتخبرها بألمك وإحساسك نحوها، صـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــريحها بكل هذا الحزن و الخوف بأنك رغم هذا فأنك تحبها الله يكون في عونك حولي قبل أن تسبق الموت هذا راها لا دنيا والله متسوى شياء، صح رنا نتفسو عليه وبصح أنهار لتفقد غالي إحساس ممدمر لا يشفيه لإ الصبر، موضوع معقد الله يكون في عونك

[(الانسان الوفي)]

السلام عليكم ..............أختي أولا اذهبي لطبيب نفساني ...ومن ثم أرقي الرقية الشرعية ...وان شاء الله سيكون خيرا ...

[Assouma 93]

ربي يهدي الجميع

[أمّ عبد الودود]

المشاركة الأصلية كتبت بواسطة مشكلتي

السلام عليكم
مشكلتي بكل اختصار امي و انا صغيرة كانت قاسية جدا جدا معي لأن والدي متعلق بي جدا و هي لم تكون ابدا على اتفاق معه صار الامر كأنو انتقام منه في انا أو هكذا حسيت
المهم غير يخرج هو من الدار تهيني تضربني عشت في رعب حتى يجي للدار
مرة سافرت جابت للكل هدايا الا انا و مهما كبرت ما نسيتهاش
اليوم هي كبرت و انا و الوالد ربي يرحمه
كنت نعاملها بكل قسوة بعد وفاة الوالد و صبرت عليا و تغيرت و تقربنا لبعض و اهتمي بيها لدرجة لا توصف هدايا و حب و و و اعطيتها الكثير لكن .....
صار موقف بينا كان رد فعلها قاسي جدا حطمني مرة اخرى و رجعني لعذابي رديت عليها باسلوب هستيري خلاها تمنيت الموت
صرت قاسية جدا و متحجرة الكل ينصحني والو مهما يصرالها قدامي والو ... كنت قبل مهتمة باكلها و دواها دون الجميع اليوم مههما يصرالها ما نتأثرش وصلت بكات و الله كأني غير موجودة
خايفة تموت لانها دعات على روحها من قلبها و كانت ساعة استجابة و راح نحمل ذنبها طول عمري و راح ننتهي فعلا و على هادي تاني صرت قاسية لأنها ما خماتش فيا لوكان دعوتها تستجاب واش راح يصرالي
حاولت نرجع عادية معاها والو حتى موقف بسيط تشعل النار بينا
ما تقولوش بر الوالدين ايه لازم لكن اعطيوني ردود ربي يحفظكم نتاع واحد حاس بيا
راح ننفجر او نهبل قولولي واش ندير الماضي دمرلي حياتي و مهما نسيت نرجعلو و هي ضعفها نطق باركايك راني امك لكن احساسي انها حطمتني صغيرة و رجعتلها و زادت حطمتني كبيرة
السلام عليكم

أختي أنت من ساعدت هذا الماضي الذي تذكرينه في كل لحظة ليكبر في قلبك ويصبح حقدا على والدتك
أكيد لو كنت أمّا لأحسست بها وبألمها كيف تنجب بنتا تعاملها بقسوة لمجرد اخطاء ارتكبتها ولعل السبب في تصرفها هو حياتها البائسة مع والدك رحمه الله ..
أتعرفين أنا متاكدة أنك تعانين في حياتك ولست سعيدة أبدا أتعرفين لماذا لأنه العقوق
العاق دائما يتعذب لأن عقوبة العقوق معجلة في الدنيا { اثنان يعجلهما الله في الدنيا: البغي وعقوق الوالدين }
يعني راكي رايحة تتحاسبي في الدنيا قبل لاخرة
لن اقول لك حاولي ... بل أقول لك يجب عليك تدارك هذا الأمر والجلوس في حجرها والبكاء امامها حتى
يحن قلبها عليك وتسامحك ويجب أن تسعي لذلك لا تقولي لا استطيع
مهما فعلت أمك فهي تبقى امك تذكري ما تفعله بعض الأمهات مع بناتهن وستجدين أن أمك لم تفعل إلا القليل القليل
هي لم تحطمك ابدا حطمتك افعالك معها
أعذريني على قسوتي معك لكن أنت تحتاجين كلاما اكثر من هذا لان ما تفعلينه ليس هينا
أحس بك وبكل ما تمرين به لكن انت على خطأ ويجب عليك التوقف عن المعاملة السيئة لامك
نحن مطالبون بالإحسان لابائنا وامهاتنا ولو كانوا كفارافما بالك بأمك المسلمة الأرملة المقهورة في حياتها
مع زوجها وما تفعلينه معها
أدعو الله لك من كل قلبي في هذه الليلة المباركة أن يمحو ما في قلبك من حقد على والدنك
وان يجعل رمضان شهر خير عليك وعليها وان يشرح صدرك لطاعتها ومواساتها

[*أمة الله*]

واش من ماضي و واش من قساوة
هادي
أمك تعرفي واش معناتها أمك
يعني حياتك عمرك كلشي عندك فهاد دنيا
بلا بها مكانش
تدخلي للدار متصيبيهاش
تعاودي تخرجي أحسن
ربي يهديك
رجعي لأمك سلمي على يديها طلبي سماح
و مهما قساة مهما عايرت سلمي عليها وقوليلها على العين و على الراس
تشجعي

[نورالهدى بيولوجيست]

نعرف وحدة كما حالتك كهرباء كبيرة بينها و بين امها و كي نشوفهم نأسف لحال الطفلة اكثر من امها لانو الام مهما غلطت تبقى مكانتها عالية و ماهوش مجرد كلام لكن والله من اعماق قلبي نقلك بلي امك حالة خاصة و ان ما تفاهمتوش لكن خليكي انتي اللي تتنازلي و انتي اللي تفوتيلها و ماتسوديش قلبك لانو (على الاقل بالنسبالي) ماكانش واحد في هاذ الدنيا يبكي عثرتك قد امك و إن بانلك العكس:

المشاركة الأصلية كتبت بواسطة (الانسان الوفي)

السلام عليكم ..............أختي أولا اذهبي لطبيب نفساني ...ومن ثم أرقي الرقية الشرعية ...وان شاء الله سيكون خيرا ...

[naamane3]

ما رأيك لو كسبت ثلاثة أجور في وقت واحد
الأول ان أمك كانت تقسو عليك وتضربك وتعاملك
اسوأ معاملة اجعليها تستغفر لما عملته لك طوال هذه المدة
واستغفارها سيكون في ميزان حسناتك
ثم اجعليها تستغفر لك وتدعو لك وهذا ايضا في ميزان حسناتك
ثم قومي على متطلباتها وهذا ايضا سيكون في ميزان حسناتك
لا تقولي لا أستطيع ولا أقدر وكبريائي يمنعني فكل هذا من الشيطان
وقبل كل هذا ابدئي انت بالاستغفار كي يلين قلبك
عن عبد الله بن عباس رضي الله عنهما قَال :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ،
وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ ) رواه أبو داود
ولا تنسي أن الموت لا يستأذن فان لم تكن هي فأنت