اسـتفـسار عن ~ قريوش الشبـيه بالكرمـوس ~

[إبداع طموحة]

الـسلآم عليكم

سؤالي موجه للتي جربت قريوش الكرموس

https://www.djelfa.info/vb/showthread.php?t=1036578

جربنا هذه الوصفة وما نجحتش المشكل كان لما نحكمو القريوش ونثبتوه

ما نقدروش نشدوه وهو يطيب والله يحرق + المشكل الثاني انو الزيت ولا

يتفايض ما شفتش من قبل هذا الشيئ كانه حليب فائض

لذا اطلب من جربت الوصفة ان تفيدنا برايها وسبب المشكل

[الأمنيات]

انا جربته اختي وصح تشدي الحبة حتى تشد شكلها يحرق مرات نشد غير شوي حتى تاخد الشكل ممكن ديري بالفرشيطا
تشدي زوج فرشيطات الشكل تاع الكرموسه هو متعب بصح يستحق التجربه وانا درت كميه قليله فقط

[إبداع طموحة]

انا الوالدة ديالي هي اللي شدتها وحرقتها لكن كي طلقتها عاودت تحلت في المقلاة

لكن راح نقوللها ان شاء الله واي وحدة جربتها ان شاء الله ما تبخلش

[faryal zahira]

لم تنجح تجربتي معه نرجو من صاحبة الوصفة التوضيح اكثر

[مسعودي خولة]

ان جربت الوصفة شخصيا ونجحتلي اشكل تاعها لعجينة تاعك ماديريهاش طرية بزاف يبسيها شوي ونقصي للنار تاعك شكلي الكرموسة تاعك حطيها في النار وكي تحسي بلي رايحة تتحرقي احكمي الراس تاعها بالفرشيطة واحكمي باليد الاخرى مغرفة وفرغي فوقها الزيت السخون اللي في المقلة حتى تحكم الشكل تاعها كي تحكم روحها نحي الفرشيطة واقعدي غير تكبي في الزيت حتى تطيب وتحمار قبل كل شيء تكوني خدمتي بزاف كرموسات ديريهم في المقلاة وطيبيهم ان شاء الله نكون افدتكم انا جربتها قداه مرة وذوقها روعة جربيها ورديلي بالخبر وشهية طيبة

[إبداع طموحة]

حنا عملناها طرية بزاف صح وهكذاك يجي القريوش مليح ههه كلما نخشن شوية يما تقولي عاوديها

على كل حال يعطيك الصحة وان شاء الله نجربها

[mimita23]

jتعرفو وش اديرو سخنو الزيت و طفيو النار وحطو الكعبة تحكم روحها و زيدو شعلو علاها النار وان شاء الله تصلحلكم