ماهو الحل

[مشكلتي]

سلام انا صاحبة مشكلة
https://www.djelfa.info/vb/showthread.php?t=1329361
احفلي قالي والله راني صادقة وراني نمشي بنتي ثالتو راني نخون فيك ما تزيدش تعيطلي قالي لا نعرف مليح شفتك وجهك ما هواش نتاع خيانة راح متمسك بي بزافف كل نديرو سب باه انفصال لكن لا قالي عرفت مليح قالي غير شفت وجهك راتاحت ليك وانا منكدبش عليكم راتاحت ليه مي حبت ندير كيما قالتوا واش العمل

[سرور]

شوف كملي معه يبن انسان مليح

[Assouma 93]

المشاركة الأصلية كتبت بواسطة سرور

شوف كملي معه يبن انسان مليح

[achwak crazy girl]

شوفي واش يخرج عليك

[kmilya]

كملي معاه مدام باغيك في الحلال

[nouna l maghbouna]

ياخي تمسخير ياخي

اتلاقاي بيه او قوليلو يجي يخطب طول

ماديريش الثقة في واحد من النت نصيحة

[سلاف26]

عليك ان تقولي له تعال و اخطبني و الا كل واحد يروح في حالو
هناك شياطين في النت يعرفون كيف يمثلون دور الملاك الطاهر و دور المحب و لن تعرفي حقيقته الا بمرور الايام و يومها ستندمين كثيرا
أنصحك بوضع النقاط على الحروف تريدني؟تعال لوالدي نقطة نهاية و لا يجب أن يكون هناك تفاوض على هذا القرار

[نورسين.داية]

السلام عليكم ......................لا ادري ......بشأن صورة الإرتياح هذه الى متى سوف تظل ....................شهر سنة سنتين .........أو الى أن يكون نفسه .......و يدير مستقبلو

وفقكي الله أختي

[hakeem]

واش عندبالكم صلي الإستخارة و أزدم برك و الا اخرج و الضامن ربي؟؟؟؟ ياو الإستخارة في حاجة حلال و ليس لقاءات غرامية

ياو الحلال هو خطبة فزواج و ما عدا ذلك فهي لقاءات غرامية محظى ؟؟؟؟ عينيا البنات اللي ضاعو كامل كانت لقاءاتهم من اجل الزواج

واش راكي تخلطي ؟؟؟ احكمي دارك و استـــــني مكتوبك و لك حرية القبول او الرفض و السلام

[hakeem]

[color="rgb(139, 0, 0)"]البنات اللي راكم تقولو كملي معاه ؟؟؟ تضمنو ان هذا الرجل ؟؟ ما تخافوش ربي يحاسبكم غدو على هذ النصائح التي قد تؤدي بالبنت إلى التهلكة ....... ياخي كامل علابالكم ان هذه العلاقات معظمها إن لم نقل كلها تنتهي بــــــ باي باي

يـــــــاو عرفاتو في الانترنات ....لا إلـــه إلا الله محمد رسول الله[/color]

[أم لجيـن]

خوذيها قاعدة الي يبدا بالاعتذار يبقى ديما هكذا متستني منه والو

[نسمة تفاؤل]

قوليلو اذا ناوي الحلال بااااااااااااااااااااب الدار مفتوح وشوفي قيمتك عندو ربي يوفقك

[FellaD]

يا الهي لا حول ولا قوة الا بالله

اولا الاستخارة تكون ب الحلال و الى الحلال
ليس بالنت و الى اللقاءات

ثانيا مزالكي صغيرة على الزواج
ثانيا غير اخطيك او غير انساي بلي راه جاي يخطب راهو يطمع فيك باه توالفيه او تنساي اصلا فكرة الزواج

قصة الارتياح. ليس في محلها الله يهديك ختي لست من النوع الذي يجامل

[الفاتحة]

أولا راني بصعوبة قريت مشكلتك وكدت ان أقول أنها ليست عربية بل لغة اخرى ، نصيحتي لك طالعي الكتب حتى تتحسن لغتك عزيزتي ثانيا الحرام يبقى حرام ، لا يقولك ولا يعيدلك ، قوليلو يأتي البيوت من أبوابها وأخطيك من التمسخير وتحقير النفس أكثر وأكثر ثالثا ربي يوفقك في حياتك ويبعد عليك وعلى كل بنات المسلمين شر الفتن.

[أنور الزناتي]

الأمور ما تمشيش هكذا أختي لعزيزة... في البداية لازم نعرفو إذا كان سقسيتي عليه و على أهله أم لا؟ و إذا كان الناس يحترموه ولّا لا؟ و اذا كان انسان مصلي و يعبد ربي أو أنه يتبع طريق الحرام - الخمر، مخدرات ، و ربما أمور أخرى خارج الطريق ...أما أنك ما تعرفي عليه والو، و تستناي فينا نقولولك انتظريه و لا اتركيه، فاسمحيلي ما نقدرو نقولولك والو غير أنك تتحملي مسؤوليتك... و اللي ضرباتو يدو ما توجعو.
حاجة أخرى. أنا في راي الحاجة إذا بدات من الأول غالطة كل ما يجي بعدها غالط... أصلا معريفة الانترنت ما نظنش كاين فينا من يآمن بيها و يتصور بلّلي هاذي هي الطريق الصحيحة لإقامة علاقة صحيحة.
ناس بكري ما غلطوش عندما قالو: قيس قبل ما تغيس. أي لازم تحسبيها مليح قبل ما تقرري.

ربي يسهلّك و تاخذي القرار اللي في فايدتك.
بالتوفيق