السلام عليكم
اختي انا كان عندي مشكل في الارز كنت نحطو في الكوشة من بعد وحدة سورية اعطتني وصفة جربتها ما شاء الله
لشخصين
بصلة متوسطةرابي
2سنينات ثوم
نصف جزرة رابي
فنجال اتاي تاع زيت
نصف م ص ملح و التوابل التالية ديري في راس الملعقة فلفل اسود قرفة كمون كركم فلفل دريس مرحي كاري و هيل واذا ما عندكش حطي لي كاين
2قطعة ماجي دجاج هنا ديري بالك كمية الملح من بعد ذوقي لان ماجي مالح شوية
قطع دجاج اذا حبيتي ديريه و اذا ما عندكش ماجي يعطي بنة للارز
كاس و نصف ارز مفور غسليه من بعد حطيه في ما دافىء لمدة 30/40د
التحضير
حطي الزيت الدجاج و باقي المكونات على مرة و قلي مليح على نار هادية
كي تتقلى مليح ضيفي الماء2 ل وغطي الطنجرة
كي يدخل الطياب للدجاج نحيه و نحي من المرق كاس و نصف و نحيه من الفرن.
ضعي كمية المرق لي نحيتيها +الدجاج في صينية فرن و خليه يتحمر في الكوشة
نعود للمرق هنا لازم تحسبي كل 1كاس ارز مفور ااكد مفور او بسمتي تحطيلو 2 كيسان مرق في وصفتنا 1.5*****3 مرق
عيري تقريبا شحال بقالك من المرق في الطنجرة وزيدي الماء و صفي الارز لي نقعتيه حطيه في الطنجرة على نار قوية كي يغلي ديري نار هادية جدر حطي فوقو الدجاج المحمر و خلي 10د ابداي تفاقدي اذا شفتيه نشف من المرق و مازال ما طاب زيدي كمية قليلة ماء كي يطيب تشوفيو كانو ثقوب على السطح و المرق اختفى
المهم ما تخلطيهش اطلاقا يطيب عادي في نار هادية و يخرج حبة بحبة
السورية لي اعطاتني الطريقة تزيد تقلي لوز و الصنوبر تحطهم على الطبق
انشاء الله تستفادي كيما انا استفدت منها
( تقرير عن مشاركة سيئة )، و الموجودة أسفل كل مشاركة .
2013-09-13, 20:42
طلب مساعدة لطهي الأرز
العرض العادي
