رسـائـل أحباب ٌ في هذه الدنيا

[متفائل]

رسـائـل أحباب ٌ في هذه الدنيا

الخواطر سايحه والشك زايل
ومن عرف مثلك عرف قيمة خويه
والذهب وان حاولوا ماله بدايل
والمشاعر بالغلا ماهي خفية
والنوايا الصافية اصدق دلايل
ويشهد الله شوفتك مثل الهدية
صاحبي ودك تعرف الصدق والجد
ودك تعرف خاطري وش طرا به
انا اسالك هل المطر يوم ينعد
طبعا تقول لا وهي الاجابه
غلاك عندي مثل المطر يوم يشتد
ماينتهي ما دام وصلك سحابه
لـو يضيـق الـوقت و الدنيـا تشـين
وشمسنـا تشـرق علينـا مـن شمـال
ولـو يطـوف العمـر أيـام وسنـين
ماتغـير حـبي لـك يا ابـن الحـلال !
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك
و رغم المسافة ..
أنتِ غالية ياحياتي ..
أنتِ الاخت اللي لها الروح ترتاح ..
في كل لحظة أذكرك ياغناتي ..
وأذكر أيام كلها ضحك ومزاح ..
هذا مكانك بين روحي وذاتي ..
لا تحسبين انه مع الوقت ينزاح
شفت الأسير اللي سكن دار الأغراب
وشاف العنا والظلم وعاش بمذله
مثلي أنا لا أبعدت عن شوف الاحباب
أبقى حزين وصافي الدمع أهله
ترى ذكركم عن البال ما غاب
وحبكم بالقلب ما تغير محله
مايزعج النفس الا بعد غاليها
ولا يسعد القلب الا شوفة احبابه
ياعين خلي دموعك فيك خليها
القلب يكفيه من الاحزان ماصابه
يكفي حياتي غلا الغالين ماليها
لاشفتهم زال كل الضيق واسبابه
سكبتك في دمي حلما
حنايا القلب ترعاه
وراح القلب في فرح
يغني سر نجواه
ويشدو حبنا لحنا
كطير عاد مأواه
سألتك هل ترى يوما
سنهدم مابنيناه
فقلت بقلبك الصافي:
أخيتي حبنا في الله إبحار
وفي الفردوس بإذن الله مرساه
كم بي من الشوق يحدوني لهم
لمبسم صادق بالذكر قد نطقا
لأخوة لم يزل قلبي يحن لهم
لهم فؤادي بنبض الحب قد خفقا
كنا وصرنا وحب الله يجمعنا
والصدق رمز لنا كالغيم إذ برقا
أبلغ أخا كانت في الله صحبته
إني و إن كنت لا ألقاه ألقاه
و أن طرفي موصول برؤيته
و إن تباعد عن سكناي سكناه
ياليته يعلم أني لست أذكره
و كيف أذكره إذ لست أنساه
والله ما أنسى صاحب مانساني
لو طالت الغيبة وضاعت نواحيه
يبقى معي مابين قلبي وعيني
والنفس من بد المخاليق تغليه
وانشد عن احواله بعاصف سنيني
وارتاح لا زانت وطابت لياليه
أشتقت لكـ ياصاحبي وين ألاقيـكـ ؟؟
محتــاج لكـ بالحيييل ودي أشوفكـ ..
أشتقت أسولف معكـ وأسمع حكاويك..
واللّمــه الحلووهـ وباقي مزووحكـ ..
ياصاحبي من كثر ماأطريكـ وأغليكـ ..
صرت أحلم فيكـ وأصحى وماأشووفكـ ...!!!
باقي على عهد الوفا
ما اقدر انساك
خويك اللي لا اقفوا الناس جالك
مثلي مثل خاتم تحطه بيمناك
وتحركه وشلون ماهو صفالك
صدقني انك لو تبي قلبي
افدااااك
وأقولها من جد قلبي
حــلالـك
ماني من اللي لا مشى
الدهر ينساك
ولاني من اللي عاشروك
لمصالح
ولاني من اللي لا بغى
شي حياك
أنا
من اللي يعزونك لذاتك
ولا خانتك دنياك والكل
خلاك
تلقاني صديق صادق
عند
" بابك "
عساك بخير
كثر مابقلبك الطيب نوايا خير
وكثر مالك غلا عندي وذكرى خير
عساك بخير
كثر مامالت الاغصان وغرد
عليها طير
عساك بخير
كثر ما هلت الافكار
ولمع نجم سهيل
كثر القلب ودقاته سألت
المولى تكون بألف خير
البعد مايبعد عزيـــزين الاصحاب
سيف بيمينــك لابغيته تسله..
وان مالقيت الود بعيون الاحباب
تفــداك عيــن شالت الود كله..
أجيك مقبل لادبرت كل الاصحاب
وماأزعل عليك لوبدت منك زله..
مايزعج النفس الا بعد غاليها
ولا يسعد القلب الا شوفة احبابه
ياعين خلي دموعك فيك خليها
القلب يكفيه من الاحزان ماصابه
يكفي حياتي غلا الغالين ماليها
لاشفتهم زال كل الضيق واسبابه
الرفاقه شهادة حسن سيره وسلوك
. وانـت والله رفـيـقٍ عـالـي مـسـتـواك
فـيـك طـيـبـة فـقـيـر وفـيـك حـشـمـة مـلـوك
... وفـيـك شـخـص مـثـالـي فـي عـيـون الـى هـواك
ياسلامي على اللي صحبته حلوة
واحدن لي ذكرته ينشرح بالي
صاحبن مايبيع الملح والأخوه
له مكانن على كل البشر عاااااااااااااااااااالي
شوفته ياعرب هي غاية المنوه ..
أشهد إنه ولو طال الزمن
غالي
من يوم ربي عـز قـدري وشـانـي
حطـك رفيقــي وأصبـح الهـم مفقـود
أكــرمنــي اللـه فيــك لا مانسـانـي
وعلمتنـي " وش يصنــع "
الطيـب والجـود
وإذا نطقت أسمك تشرف لســانـي
وإلاالمعـزه دايـم الـدوم فـي زود
زمان قاسي والبشر صارو األوان..
وكل ٍعلى كيفه يلون حياته.
بس الاكيد أنا وأنت أخوا ن
أنت الوحيد اللي هويته بذاته.
والله لأسولف بك غلا كان ماكان
وتبقى بقلبي إلين حزة مماته .
الوقت " غربه " وآخر الزمن عنوان
والعمر رحلة .. والتجارب رحايل.
وانا كثر مالي من الناس خلان
إلليّ صفو لي بالشدايد قلايل
مرات ربك يرزقك خوة انسان واحد..
.. ويسوى في عيونك قبائل ..!!
في " هالزمن " ينولد إنساان
ويموت إنســـان
ونقابل من البشر
الـــــــــوان ..
ونصادف مشاعر بين صادق وخوّان !!
وناس احلى من ورود الاغصان ..
وكل ٍ يروح وتطويه
جرة النسيااان .. !!
ومايبقى غير ذكر "اطيب انسااااان "
تبقى وليف القلب ولو صار ماصار
وتبقى نظير العين ولو مانشوفك
وتبقى سلام الروح ولامنك اضرار
وتبقى عزيز وعزتك من وصوفك
اسمك نقشته بين الاضلاع تذكار
وقلبي نزعته خوف يزعج حروفك
مرات ربي يرزقك أخوة انسان واحد ويسوى في عيونك قبايل
حنا اثنين اخوان واكثر من اخوان لو ماتجمعنا عروق وسلايل
لو نختلف باسماء وعروق واوطان يبقى التشابه بيننا بالخصايل
وانا ليا مني بغيت اكسب انسان اسعى له بكل السبل والوسايل
اعرف كيف ارد الاحسان بالاحسان
كيف احصد بذور الفضايل فضايل
مهما حصل مانفترق دام الامل فينا صدق
يمكن تغيرنا الظروف طبع الليالي ماتروف
بس المهم ماننتظر دمعة تعاني وتحتضر
وتبقى معي بنفس الطريق اصدق بشر


قصيده قريتها وحبيت اقدمها لكم ......................