عيش أنت في لالجيري

[samir.sami]

السلام عليكم ، نحكيلكم كل 3أشهر نخرج وثائق المسابقات ، ونحطهم في الدرج ديالي ، وقت ما نسمع بمسابقة توظيف نجري نحط الملف، الأخيرة العام الي فات مديرلاية التربية اعطات المسؤوولية لكل دائرة، أيا رحت نحط الملف ديالي والي هو عون حفظ البيانات ، قالك جيبلنا فيش دي نوت ، المؤسسات في عطلة ، رغم عندي شهادات أخرى في مجال الاعلام الآلي قتلو ماعليش ،ديرني عامل مهني (صلاح) ، قريب قالي أنت مشي هو......راح اللير راح والمسابقة على أساس التنقيط ,أنا لا خدمة لا دار لا دوار ، لو كان جيت خدام أنا علاش نكسر راسي في بلاد الحقرة ، أيا بانت النتائج ربح اللي ربحت وخسرت اللي خسر ، هذا العام سمعت كاينة مسابقة توظيف رحت لمديرية التربية قالك والوا ما جانا والو والعطلو وشكون يتكلف بيها ، العام الي فات بعثناهم للدوائر التابعين ليها ، دينا في الهدرة وجبنا قتلو العام اللي فات مدير المؤسسة المستكلف كلا التشيبا بدون ما يربح اللي رشاوه وشح فيهم كيما يقولو بالعامية ، أيا قالي المدير هذا عندي رقم الهاتف ديالو وضرك نقولو وش راك تقول ، قتلوا ايه راجل عليك وعليه ، أيا عيطلو صاب الموبايل مغلوق ، قتلو لو جا سيريو ما تلقاش الموبايل ديالو مغلوق.
يعني شوف ميز تعرف ، كلب يعرف كلب

يا الزوالي الجزائر ليست بلادك.

[lalib40]

نعم مهيش بلادي

[نبيل حمزة]

واش تحبنا نديرو خو

[aboud42]

بلد الكعب العالي
ولاد الافلان وولادهم ونسابهم برك راهم يخدمو

[lotfi1987]

دير رايك فيهم ما تخليهاش في قلبك
المهم خرجو من عقلو ،كيما خرجونا من عقولنا

[wahiba T]

والله غير عياونا انا حتى l'anem عندي عامين وjamais عيطولي رغم انه عندي ليسانس في الحقوق وعندي ديبلوم في الاعلام الالي وعندي CAPA ...والله في بعض المرات كي نشوف نتائج المسابقات نبكي مالحقرة لكن شيء الوحيد لي مصبرني هو عندي ثقة في ربي انوا يجي نهار ويفرجها عليا ان شاء الله وعليكم كامل ان شاء الله

[yacine-08]

مافهمت والو في كتبتك

مي صح العرف ولا عيني عينك

ماولاوش يخافوا قااااااااااااااااااااع

[samira135]

قال الله تعالى ( وما من دابة في الارض الا على الله رزقها و يعلم مستقرها و مستودعها كل في كتاب مبين)
لازم تكون متقين انو رزقك واحد ما يديه وهذا لي راه يخدم غير بالرشوة و المعرفة مداش رزق غيرو هذا رزقو ربي كاتبولو مي هو اختار طريق لحرام والعياذ بالله

[ali48150]

ان بعد العسر يسرا