ما عساي افعل؟

مشكلتي · 2013-07-12, 16:12

زفافي بعد رمضان انشاء الله لقد اتممنا العقد والفاتحة لكن مؤخرا اكتشفت ان زوجي انسان عصبي جدا وحين يغضب لا يابه لاحد ويغضب حتى علي رغم انه ليس لي دخل في ما اغضبه ورغم محاولاتي لتهدئته والتخفيف عنه الا انه لا يهتم الا للتنفيس عن غضبه ولا يهدأالا بعد وقت طويل انا خائفة من غضبه هذا مستقبلا فبماذا تنصحوني

~~مراد12345~~ · 2013-07-12, 16:30

أين كنت من قبل

حتى وصل الأمر للزواج

؟؟؟؟

Assouma 93 · 2013-07-12, 16:43

ما عليك غير تسايريه اختي هذا هو الحل بعد ما تم العقد و ربي يجيب الخير ان شاء الله

بسمة تحدي · 2013-07-12, 17:17

ضوك بش اكتشفتي؟؟؟

وش نقلك عليكي بالاستخارة ثم الاستخارة والدعاء

ربي يقدمك الخير

hoda zakaria · 2013-07-12, 18:19

ومن بعد عصبي وين راه المشكل خليه يتعصب على قد مايقدر وانتيا اسكتي عليه كيتنفس راه يرجع غير وحدو

basma09 · 2013-07-12, 18:48

شوفي يا اختي ضرك خلاص راكي متاخرة بزاف ماعندك ماديري برك نقلك نصيحة
الرجل كي يزعف و يتقلق دواه الوحيد اسكتي عليه و خليه ماتزيديش تحكي معاه لا حاجة مليحة لا دونية المهم برك اسكتي كي يكون يعيط و بالاكي تزيدي تنشعيه بنضراتك الا كانت فيها استهزاء هاذاك وين يزيد مام تكوني ساكتة وكي يفوتو الزعاف و القلق تقدري تتناقشي معاه و لا تقوليلو واش حبيتي
اصبري عليه و خلاص ماعندك ما ديري
الله يهنيكم حنونة ان شاء الله

صفــاء · 2013-07-12, 18:50

عـــــــــــادى أختى أغلب الرجال عصبيون

والرجل العصبي قلبه أبيض وحنـــــــــــون

أنت فقط تعلمى كيف تتعاملين معه

أنصحك بالصمت عند غضبه وستكسبينه

وفقك الله وجمع بينكم بالخير

أم عابد · 2013-07-12, 19:16

حلها هو الصبر في وقت عضبو و سايريه و حقيقتا الرجل العصبي قلبو ابيض و بالعشرة تعرفيه مليح و تتعلمي التامل مع اوقات غضبوا
ربي يهنيك ان شاء الله

z.abdo · 2013-07-12, 23:12

السلام عليكم اختي

الاحظ من خلال الردود من يقول ......الآن اكتشفتي ؟؟؟؟ والآخر يقول تاخرتي كثيرا.........بصراحة كلام غير موزون ومثبط

اختي :ان الرجل في هذه المرحلة عليه ظغوطات نفسية ومادية وعائلية ...........الخ

ولا تقلقي من هذه الحالة وهذا شيء طبيعي اختي ........عليك ان تقفي بجنب زوجك وتواسيه و تحسسيه انك تتفهمي وضعه

وتشعري بما يشعر به .........ولما يتعصب لا تعمدي معه اصبري .......ولما يهدأ وبزول الغضب اخبريه انه اصبح عصبيا

ونبيه عن هذا

واريد ان اقول لك لا تقلقي اختي هذا شيء طبيعي ..........وربي ان شاء الله يوفقكما

nouna l maghbouna · 2013-07-12, 23:19

عادي قرب العرس و تحضيراتو
ظغوطات نفسية (راكي قلتي مؤخرا )
ساعفيه و اصبري بعد العرس ان شاء الله تروح هاد القلقة

ربي يهنيكم

مريم الصابرة · 2013-07-12, 23:23

السلام عليكم اختي
كان خطيبك وضرك راه راجلك يعني تكتشفي فيه امور وعادي وإنت راحا تتزوجي إنسان ما راهش آلة إنت حاجة وحدة لازم تتطأ"قلمي مع عقليتو لما يكن زعفان بعدي عليه وخليه هذا ماكان ما تزيديش تقلقيه الله غالب واحد ربي خلقو هادئ ولاخر زعفان ولاخر مقلق هذي هي هو خلقو ربي إنسان مقلق الله غالب يفقد أعصابو يعني كيفاه هذا سبب يخليك تسمحي فيه إسمحيلي هذا ما راهش قرار من رأي تحمليه وتعلمي تسايسيه هذا ماكان ما راهش غول راح ياكلك برك يفوتو الزعاف خلاص موفقة

soupline · 2013-07-12, 23:45

صحة شريبتكم كامل ......و الله يا أختي حتي أنا عندي نفس المشكل مع خطيبي الحل الوحيد انك تسايريه و ماتعانديهش و كي يعود يحكي انت قوليلو صح عندك الحق ولا أسكتي و كيما يتكالما خلاه وضحي وجهة نظرك بالسياسة أنا هكا سالكة من المشاكل و العصبية و فكرتي نقولها ومن بعد كي يفيق مع روحو يطلب مني السماح و تستمر الحياة و مبروك عليك الزواج

جمعي البشاري · 2013-07-13, 04:08

اقتباس:

المشاركة الأصلية كتبت بواسطة soupline

صحة شريبتكم كامل ......و الله يا أختي حتي أنا عندي نفس المشكل مع خطيبي الحل الوحيد انك تسايريه و ماتعانديهش و كي يعود يحكي انت قوليلو صح عندك الحق ولا أسكتي و كيما يتكالما خلاه وضحي وجهة نظرك بالسياسة أنا هكا سالكة من المشاكل و العصبية و فكرتي نقولها ومن بعد كي يفيق مع روحو يطلب مني السماح و تستمر الحياة و مبروك عليك الزواج

بارك الله فيك اجابة وبالتجربة

naamane3 · 2013-07-13, 12:39

والله يا اخوتي ردودكم مروعة لما لاتطمئنوها
لما لا تعطوها بعض الاذكار التي تنفعها مع زوجها
شوفي يا اختي اذا اصبحت فقولي
بسم الله الذي لا يضر مع اسمه شيئ
في الأرض ولا في السماء وهو السميع العليم ثلاث مرات
واذا امسيت كذلك وهذا كل يوم وسوف لن ترين منه ما يزعجك ابدا
والله المستعان

يوسف برياني · 2013-07-13, 12:54

مهما يقول ويغضب انت هديها

و كذلك ابالاستخارة ثم الاستخارة والدعاء والصبر