خطبة الجمعة وموضوع الغش دخول

[medscd]

السلام عليكم

اليوم الصراحة كالعادة رحت للمسجد نصلي والحمد لله

دخلت صليت ركعتين تحية المسجد وجلست

والموضوع كان الغش

قعدت استمع وبكل حرف يقوله الامام

وذكر الغش في الامتحانات وقلبي اصبح يضرب بقوة

و قال نيل شهادة بالحرام والله زلزل قلبي الصراحة

وانا بكل صراحة كنت موجد الزوم

راني قطعت الزوم على شكل فتات ورميته في سلة المهملات

علما انا حبست دراستي في 2 ثانوي

ورحت قريت بالمراسلة اثبات المستوى يعني 3 ثانوي

اللي سمحتلي باش نفوت حر باك

وحصلت في الفلسفة على 16/20 قليل اللي يجيبها لكن بكل صراحة بالغش

والمعدل العام 14.58

لذا قررت وبعد سماع كلام الامام رغم اني لا اعرف اي شيء

سوف اذهب للامتحان

واذا جبت معدل 2 ولا 3 / 20 والله عادي جدا

لاني لم ادرس

لاني كنت اعمل تبعت الدراهم كنت 10دج تجيب 100دج ثم 1000دج .............الخ

ونسيت شيء اسمه النجاح في شهادة البكالوريا

والله غير الدراهم صدقوني مانيش قادر نشوف ليهم

لاني تفكرت كيما يقولك حسيت

بذيك الفرحة تاع اعلان النتيجة والواحد يربح

يعني نهار اعلان النتيجة

ونولي نسمع الزغاريت من الامهات وامي ما تزغرتش

والله قلبي راه ضارني اليوم بزاف بزاف

وكيما يقولك راهي غايضتني

وجامي في حياتي بلاك

قلت ما نغش كيما اليوم في الامتحانات

واكمل كلامي

بهذه يارب ان شاء الله يوفق كل شخص قرا للبكالوريا

اللهم لا تخيبه يارب امييييييييين

[isma3ilmoh]

سلام عليكم
نتا راجل خويا , والله نتحيلك
ماغلق الله بابا على عبد بحكمته الا فتح له بابين برحمته
ناجح باذن الله
ربي معاك

[الجواهر]

البكالوريا لا تستحق الغش ....صدقني
فرص العمل و النجاح و التالق مفتوحة للجميع جامعي او غير جامعي
اجتز الامتحان ان ربحت فنعمة و بركة و ان لم تنجح يمكن ان تعيد العام المقبل ...حاجة ماتفوت ربي يطول العمر

[سمية الرائدة]

يعطيك الصحة و بارك الله فيك

[BaC2013-DZ]

ربي ينجحنا انشاء الله

[لجين93]

بارك الله فيك و ربي يوفق الجميع

[khawla95]

rabi ywef9ek a5i é men 9albi netmana tfera7 ymakkkkkkkkkk ameeeeeen ya rab

nta bahloool b7ara 3lik yemek meskine

[نزهة الربيع]

لحمي شوك وانا نقرا في موضوعك
ربي ينجحك ان شاء الله خويا محمد
وتفرح امك
وكان مديتوش بعيد الشر سنا تعاودو معانا نوووووووووورمال العام الجاي

[بركات عبدالهادي]

بارك الله فيك اخي .......وربي انشالله يكون معاك قد نيتك

[belarbi]

شكرا أخي كلامك يقيس القلب والصميم

ربي يثبتك وتكون من المتفوقين الله المستعان

فيك الخير من كلامك وربي ينجح كل مجتاز للباكالوريا طالبها بالحلال

[akiro]

بارك الله فيك اخي نسعرف بيك

[samah94]

ان شاء الله ربي يجازيك و تنجح عام السنة و تجيب الباك و تفرح والدتك و تزغرد مثل جميع الامهات ياااااااارب

[زينب07]

اللهم امين يارب يارب نجح كل واحد تعب وسهر الليالي يارب استجب دعوة كل من دعاك وهو ساجد وهو يبكي يارب يارب نجح كل طالب يارب يوفقك خويا