حالات الغش في البكالوريا بين مؤيد....ومعارض.......

pharma-93 · 2013-07-02, 15:48

سلام من عنواني فهمتوا واش نقصد انا صراحة غاضوني بزاف لي دارولهم حالات غش يعني قضاولهم عل مستقبلهم ضربوهم ب 5 الى10 سنوات انا منتمناهاش للولاد ليهود مشي حتى لولاد بلادي كانوا عل الاقل يعاودواهم الباك مي اقصاء والله حرام عليهم هاكا راهم يخلوهم ينحارفوا لل مخدرات والدخان يعني مراهق 17 - 18 عام واش يقعد يدير 5 سنين لا قرايا لا والوا
حبيت نعرف رايكم في هاد الموضوع...............مي بدون ميثالية يعني تخيلوا لوكان عندكم خوك ولا ختك ولا بنتك ولا ولدك في هاد الموقف واش هي ردت فعلكم ?????????

z.abdo · 2013-07-02, 16:19

السلام عليكم

انا رارى ان مستوى الباك طاح ليس مثل ما مضى لما كن ندرس نحن في 2001 /2002 كان مزير واللي ما يقراش ماينجحش

للاسف بن بوزيد هو السبب في إنخفاض المستوى الدراسي لدى الطالب

انا لاأتلكم عن الوسائل التي تعاقب بها الدولة ......لكن لو نتركو الحالة هكذا راح ينفخض المستوى اكثر من اللي رانا فيه

كيف واحد غشاش يقرى طب وكيف سيعالج هذا المرضى هل سيغش ايضا في المستشفى

كيف لواحد غشاش يكون مهندس معماري .....هل لما يخطط لعمارات من سيضمن ان يكون بنيان صحيح

كيف لواحد غشاش يكون إستاذ في التعليم ويدرس أولادنا .....الا سيكون استاذ مستهتر واحينا تجده استاذ يميل للبنات ولاتوجد فيه روح المسؤولية

يجب ان لا نكون عاطفيين ولا انانيين لأننا لم نفكر في الأجيال القادمة من سيكون استاذهم ومن سيكون طبيبهم ...............

إذا كان أساس البناء الصحيح فلا تخف من الرياح الهوجاء

وإذا كان بناءنا غير ذالك فنخاف عليه من العطسة يطيح

اتمنى يرتفع المستوى العلمي لدى التلميذ في الثانوية ولدى الطالب في الجامعه هكذا حتى نكون مطمئين على حالهم

واتمنى في الآخير ان تتقبلو ردي والسلام عليكم

*ديهية الامازيغية* · 2013-07-02, 16:20

انا صراحة عندي اخي جاب 10 قريب 11 و شفت في النهار المظاهرات تاع الطلاب ممكن يكونو شويا ما غشوش راحو بالغلاط
و الله اعلم
ممكن تزيدي للنقاش في موضوعك باش يزيدوا عدد المشاركات نصيحتي الجزائريون يحبوا النقاش

*بسمة* · 2013-07-02, 16:22

ماشي كامل نقلو...كاين لي راحو في الجرة ..++ الاساتذة اللمكلفين بالحراسة ساهموا بنسبة كبيرة في هذا

جمال المهاجر · 2013-07-02, 16:28

يمكن للجهات المعنية ان تسمح لمن وقعوا في الغش اعادة السنة بدون اقصاء 5 سنوات .. و هذا لتجنب الغليان الاجتماعي الذي اشعله غياب رئيس الجمهورية و قرب الانتخابات و الفضائح الاخرى . .
لا اشفق لمن تم اقصاؤهم .. يحسبون شهادة الباكالوريا مجرد شهادة حقيرة .. جيل الفايسبوك .. و الايفون ...

z.abdo · 2013-07-02, 16:28

اقتباس:

المشاركة الأصلية كتبت بواسطة *بسمة*

ماشي كامل نقلو...كاين لي راحو في الجرة ..++ الاساتذة اللمكلفين بالحراسة ساهموا بنسبة كبيرة في هذا

لا اختي لا نلقي اللوم على الاساتذة الحراس لأن تخيلي انت في مكانهم ويهددو بالسلاح الأبيض فكيف تتصرفين

هذا قال لي احد الاساتذة ان بعضهم تعرضو للتهديد

~~السيف الصقيل~~ · 2013-07-02, 16:29

مليحة فيهم
لي يغلط يخلص

منبعد هاذو يطلعو على ظهور الناس
صح إقصاء مبصح مليحا
يكبرو وينساو

z.abdo · 2013-07-02, 16:30

اقتباس:

المشاركة الأصلية كتبت بواسطة جمال المهاجر

يمكن للجهات المعنية ان تسمح لمن وقعوا في الغش اعادة السنة بدون اقصاء 5 سنوات .. و هذا لتجنب الغليان الاجتماعي الذي اشعله غياب رئيس الجمهورية و قرب الانتخابات و الفضائح الاخرى . .
لا اشفق لمن تم اقصاؤهم .. يحسبون شهادة الباكالوريا مجرد شهادة حقيرة .. جيل الفايسبوك .. و الايفون ...

صدقت اخي هذا الحال اللي مش عاجبني .......جيل الفيسبوك و الايفون والمودات اما عن الدراسة فتجدة موجد الغش من بداية السنة وبعدها يقلك الناظر قال غشو

jihanne · 2013-07-02, 16:33

لمليح راح في جرة لقبيح

algeria 03 · 2013-07-02, 17:00

انا رايي انهم يستاهلو و لازم يتعاقبو و لازم يعرفو انو الحالة مش لعب
فضيحة الباك كانت فضيحة الشعب و الشعب مش رح يتطور و يتقدم ادا ماعرفوش اخطائهم و صلحوها