خاوتي راني في حيرة

أحبك ربّي · 2013-07-16, 16:32

السلام عليكم نساء رجال وصح رمضانكم

حالتي هي

أنا معول نخطب فتاة عجبتني وعجبتها والحمدو لله .. ولكن المشكل ليس هنا .. أبوها شخص ما يسمعش مليح ويظهر أنه مهوش سوي .. وحنا نسكنو لاصقين في بيت عمي .. ودارنا أشرف من منزلهم بكثييير أعني بيت عمي وما كالاه نذكر أسباب التربية
المشكل هو أني خايف كون نجيب هاذي الفتاة ينوظو بيت عمي يهدرو فينا وفي الناس بالي أبوها غير سوي وهاو موش نورمال وما علاباليش وحنا جامي طاحت بينا توالهم
الله يعزكم لي عندو رأي ولا ملاحظة ولا أي رد يتفضل وأرجو أن تكونو صرحاء معي الله ينوركم

صُبح الأندلس · 2013-07-16, 17:08

الحل بسيط و هو أن تستعين على قضاء حاجتك بالكتمان كما أوصى النبي عليه الصلاة و السلام أي لا تخبر بيت عمك حتى تتم الأمور

أحبك ربّي · 2013-07-16, 17:27

اقتباس:

المشاركة الأصلية كتبت بواسطة الأستاذة صُبح

الحل بسيط و هو أن تستعين على قضاء حاجتك بالكتمان كما أوصى النبي عليه الصلاة و السلام أي لا تخبر بيت عمك حتى تتم الأمور

أختي الكريمة هوما يعرفوهم بحكم أن بنت عمي متزوجة من أحد أقربائهم في نفس المكان التي تسكن فيه من سأخطبها ..

أحبك ربّي · 2013-07-16, 17:30

ننتظر رأيكم في الموضوع وملاحظاتكم ونصائحكم

imene12 · 2013-07-16, 17:54

نقولك حاجة خويا :" ما تعمرش راسك بحتى وااااااااااااحد" دير الشئ اللي متقنع بيه فقط. على خاطر إرضاء الناس غاية لا تدرك .. رضي ربي سبحانو و الوالدين عليك و الباقي كاااااامل يدزوو معاهم.
دار عمك يمكن يهدرو و يهدرو و يهدرو لكن يجي وقت يغلبو و يملو من الهدرة

ريمة89 · 2013-07-16, 17:59

انا اريد ان اسالك يا اخي
انت مازال ماجبتهاش وراك خايف يهدروا ................
ووهوما سور هادرين هادرين
اظن انك راح تتزوج بالطفلة ماشي باباها
ونورمالمون هدا هو جوابك على اللي يحوسوا يفهموا انوا انت عجبتك الطفلة والباقي حاجة ربي
من الافضل تبعد باه هكدا تجيب وحدة شرفهم كيما شرفكم ماشي تخطب وتهبلها امبعد بالهدرة تاع الناس هدا زواج

أحبك ربّي · 2013-07-16, 18:05

اقتباس:

المشاركة الأصلية كتبت بواسطة imene12

نقولك حاجة خويا :" ما تعمرش راسك بحتى وااااااااااااحد" دير الشئ اللي متقنع بيه فقط. على خاطر إرضاء الناس غاية لا تدرك .. رضي ربي سبحانو و الوالدين عليك و الباقي كاااااامل يدزوو معاهم.
دار عمك يمكن يهدرو و يهدرو و يهدرو لكن يجي وقت يغلبو و يملو من الهدرة

أحبك ربّي · 2013-07-16, 18:07

اقتباس:

المشاركة الأصلية كتبت بواسطة ريمة89

انا اريد ان اسالك يا اخي
انت مازال ماجبتهاش وراك خايف يهدروا ................
ووهوما سور هادرين هادرين
اظن انك راح تتزوج بالطفلة ماشي باباها
ونورمالمون هدا هو جوابك على اللي يحوسوا يفهموا انوا انت عجبتك الطفلة والباقي حاجة ربي
من الافضل تبعد باه هكدا تجيب وحدة شرفهم كيما شرفكم ماشي تخطب وتهبلها امبعد بالهدرة تاع الناس هدا زواج

آمل أن تراعي شعوي .. يعطيك الصحة على نصيحتك الغالية جدا .. أنا حبيت نسقسيكم أنتوما تفهموني ..

المحبُّ لأهل السُّنة · 2013-07-16, 18:09

السّلام عليكم ورحمة الله وبركاته
بادئ ذي بدء يقول الله تعالى :
( إنّ أكرمكم عند اللهِ أتقاكم )
فليس في ميزان الإسلام أنّ أحدا أشرف من أحد ولا أنّ عائلة هي أكرم من عائلة
إلا بالتّقوى و الورع والخوف من الله تعالى ..أمّا سوى ذلك فباطل من أساسه..

أخي الكريم إن رأيت من تلك الفتاة ما ترتاح إليه وما تطمئن إليه نفسك
وحبّذا أن يكون ذلك تديّنا و خلقا وتستّرا وحياءً
فاستخر ثمّ توكل على الله تعالى
ودعك من قول فلان وعلان
فأنت من ستتزوج إن شاء الله وليس غيرك وأنت من ستسطّر حياتك
وأنت من ستبينها وتعيشها ولا دخل لأحد فيها من قريب ولا من بعيد ..

وفقك الله تعالى ويسر الله أمورك على الخير ..

سنة4 · 2013-07-16, 18:17

اقتباس:

السّلام عليكم ورحمة الله وبركاته
بادئ ذي بدء يقول الله تعالى :
( إنّ أكرمكم عند اللهِ أتقاكم )
فليس في ميزان الإسلام أنّ أحدا أشرف من أحد ولا أنّ عائلة هي أكرم من عائلة
إلا بالتّقوى و الورع والخوف من الله تعالى ..أمّا سوى ذلك فباطل من أساسه..

أخي الكريم إن رأيت من تلك الفتاة ما ترتاح إليه وما تطمئن إليه نفسك
وحبّذا أن يكون ذلك تديّنا و خلقا وتستّرا وحياءً
فاستخر ثمّ توكل على الله تعالى
ودعك من قول فلان وعلان
فأنت من ستتزوج إن شاء الله وليس غيرك وأنت من ستسطّر حياتك
وأنت من ستبينها وتعيشها ولا دخل لأحد فيها من قريب ولا من بعيد ..

وفقك الله تعالى ويسر الله أمورك على الخير

نعم الرد وانا رايي من رايه
يا اخي دير الحاجة يل انتا راضي بيها او خلي الباقي على ربي ربي يوفقك

rahim ghaza · 2013-07-16, 18:31

السلام عليكم
اخي العزيز لو احنا كامل نتبعو هاذ المشاكل متفراش
اذا تحب نصيحة اذا تحب هذه الفتاة وانت وهي متفاهمين
اتكل على ربي ومتشوفش في الناس
والله يوفقك ان شاء الله خويا

Assouma 93 · 2013-07-16, 22:00

الهدرة فيها فيها و البنت قلت عجباتك و عجبتها ايا خلاص اتكل على ربي و تقدملها و متسمعش كلام الناس اصلا هوما هذاك واش يعرفوا غير التمنشير الله يهديهم

loulou02 · 2013-07-16, 22:12

قال الله تعالى : "فإذا عزمت فتوكل على الله إن الله يحب المتوكلين " صدق الله العظيم .
ألف مبروك أخي ، ربي يسخرلك و يكملك بالخير إن شاء الله و يرزقكم ذرية صالحة آمين .

naamane3 · 2013-07-16, 22:38

ارضاء الناس غاية لاتدرك
والاولى ان ترضي ربك قبل بني عمك

ريمة89 · 2013-07-16, 22:45

صح فطوركم يعلم ربي يااخي انني جاوبتك من وحي الواقع ديالنا لاننو حنا النساء اول كاثرة فينا غير الهدرة
ادا كنت تحبها راك علابالك واش دير اتكل على ربي
اما انا ادا تاخد بنصيحتي خمم مليح قول ربي يطيحني في بنت الفاميليا ودير الدار اما هدرت الناس كامل زيادة
باخي اسمحلي ادا قستك بالهدرة لكن انت طلبت الصراحة
وربي يفرجها عليك