أضحك معنــــــا

[ام سلسبيل]

مرة واحد قاعد في القهوة زعفان وقدامو كاس قازوز...
جاه واحد حبيبو رفد الكاس نتاع القازوز وشربو ...
وقالو:
واش رايح تدير فيها ؟
بدا السيد يبكي ..!!
قالو:
وشبيك راني نتمسخر معاك تبكي على كاس قازوز؟
قال السيد:
أصلا نهار اليوم خاطيني و الدنيا مسكرة في وجهي..
نضت من الرقاد الماء مقطوع..
ومول السكنة يحوس على دراهم الكرا...
و الكروسة نتاع الخدمة سرقوهالي..
وطردوني من الخدمة...
ومرتي طالبة الطلاق...
وحتى كاس القازوز اللي حطيت فيه السم باش ننتحر...
جيت انت وشربتو....................


زوج من الناس ما يشوفوش مليح...
بداو يزوخو على بعضاهم...
الأول قال:
راك تشوف في هذاك الحانوت لي قدامنا ؟
وراك تشوف الكواجو الي راهم برا؟
نقدر نقلك بلي واحد فيه الطوماطيش وواحد فيه الفلفل...
الثاني قالو:
لالا أنا نقلك واحد فيه الزروندية وواحد فيه اللفت...
قالو:
تراهني؟
قالو:
ايه راهنك مليون مليون...
مشاو و كي وصلو للحانوت لقاوه مسكر............

واحد الرجل جاء لصاحب المحل وقاله هل عندك 200بيضة وقاله صاحب المحل مستغربا لايوجد ثم جاء في اليوم الثاني

وطرح نفس السؤال وقال له لايوجد وفي اليوم الثالث عندما جاء السيارة لنقل البيض أنزل صاحب المحل 250بيضة على

جالوعندما جاء الرجل وقال له هل عندك200بيضة فأجابه نعم فقال له الرجل بدل هالي ب200صفرة


بمعنى10دج بيضة يبدل هاله ب10دج صفرة


مرة واحد سمين بزاف...
راح للطبيب...
قالو الطبيب:
شوف يا سي محمد لازمك تمشي على رجليك مدة شهرين على الأقل...
بعد شهرين... المريض عيط للطبيب بالهاتف...
قالو: يا الطبيب راني على الحدود مع ليبيا...
نكمل ولا نحبس؟

رة جحا سقسا مرتو:
كيفاش يعرف الواحد روحوا بلي مات؟
مرتو حبت تليكيديه قاتلو:
كي تبرد قاع فريستو......
امالا واحد النهار جحا جاي للدار فوق حمارو و كان ذاك النهار شوية برد
مس روحو لقا فريستو باردة
قال: يا ويلي متت...... هبط من فوق لحمار و ربطو في سجرة
واتكا......جاو الذيابا ياكلو في لحمار......
خزرهم جحا وقالهم:
ها ديروها ملي كنت حي ......
بصح مادامني ميت ديرو رايكم....


كاين واحد السيد قاعد في دارو لاباس عليه يقرا في الجرنان...
جات مرتو وراه و تخبطو على راسو بمقلة صرررررفق.
قالها:
علاه تضربي فيا؟وشبيك واش درتلك؟
قاتلو:
شكون هذي "ميمي" لي مكتوبة في الورقة راني لقيتها في جيبك؟
قالها:
يا مخلوقة هذاك راه اسم العود لي شجعتو في السباق...
سمحتلو و استعرفت بروحها بلي غالطة..
بعد عشر أيام كان قاعد مسكين يتفرج في التلفزيون و تجي وراه و تخبطو بمقلة على الراس صرررررفق.
قالها:
ياتر مالك علاه ضربتيني؟
قاتلو:
العود نتاعك راه يتلفونيلك.

مرة واحد السيد راح يخطب...
بابات الطفلة من بعد العشاء قالو:
أحكيلي وليدي حاب نعرفك مليح...
قالو السيد الخطاب:
شوف يا عمي أنا نخرجلك فيها طاي طاي...أنا بشكارتي ...عندي ثلاث حوانيت...واحد نتاع لحم...و زوج نتاع رسيون..عندي سيارة 406 تجبد الملح...و مثقف...قريت في الجامعة وراني رايح نجيب عمرة في رمضان...
قالو السيد:
الله يبارك شي جميل بصح قولي زعمة ما فيكش قاع حاجة ماشي مليحة؟
قالو:
شوف يا عمي فيا ديفو واحد...
قالو السيد:
واش هو؟
قالو:
اذا بديت نكذب ما نحبسش.............................