بيض الكسكاس

ام إثري · 2012-12-14, 17:24

السلام عليكم والله غير توحشتكم وتوحشت نكتب مواضيع في المنتدى بصح خانتني الصوارة فسدتلي مانحبش ندير مواضيع بلا صور
بصح ماقدرتش نصبر عليكم رحت حشمت وجهي وطلبت صوارة وجبتلكم هذي الكيفية
هي وصفة تقليدية كانو جداتنا يديروها كي ماكانش عندهم الفور
المهم اسم الوصفة بيض في الكسكاس نحتاجو ليها هذا المقادير
خمس بيضات ملح
فلفل اسود واحمر حار وبارد
دبشة
زيتون اخضر مقطع
حبة طماطم وزوج مغارف معجون الطماطم
كمون اخضر مغرفة كبيرة
وراس ثوم كامل وفلفل اخضر مقطع للحب الخار بزاف
ونص كاس زيت زيتون ومغرفة كبيرة خميرة تاع الخبز
وكاس سميد

ونحتاجو شوية كسكسي مشمخ باه نفرشوف في الكسكاس باه ماتسيحش الخلطة تاعنا

المهم نخلط كل المقادير مليح ومبعد نضيف السميد راح نتحصلو على خليط كيما تاع البسبوسة نفرغوه في الكسكاس ونغطيو عليه ونخلوها طيب لمدة 40دقيقة على الاقل كي نحبو نعرفو طابت ندخلو فيها موس اذا خرج شايح يسمى راه طاب البيض تاعنا

ذرك نخليكم مع الصور باه تفهمو اكثر على بالي مافهمتو فيها والو من الهدرة بزاف

وهنا راها تفور في الكسكاس ماتضحكوش على برمتي لازم تتحزم باه طيب هههههههههههههههههه

وهاليكم قطعوها وتاكلها بالصحة والهنا تاكل ساحنة من الافضل

وحبيت نزيدلكم هذي الفكرة
اللي تحب تحتفظ بالدبشة ولا معدنوس لمدة طويلو على الاقل سمانة
ماعليك غير تحطيه في بلارة تاع زجاج وحطيه في الفريجيدار بعد ماتكوني نقيتيه بصح ماتغسليهش غير كي تجي تستعملياغسلي

واش تحتاجي برك

هاوليك عندو كثر من عشرة ايام بقا كيما راهو محافظ على الزين تاعو ههههههههههههههههههههههههههههههههه

oum sabrina · 2012-12-14, 17:35

merciiiiiiiiiiiiiiiiiiiiiiiiiii

miri_27 · 2012-12-14, 17:37

إن شاء الله تكونين بخير و كافة العائلة، عزيزتي أول مرة نسمع بهذه الاكلة باينة بنينة من إيديك تسلمين

ام إثري · 2012-12-14, 17:54

اقتباس:

المشاركة الأصلية كتبت بواسطة oum sabrina

merciiiiiiiiiiiiiiiiiiiiiiiiiii

الشكر ليك حنونة اللي نورتي موضوعي نتمنى تكون عجباتك الوصفة

ام إثري · 2012-12-14, 17:55

اقتباس:

المشاركة الأصلية كتبت بواسطة miri_27

إن شاء الله تكونين بخير و كافة العائلة، عزيزتي أول مرة نسمع بهذه الاكلة باينة بنينة من إيديك تسلمين

الله يسلمك ميري
الحمد لله بخير السوال عليك وين غايبة ان شاء الله خير

omo mazen · 2012-12-14, 18:02

الله الله عليك يا ام اثري كل اصبع بصنعة ماشاء الله عليك

ام اروى 2 · 2012-12-14, 18:03

فحلة وشاطرة وهدارة بزااااااااااااف ههههههه
ربي يحفظك ماعنديش البيض باش نجربها ضرك غدا بادن الله

ام إثري · 2012-12-14, 18:06

اقتباس:

المشاركة الأصلية كتبت بواسطة omo mazen

الله الله عليك يا ام اثري كل اصبع بصنعة ماشاء الله عليك

الله يخليك ام مازن تفضلي ماتحشميش هزي كولي

ام إثري · 2012-12-14, 18:08

اقتباس:

المشاركة الأصلية كتبت بواسطة ام اروى 2

فحلة وشاطرة وهدارة بزااااااااااااف ههههههه
ربي يحفظك ماعنديش البيض باش نجربها ضرك غدا بادن الله

ههههههههههههههههههههههههراكي تشوفي مانقدرش نسكت

ان شاء الله كي تشري البيض وتجربيها تنجحلك وتاكلوها بالصحة والهنا

ماعندي مانقولك راها بنينة خير من الكشير هههههههههههههههههههههههههه

omo mazen · 2012-12-14, 18:10

اقتباس:

المشاركة الأصلية كتبت بواسطة ام إثري

الله يخليك ام مازن تفضلي ماتحشميش هزي كولي

راني طرت بالصحن بلا عرضة هههههه حتي الشكل رائع حطيه للضيف بلا حشمة

أم معاذ أم معاذ · 2012-12-14, 18:14

يعطيك الصحة هاذي أكلة خاصة و معروفة غير عندك ههههههههه
حتى الباتنيات قالو ما نعرفوهاش هههههههههههههههههههه

كي نجيك عندك طيبيهالي ههههههههههههههههههههه

ام إثري · 2012-12-14, 18:16

اقتباس:

المشاركة الأصلية كتبت بواسطة أم معاذ أم معاذ

يعطيك الصحة هاذي أكلة خاصة و معروفة غير عندك ههههههههه
حتى الباتنيات قالو ما نعرفوهاش هههههههههههههههههههه

كي نجيك عندك طيبيهالي ههههههههههههههههههههه

اهلا بالتاجرة تاعنا عندك الحق مايكونش عندك الوقت باه طيبي لاتية بالتجارة تاعك ارواحي نطيبهالك على سعدي هههههههههههههههههه

مرحبا لبيك في اي وقت