خطيبي مريض عقليا

[مشكلتي]

السلام عليكم
انا راني نكتبلكم و انا راح نهبل
هادا الراجل دارلي الاعصاب راح نموت منو و ليت نكسر في القش بسسبتو
خطيبي شكاك و لحوح في نفس الوقت
الشك لقيتلو حلو انو بدبلت رقم هاتفي و قطعت كامل علاقاتي الي مع البنات و لا ذكور
لكن الالحاح لنه فظيع
يعيطلي في تلفون يقولي كونيكتي
نقولو راني مشغولة يتم يلح حتان نجي
يقولي اخرجي نقوقلو رامي خدامة يتم حتان ندير واش راه يحوس
دوكا و ليت نعيط عليه نقوقلو انت ما تفهمش راني نقولك ما نقدرش يتم من ورايا حتان يهبلني و ما يستسلمش حتان ندير واش راه يحوس و مبد يزعف و ينايفني
راح نمزت منو
الحمدوالله الي الالحاح تاعو ما هوش في الامور الأخرى نقصد ما طلبش مني عمرو حاجة حرام
و لكن خايفة كي نتزوجو يولي تاني في من ناحية الواجبات الزوجية يطلبها بإلحاح
يا لطيف

[ام نسمة]

اذن انتي لاتحبينه ..........فكري جيدا قبل الزواج به فتظلمي نفسك وتظلميه معك ..........المرءة كي تحب الراجل لبغى اسوء رجال الدنيا يبانلها سيدهم وان لم تحبه حتى ولو كان سيد الرجالة فأنها ستجد لنفسها عدة اسباب لتبرر عدم محبتها له

[hajour]

ذلك لأنه يحبك وسيتغير أختي بعد الزواج لما تكوني دائما بجانبه. لكن لم أفهم اتهامك له بالجنون؟؟؟؟؟؟؟؟؟؟

[achwak crazy girl]

ختي ضك كي تتزوجي اكيد راااح يتبدل مالا خمي قبل الزواااج

[hadjerbb]

خليك منه اختي الي فيه عادة ما يبدلها صدقيني الشك خراب البيوت خليك منه يزيد يهبلك من بعد الزواج

[Mary-josie idir]

takhalasi meneh

[Mary-josie idir]

hada rahe bari yeseyeter 3elik
w yeridek jariya ta3eh
machi mareteh

[nouna l maghbouna]

عادي
بعد الزواج يتبدل

ربي معاك

[wafa16]

خطيبك مفشش مدلل و موالف يدير واش يحب
و مانظنش فيها حل ادا راكي تقولي ما طلبش منك امور اخرى ماعليش ساعفيه
و ديريلو واش راه حاب بعد الزواج الامور تتغير

[الشهبندر]

على حساب كلامك نحسو كي شغل راكي دايرة فيه مزية و راكي تشنفي ومراهش عاجبك الحال؟ ياو هادا زوجك يقلك موتي تموتي ..........حاولي تقراي شوي على المعاشرة الزوجية و حقوق كل واحد فيكم .........حتى و لوكان كان هو زايد فيها شوي حاولي انت تسقميه اما ادا كنتي مش حاملتيه كيما رانا نشوفو مالا خلي برك اقعدي في دار باباك خيرلك

[hansali_33]

ربي عطاك واحد يحبك تكبرت عليه حاولي تسايرينه أنا أيضا مريت بنفس المشكلة تاعك
تكبرت و فسخت الخطبة و لما عرفت قيمتي أرادت العودة كالكلبة و
لكن كان الوقت فات

[biks]

السلام عليكم

هذا خاطب برك و يعمل هكذا أمّالا كي يتزوج راح يعمل أكثر.

لازم يعلم بللي راهو خاطب فقط، ماهوش زوجك و مالازمش يكلحك و يقول لك راني راجلك و و و و و

[حميد.ص]

واجهيه بالامر و قوليلو واش هذا الالحاح قاع....هل هي عادة فيك من الصغر......و هل ستبقى هكذا بعد الزواج


يمكنك ان تسالي اهله كذلك

ربي يعطيك الخير

[ام نسمة]

ياناس اللي راكم تنصحو فيها تخليه وتخطيهامنو وووو .........علاش خلو بنات الناس يتزوجو ويتسترو راجل ملح ونكدي وعصبي وغيار وكلشي ......خير من مكانش وتقعد لازواج لا ولاد اذا بطلتي على هاذ السبب والله غير يجي النهار وتندمي بزاااااااااف

[سلاف26]

يدفعك للجنون إذن إفسخي خطبتك و أريحي رأسك من الصداع