مسكوتةخفيفة تقدري ديريها تارت

ام اجياد · 2013-06-22, 04:05

بسم الله والصلاةوالسلام علي رسول الله
الهم بارك لنا فيه واطعمنا خيرا منه
المقادير
6بيضات وكاس سكر وكاس زيت و12 مغارف كبار فرينة و3خميرة و4باطات ياوورت اي ذوق تحبيه انا درت ذوق فراز
التحضير
ضربيالبيض مع السكر حتي يذوب وزيدي الزيت وضربي شوية ومبعد زيدي الفرينة ولخميرة وخلطي مليح ومبع ضيفي لياوورت هو لخر وحركي رايحة تحسي في لخليط نتاععك خف من بعد جيبي لبلظو نتاع الكوشة نتاعك لازم يكون عالي شوية لخاطر رايحة تطلع بزاف بزاف وتسيح ادهني لبلا نتاعك بالزبدة ورشيه بالفرينة باه ماتلصقش كي تعودي رايحة تنحيها وديريها طيب في فرن تكوني مسخناتو من فبل
كي تنحيها خليها تبرد مليح وزينيها كيما تحبي تحبي تذوبي شيكولة وديريها قلاصاج من فوق ولا كونفيتير وزيديلو ملون احمر تاني تخرج مليحة
واذا حبيتي تستعمليهاتارت بالكريمة كيما استعملتها انا هنا ديري نصف الكمية يعني 3بيضات طيبي قرصةوحدةو زيدي قرصة ثانية كيفها واسقيها بالسيرو بعد ماتبرد واسقيها شوية برك وماتكتريش وديري لكريمة في النص وحطي لقرصة لخرى فوقها وزيدي ديري لكريمة فوقها كامل يعني غطيها كامل ومبد زيني بالكونفيتير احمر باضافة الملون
وهذي مقادير لكريمة تاني اقتصادية وتعوض لكرام شونتي لي ما عندهاش
كاس ونص حليب وست مغارف كبارسكرو ربع مغارف كبار فرينةوحركي مليح كلش فوق النارحتى تخثار مليح مليح نحيه وزيدي فاني وخليها تبرد مليح وكي تبرد ضيفيلها حوالي 150 غ مرغرين وضربي بيدك حوالي ربع ساعة حتي تخف لكريمةنتاعك وتكون جاهزةواذا حبيتي ذوق شيكولة زيدي لكاكاو اواي ملون تحبي انا هنا درتها وردي والكونفيتير لونتو احمر وزيني كيما تحبي بلابوش
اسفة علي لاطالة ولكن حبيت نشرحها مليح نتمني تعجبكم وجربوها لانها خفيفة بزاف وتحمر الوجه

دعوة في ظهر الغيب تكفيني

https://im38.gulfup.com/KreGA.jpg

https://im40.gulfup.com/2t12n.jpg
https://im31.gulfup.com/HsLjM.jpg
https://im41.gulfup.com/zkeXc.jpg
https://im37.gulfup.com/9LaoU.jpg
https://im35.gulfup.com/zveoz.jpg