راني حايرة

[مروة دعاء]

انا ابلغ من العمر 25 سنة في هاذ الايامات عيطتلي خالتي اللي تسكن في ولاية غير ولايتي على اساس انها حابة تجيب جارتها تخطبني لولدها وخالتي غير تشكر فيهم بصح المشكل انو امي ماحبتش على خاطر مالتحبش تمدني للبعيد والله راني حايرة كيفاش ندير معاها وماشي هاذي المرة الاولى وانا صليت الاستخارة وارتحت لهاذو الناس وزاد قابلي خدمتي قلت نزيد نسقسي عليه واذا كان صالح نحاول كيفاش نقنع امي وهو شرطي وامي تقول انو البوليس قاع موش صالحين فهل هذا صحيح والله راني حايرة افيدونييييييييييييييي من فضلكم ما العمل ولي عندو تجربة كيما تجربتي يقولي ربي يعيشكم بنصائحكم وارشاداتكم الله يخلييييييييييييييييييييكم سلااااااااااااااااااااام

[مراد12345]

أنا كنت في الجيش

وشفت العسكر والشرطة كيفاش يخونوا في زوجاتهم

في الولايات التي يعملون بها

حذار

[saroura27]

السلام عليكم
لا لا ماشي كل الرجال كيفكيف أنا متزوجة مع بوليسي والحمد لله نعم الزوج والله العظيم ماشاء الله متدين وعاقل ويحبني و مؤدب .............
ان شاء الله أنت تاني يكون ولد حلال أولا اسالي على دينه وصلاته (إذا كان متدين راح يكون يخاف ربي و إذا كان يخاف ربي ماغديش يدير حاجة اللي تضرك)و صلي صلاة الاستخارة و ربي يسهلك ان شاء الله.
الا كان من مكتوبك غادي أمك ترضى به.ربي يهنيك حنونة.

[سنة4]

اذا كان راجل مليح او صالح ماتضيعيهش علاخاطر الرجال الصالحين قلال او زيدي حاولي كيفاش تقنعي امك ربي يجيبلك يلي فيه الخير و يمدلك على قد نيتك
ربي يهنيك