كيكة **الهرم ** pyramide

ladymillion · 2013-05-04, 21:10

بسم الله الرحمن الرحيم

كيكة الهرم بالتفصيل

اليوم درت كيكة الهرم كيما وعدت الاخوات وجبتلكم وصفتها مع خطوات العمل راني بشوي ندير الحلويات لي عجبوهم وانشاء الله طبقوهم ونشوفهم وجربو هاذ الكيكة روووووووووعة تحمر الوجه هههههههههههههه وأعطوني رايكم

*** المقادير : كالمعتاد مقادير الجينواز نتاعي

4 بيضات كاملة
7 ملاعق كبيرة فرينة و 1 ملعقة كاكاو أسود
8 ملاعق كبيرة سكر
8 ملاعق كبيرة زيت
ZESTE DE CITRON
خميرة كيميائية راني نسيت نصورها ههههه
قرصة ملح لازمة

* أخفقي المكونات بالخلاط

حضري صينية مستطيلة او مربعة خلفيها بقطعة ورق الالمنيوم أو ورق الطهي ، انا متوفر عني ورق المنيوم

وصبي الخليط وتكوني شعلتي الفرن من قبل بـ 15 د

* الان حضري كريم شانتيي { كاس ونصف حليب بارد ، 11 ملاعق كبيرة بودرة الشانتيي} وضيفيلها اذا حبيتي ملون غذائي أنا درت الاحمروهاهي واجدة ، وغذا حبيتي تنكهيها بياؤورت فراولة ضيفيلها
وهاذي الجينواز بعد ما طابت نحيلها ورق الالمنيوم

* الان جيبي خيط قصيه على قد عرض الكيكة

* وطبقيه على 2 وديري خط بالسكين في النصف ولازم نقطعو 4 قطع كيما في الصور ويكونوا متساويين

* ونشربوها بالحليب والشوكولا نحطوهم على النار باش تذوب الشوكولا ،،، او إذا عندك كراميل + شوي حليب وشربيها شوي

* شربي الطبقة الاولى وحطي la crème وهكذا حتان تخلصي الطبقات وتحطيها في كونجيلاتوغ 10د

* هنا كي تجبديها قطعيها باتجاه مائل يبدا من الشوكة لفوق كيما في الصورة

* كي تكملي التقطاع اجيوك 2 قطع الطرف الاول هو لي في الجهة اليسرى أحكميه بيدك وحطيه جانبا فوق قطعة من ورق الالمنيوم أو صحن

* هنا الطرف الثاني قلبيه على الوجه لي درت عندو خط أحمر ،، درتلو شوي كريمة باش نلصقو بالطرف الاول

* وهذا الطرف الاول كي نتحيه دوريه علو وجه الاخر

* ولصقيه مع الطرف الاول وحاولي تعدليها مليييييح باش تتماسك وزيدي غطيها كامل بالكريمة وحطيها في الكونجيلاتوغ 10 د

* حطي الشوكولا تذوب في حمام مائي وبعد ما تذوب زيديلها شوي ماء باش تكون سائلة شوي وحركي حركي راح تتكتل شوي شيء طبيعي ابقاي تحركي حتان ترجع لقوامها السائل وماتكونش سائلة بزاف هكذا باش تحكم شكل الكيكة

* واجبدي الكيكة وسيحي عليها الكلاصاج حتان تتغطى كامل

* وزيدي حطيها 10د تجمد الشوكولا وزينيها هاذي هي النتيجة

وهذه لي درتها من قبل وحطيتها في موضوعي صور لبعض حلوياتي

انشاء الله نكون عنط حسن ظنكم وتكون عجبتكم

اللهم صلي وسلم وبارك على سيدنا محمد

jackin · 2013-05-04, 21:34

بارك الله فيك و يعطيك الصحة

أم ريمة* · 2013-05-04, 21:43

بارك الله فيك بنيتى اللهم اجعلها فى ميزان حسناتك الف شكر

أم ريمة* · 2013-05-04, 21:46

اداسمحتى بنيتى ممكن وصفة لمكرون

nassima 87 · 2013-05-04, 23:04

شكرا على الوصفة

sbmwhadz · 2013-05-04, 23:26

شكرا جزيلا على الوفاء بالوعد بوركت

ام ليليا · 2013-05-05, 02:46

كيكة رائعة يعطيك الصحة

ladymillion · 2013-05-05, 18:44

أختي أم ريمة راني كتبتلك وصفة الماكارون في موضوعي صور حلوياتي

Daylight · 2013-05-05, 19:15

444444444444444444444444444444444444444444444

zineb hanifa · 2013-05-06, 18:06

فكرة جديدة للكيكة شكرا لك.

الامل نور · 2013-05-06, 18:48

يعطيك الصحة

sbmwhadz · 2013-05-22, 16:56

أرجو الرد
ما هو نوع الشكولاطة التي استعملتها و ما هي الكمية اللازمة؟

ladymillion · 2013-05-22, 18:10

اقتباس:

المشاركة الأصلية كتبت بواسطة sbmwhadz

أرجو الرد
ما هو نوع الشكولاطة التي استعملتها و ما هي الكمية اللازمة؟

أنا استعملت شوكولا منى هي المخيرة وبنين دير 2 طابلات لهذه الكية نتاع المكونات لي درتها هنا واذا راح طبقها نتمنى تحطي الصور نشوفها وبالتوفيق

natacabell · 2014-03-28, 13:14

هايلة يعطيك الصحة

almazalina22 · 2014-03-28, 14:06

شكرااااااااااا على الوصفة
ممكن عندي سؤال حطيتي منذ يومين بسبوسة في الكوزينة وجربتها اليوم بصح جاتني ممسوحة ماشي بومبي فاش غلطت تبعت قاع الوصفة بصح البنة روعة من بعد نحط الصور والجوز كي درتو من فوق تغطس للداخل واش نكون زعمة السوائل بزاف قوليلي كيفاش يجي الخليط ناشف ولا جاري شوية وشكرا لاني نحب وصفاتك ومجربة بزاف الله يخليك لينا دبدوبة المنتدى موااااااااااااااااح