سجن الماضي و الدكريات

[مشكلتي]

اللسلام عليكم هناك شاب عاش قصة حب مع فتاة دامت بضع سنوات وكان ناوي يخطبها لانه حسب معرفتي به هو شاب متخلق و ولد عائلة المهم هد ا الشاب حصلت بينه وبينها مشاكل هوا كان مازال يدرس وهي طلبت منه انه يجي باش يخطبها بصح هوا ماقبلش وطلب منها انها تستنا عليه شويا حتى يكمل الدراسه ويعمل مستقبل باش نهار يجي يخطب يشرفها قدام اهلها بصح هده البنت ماقبلتش و راحت تخطبت لواحد من بعده عنده المال غير ماكره فيه باش تغيرو وهدا الانسان من هداك اليوم وهو عايش في سجن والله كيما نقوللكم سجن اسمه الماضي ما عاد عنده حتى رغبة انه يتعرف على فتاة اخري وانه يتزوج عاد عنده عقده اسمها الماضي وكيفاه هده البنت ما كانتش fidele معاه , كيما نقولولي لازم تتزوج و تتعرف على فتاة تبني معاها حياتك يقولنا انا كرهت ومارانيش حاب نعاود نفس الاشياء الي عشتهم مع البنت الي كان معاها يقولنا انه عاش دكريات معاها ماتتنساش و من المستحيل يتعاودو عاد والله معقد من الزواج و الحب يقول بانه الحب و انه يتعرف على بنت ويتزوجها هو عداب والل مالقينا واش نديرو معاه راه عنده 30 سنة يعني مابقاش صغير رانا خايفين يضيع عمره في الماضي والعداب ساعدوني يا جماعة الخير باش نقنعو انه يكمل حياته .