|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
قرنون محشي ......ودجاج مشوي ..هديتي بعد الغياب
 |
|
|
أدوات الموضوع | انواع عرض الموضوع |
2017-05-09, 18:18
|
رقم المشاركة : 1 | ||||
|
قرنون محشي ......ودجاج مشوي ..هديتي بعد الغياب
السلام عليكم ورحمة الله وبركته علابالي بلي طولت الغيبة بصح ربي عالم شحال توحشتكم واكيد كل واحد عندو ضروف تحتم عليه ينسى حوايج وناس بزاف المهم عدنا على بركة الله وعدت ووفيت اختي زينب راني جيت حبيبتي والقادم احلى *** الدجاج المشوي بالصوص***   خذي صدر دجاج قطعيه مكعبات كبار ثم تبليه في الخل والملح والفلفل الأسود والزنجبيل وثوم غبرة ان وجد خليه مدة اربع ساعات او اكثر ..... انا خليتها ليلة كاملة من جيهة في قدر حطي بصل اخضر مقطع رقيق سنات ثوم القليل من الملح فلفل اسود زنجبيل كصبر زيت حبق مجفف ملعقة كبيرة فرينة ملعقة صغيرة موطارد ( الخردل) شوية ماء وقَلِي الكل على نار هادئة   ثم لوحي كمية من الفطر ( شانبينيو) وكمية من الحمص يكون طايب من قبل في ماء وملح وفلفل اسود او حُمُّص مصبر نتاع القرعة ثم تمرقي بالماء ما تكثريش الماء وخليهم يطيبو على نار هادئة  من جيهة اخرى خذي الدجاج اللي كنتي تبلتيه من قبل وحطيه في أعواد الشواء وأشويه على النار مباشرة باه يتحرقو الجوانب نتاعو  ثم لوحيه في المرق وخليه يكمل طيابو على نار هادئة لما تشوفي المرق رايح ينشف والدجاج طاب لوحي كمية من الفرماج الأحمر تكوني رابيتيه ونصف كأس كرام فراش سائلة وخليه يغلي غير شوية  قدمته مزين بالمعدنوس والبصل الاخظر مقطع رقيق جاء يقتل بنة مختلفة والشكل ثاني جربيه راح يعجبك ان شاء الله التغيير مليح خاصة في الاطباق ��قرنون محشي حاجة فووووووور�� ***    كمية من اللحم المرحي ثوم بصل اخضر كمية من الفطر معدنوس حبات زيتون اسود ملح فلفل اسود لفاح وكمون شوية زيت نرحي الكل مع بعض في الخلاط  ثم نقسم الخليط نصف نحطو في قدر ونقليه مع شوية زيت ثم نضيفلو الماء ونخليه يطيب بعد ما يخثار نضيف له نصف كاس كرام فراش وفرماج مرحي ونخليه حتى يثقال والنصف الآخر نضيف له كمية من الفرماج المرحي وحبة طماطم نكونو طيبناها في شوية زيت ورأس فلفل حار مقطع رقيق وفلفل اسود وسنة ثوم نطيبهاغير شوية في مقلا  هاذ الخليط نحشي بيه حبات القرنون ( الأرضي شوكي) اللي نكونو من قبل نقيناهم وغسلناهم وطيبناهم في الماء والملح وثوم غبرة وفلفل اسود والخل  نحشيها مليح يعني نعمرهم كيما في الصورة يكون الحشوة طالع ثم نغطي كل حبة قرنون محشية بحبة اخرى قرنون كيما في الصورة  نحط كمية لاصوص اللي وجديتها من قبل ثم القرنون ثم بقية لاصوص  ونحط في الأخير شوية طماطم طايبة وفرماج مرحي وزينت بحبة زيتون اسود والى الفور  حوالي نصف ساعة او اكثر جااااااا روعة وبنيييييين يقتل ..... بصحتيييييي خخخخخخخخخ في امان الله واحلى القبلات حبيباتي
|
||||
|
|
2017-05-09, 18:24
|
رقم المشاركة : 2 | |||
|
كي شفت اسمك دخلت نجرييييييي توحشنا طلاتك اختي اسمهان طبخك ماشاء الله ماتتصوريش قدماش نحب وصفاتك واللي حطيتي اليوم اممممم يشهو يشهو دوختينا ههههه ربي يباركلك في يديك و يخليك دايما مبدعة. |
|||
|
|
|
2017-05-09, 18:30
|
رقم المشاركة : 3 | |||
|
يألف مرحبة واش هذا الغيبة يامحبوبتنا الغالية |
|||
|
|
|
2017-05-09, 18:36
|
رقم المشاركة : 4 | |||
|
يا عمري شكون دخل ليوم للمنتدى ونورنا والله العظيم فرحت بزااااااااااف بشوفة اسمك يا غالية |
|||
|
|
|
2017-05-09, 18:45
|
رقم المشاركة : 5 | ||||
|
اقتباس:
بصحتك لحبيبة والله كون جيتي قريبة نشبع حبيبتي كلامك عسل وفرحت بيه بزاف ربي يعطيك ويرضى عليك حنونة |
||||
|
|
|
2017-05-09, 18:47
|
رقم المشاركة : 6 | ||||
|
اقتباس:
ويارب ما نعاودهاش وإلا عاودتها طيحولي كارطة في المحكمة العليا هههههه والله انا ثاني توحشتكم حبيباتي والنور نورك حبيبتي |
||||
|
|
|
2017-05-09, 18:49
|
رقم المشاركة : 7 | ||||
|
اقتباس:
والله توحشتك وتوحشت حكاياتك احلى القبلات ليك حنونة وألف سكر على التقييم |
||||
|
|
|
2017-05-09, 19:39
|
رقم المشاركة : 8 | |||
|
اهلا بك اختنا وبارك الله فيك |
|||
|
|
|
2017-05-09, 22:57
|
رقم المشاركة : 12 | |||
|
اهلا وسهلا بالغالية اسمهان ليك وحشة والله كل مرة نتفكرك ومتعرفيش شحال فرحت كي لقيتك دخلتي |
|||
|
|
|
2017-05-09, 23:01
|
رقم المشاركة : 13 | ||||
|
اقتباس:
|
||||
|
|
|
2017-05-09, 23:28
|
رقم المشاركة : 14 | ||||
|
اقتباس:
ولردودكم الرائعة نورتي حبيبتي |
||||
|
|
|
2017-05-09, 23:34
|
رقم المشاركة : 15 | ||||
|
اقتباس:
كلامك زاد شجعني باه نحط اكثر بارك الله فيك وفِي صحتكي |
||||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
