تفضلوا كل واحد يشوف بوقالتو على حساب حرف اسمو الاول

*ديهية الامازيغية* · 2013-04-03, 12:37

السلام عليكم

ياك عنبالكم بلي البوقالات الجزائرية ما كاش اروع منها
امالا ما نطولش عليكم كل واحد يحوس على بوقالتو و يكتبهالنا على حساب اول حرف اسمو
باسم الله بديت ..و على النبي صليت ...وعلى أصحاب الأسماء ألي تبدأ بالألف هذى البوقالة نويت...
نطلب ربي الفتاح يعطيني نحل البيبان و نشوف الهناء و نرتاح .

**
باسم الله بديت ..و على النبي صليت ...وعلى أصحاب الأسماء ألي تبدأ الباء هذى البوقالة نويت...

هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

**
باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...

لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.

**
باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

**
باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

**
باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...

مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

**
باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..

يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

**
باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

**
باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...

عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.

**
باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

**
باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...

خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .

**
باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...

الناس تنده بالرجال و الوالي ، وانا ننده بربي العالي .
.
**
باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...
حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

**
باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...

كلام على كلام و الكلام على سقيلة ، العين في العين و الدّعوة مقبولة.
.
**
باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...

يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

**
باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...

محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

**
باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَى يكلمني . .

**
باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...

قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.

**

باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...

جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .

**
باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...

جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاه و سلطاني.

**
باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...

امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ ..

**
باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...

نبعث لكم دموعى في مشوار ازرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق. .

**
باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...

سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

**
باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...

خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .

**
باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
.
**
باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...

دارنا في الجبل ، مقابلة مكة ، مفتاحها من ذهب ، يشعل ما يطفي .

لا تبخلوني بردودكم

مريم 89 · 2013-04-03, 12:41

باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...

مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

يعطيك الصحة على البوقالات

lovely nounou · 2013-04-03, 12:42

**** مشكوووووووووووووووورة****

tigger · 2013-04-03, 12:42

**
باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَى يكلمني . .
ههههه

شكرا على الموضوع

~~knives55~~ · 2013-04-03, 12:42

باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...

سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

هذي بقالتي معوجة رغم اني لا افهم شيئ فيها

شـــــــــــــــــكرا

*ديهية الامازيغية* · 2013-04-03, 12:50

اقتباس:

المشاركة الأصلية كتبت بواسطة مريم 89

باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...

مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .

يعطيك الصحة على البوقالات

شكرا
كي ليوم نشاالله تتزوجي

*ديهية الامازيغية* · 2013-04-03, 12:51

اقتباس:

المشاركة الأصلية كتبت بواسطة lovely nounou

**** مشكوووووووووووووووورة****

شكرا على الرد

*ديهية الامازيغية* · 2013-04-03, 12:52

اقتباس:

المشاركة الأصلية كتبت بواسطة tigger

**
باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...

لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَى يكلمني . .
ههههه

شكرا على الموضوع

شكرا على ردك العطر

*ديهية الامازيغية* · 2013-04-03, 12:53

اقتباس:

المشاركة الأصلية كتبت بواسطة knives55

باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...

سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .

هذي بقالتي معوجة رغم اني لا افهم شيئ فيها

شـــــــــــــــــكرا

ما تفهمش خير ليك
شكرا على ردك الرائع

soumia.1996 · 2013-04-03, 12:53

يعطيك الصحة على البوقالات

.¸¸۝❝ سليم المحترم ❝۝¸¸. · 2013-04-03, 12:53

بوقالات جميلة جدا

*ديهية الامازيغية* · 2013-04-03, 12:55

اقتباس:

المشاركة الأصلية كتبت بواسطة soumia.1996

يعطيك الصحة على البوقالات

يسلمك
شكرا على ردك

*ديهية الامازيغية* · 2013-04-03, 12:56

اقتباس:

المشاركة الأصلية كتبت بواسطة حفى سليم

بوقالات جميلة جدا

شكرا لك
بل انت الاجمل

هدى الجيجلية · 2013-04-03, 15:44

باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
.

حبيت ان شوف البوقالة
الثانية
ولكن مكتوبة بالاصفر
والكتابة غير واضحة

*ديهية الامازيغية* · 2013-04-03, 15:52

اقتباس:

المشاركة الأصلية كتبت بواسطة هدى الجيجلية

باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...

خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.
.

حبيت ان شوف البوقالة
الثانية
ولكن مكتوبة بالاصفر
والكتابة غير واضحة

سيليكسيونيها تبانلك