نصيحة لصديق على باب الزواج

[msam3i2010]

السلام عليكم

لدي صديق على ابواب 40 استشارني في امر و اريد ان اقاسمكم المشورة

صديقي هذا كان يرفض تمام فكرة الزواج من امرأة عاملة و تسوق سيارة ... اي كان يريد امرأة ماكثة في البيت

بعد محاولات فاشلة (يعني بحث مدة 5 سنوات و ما لقاش و اعجب ب 5 لكن النتيجة 0) .... الآن يتعرض للضغط من قبل والديه الكبيرين (و هو لا يريد ان يحدث لهما مكروه بسببه) للزواج من امرأة عاملة 8 ساعات و تسوق سيارة

هو وافق مبدءيا ... و هي كذلك لكن لا ادري ان كانت تعلم ام لا ..... المشكل انه متخوف من المشاكل الغيرة و الندم بعد الزواج

بما تنصحوه؟ يقدم ام يتراجع؟ هل يخبرها بتغيير رأيه حتى تحتاط و لا تتفاجأ بردة فعله بعد الزواج ام لا؟

هو قال لي انه سيطلب شرط واحد فقط: من العمل الى البيت .... هل هو شرط منطقي ام لا؟ يقولوه ام لا؟



نزيد نوضح اشياء : راه قال لوالديه مادام هما خيروها، و هي من العائلة الكبيرة، هي حرة في مالها اي هو يصرف على الدار اذن ماهو حاب لا شهرية و لا مال منها ....

و كيما قالت الاخت ايمان هو ماهوش حاب الخرجات بزاف و كيما قلتي مرة عند الحلاقة و الخياطة و الصديقات .... بالمختصر المفيد هو خايف لا دير كي كثير من النساء تخرج من دارها على 7 صباحا و ما ترجعش غير 7 مساءا .... اضيف لكم انه قبل 3 سنوات تقريبا كان خاطب امراة بدون عمل و بطبيعة الحال والديه كانو رافضين و قابلين و لكن في اول مشكل وقع بينه و بين خطيبته شعلوا النار و فسخطت الخطوبة ... اذن الامر ماشي ساهل لانهم حابينها تخدم و هو لالا و لهذا تأخر في الزواج

و اخيرا هو طلب وقت حتى يبحث عن اخرى لكن والديه (اكثر من 70 سنة) راهم يضغطوا عليه و يقولولو حابين يتهناو عليه قبل ما يموتوا .... بكل صراحة ، انا نعرفو من مدة و كان رافض النساء العاملات رفضا مطلقا لكن راه بدل رايو غير في خاطر والديه و خصوصا انه متدين (ليس سلفي، لكنو الصلاة في المسجد و حافظ 30 حزب)

هو راه يقول نمشي معاها (هههههههه ... ماشي في شارع) و يترك الامور تسير يعني خطوبة+وقت و من بعد يأخذ قرار ... اذن يقدر يبطل قبل الدخول عليها

[مراد12345]

نقولك يا خويا

وبصراحة

صاحبك وصل ل 40 سنة

مزوجش

صدقني حتى ولو تزوج لن يعيش حياة عادية

قول كمل حياتك عازب خير

وهذا كلام الذين تزوجوا في ذلك السن

[ريمة14]

قولوا يتوكل على ربي وينوي الخير
وماكان لاه يتوسوس بزاف

[حفيظ حيدر]

السلام عليكم يا اخي انصح صاحبك بالاستخارة اولا ثانيا ان كانت هذه المراة صاحبة خلق ودين قل له توكل على الله وكل شي بالحوار و التفاهم وحسن الخلق قل له ان يعاملها بالحسنى الزوجة الصالحة تضحي لابعد الحدود لاجل زوجها ان كان يحسن اليها

[مريم الصابرة]

السلام عليكم
يا خويا يعني صاحبك كي وصل لل 40 لازم عليه يضحي بمبادئ هو مأمن بيه وأفاكر رافضها او حاب يتزوج المرا على جال والديه وبرك
من رأي يحكي مع المرا بكل صراحة ومن بعد 40 عادي جدا وعلى جال سنو يعني يقبل على نفسو امور هو رافضها هو راه في سن زواج هذا هو الوقت ومن رأي يحكي ويصارحها ويمدلها شروطو قبلت ما قبتش عادي يبل المنطقة نتاع البحث برك رايح يلقى اللي تقبل عادي وقاعدات فالدار المهم الراجل يكون عاقل هذا ماكان ونروحو ونرجعو مكتوب ربي يتكل على ربي ويحكي مع المرا شكرا

[madoucha]

لا ادري لماذا يتخوف بعض الرجال من الزواج بالعاملة
ولي قاعدين في البيت زعما حاكمين ديارهم رانا نشوفو في شوارعنا مكتظة بالنساء هل هذا يعني انهن كلهن عاملات بل حتى الماكثات يخرجن ويتفسحن و يتمكيجن بكل حرية وحياتهم غير بوليتيك
من الاحسن يدي العاملة من خدمتها للبيت وتعاونو احسن

[samer khalifa]

اظن ان صاحبك عنده فوبيا الزواج على كل حال لازم يخبرها بهذا الامر باه تكون عارفة هي انو موش راض مئة بالمئة بالعمل لانو قادرة تكون مصرة على العمل وزيد كاين الف بطالة في البلاد مالقى مايروح الى لهاذي...’؟؟

[imene12]

يعني صاحبك هذا لم يجد إمرأة لا تعمل؟؟ هل كل نساء الجزائر عاملات؟؟ لماذا يتزوجها عاملة و هو لا يريدها كذلك؟؟ و لماذا يشترط عليها من العمل إلى البيت؟؟ أظن صاحبك هذا من النوع الذي ينطبق عليه المثل الشعبي القائل : " يحبها سمينة و ما تعلفش" ... هو يريد الراتب الشهري و فقط و لا يريد تبعاته من خروج و دخول و تسوق و حلاقات و خياطات و مشاوير مع الصديقات .
نصيحتي له أن يختار واحد من اثنان ... عاملة و فقط * او * ماكثة بالبيت.
بالتوفيق

[msam3i2010]

واش تقولوا؟ خصوصا النساء العاملات و لي في سنها (هي تجاوزت 30)

[كوثر 20]

المشاركة الأصلية كتبت بواسطة مراد12345

نقولك يا خويا

وبصراحة

صاحبك وصل ل 40 سنة

مزوجش

صدقني حتى ولو تزوج لن يعيش حياة عادية

قول كمل حياتك عازب خير

وهذا كلام الذين تزوجوا في ذلك السن

وعلاه يا خويا خليه يكمل دينه

[Hemal]

يتوكل على ربي

[homme libre 05]

لا 40 لا 60 الزواج زواج عليه اكمال دينه يا اخي العزيز
نحير كيفاش ما لقاش امرأة ماكثة فالبيت ؟
تبالي 80 /100 من النساء راهم فالبيت
ربي يسهللو ان شاء الله و يرزقو بنت لي كان متمنيها
بالتوفيق .

[هدى الجيجلية]

السلام عليكم
اخي
ربي أيكمله
بكل خير
يارب

[ayaamira666]

اذا كان غير مفتنع بهذا الزواج نقولو الحسن ما تتزوجش باش ماتظلمش معاك بنت الناس
تخطبها و من بعد تخليها تتمرمد و في الاخير ماتتزوجش بيها هادي واحدة ماتقبلها
كون راجل و صريح من الاول و وضح شروطك انا نحب هكا وهكا و نكره هكدا و......
و هي كذلك توضحلك شروطها
باش تتبنا العلاقة من الاول على الصراحة

[libanarim]

والله في نظري يخلي الوالد نتاعو هو لي يتزوج بالمرأة هذي مادام راهي عاجباتو
أنا نسأل سؤال فقط، والد صاحبك ، متزوج وحدة خدامة
على الأغلب رايح تقلي لا
كيفاش تفرض على ولدو شروط كيما هاك
تقول هوما لي رايحين يتزوجو ماشي هو
من الأفضل ليه يتريث ويشوف امرأة تانية بمعاييره
ربي يرزقنا الزوجة الصالحة