لكل من تريد ان تحظر مطلوع او كوشة خفيفة ومجربةبدون عجنها تتفضل بدخول ولن تندموااااااااااااااااااا لانها مجربة وناجحة

نبيلة المهبولة · 2011-09-11, 11:28

السلام عليكم اخواتي الفاضلات
انا كيما انتم كل مرى نتشهى في مطلوع ونحبوا يجي خفيف وكل مرى نعجنوا وندلكوا مليح بصح مايجيش خفيف
وهذي مرى نجحت فيه بدون تعب وحبيت نشارك الاخوات في تجربتي بالمطلوع او كوشة يخرجلكم تقول بونج
المهم سيدتي تكوني تعرفي كيفاش تخبزيها
وهذه هي المقادير
ديري طبسي فرينة نتاع الشربة + مغرف اكل خمارة + ملح حسب الذوق + ماء
خلطي كامل المقادير وديري ماء بشوي حتى تولي عجينة متماسكة تكون شوي طرية لانها لما تخمر تلقايها مطلوقة
اتركيها حتى تخمر وتتضاعف بعدها سيدتي كيما اي خبز دار اخبزيها كيما حبيتي مطلوع او كوشة
وبعدها غطيها وخليها تخمر وبعدا وجدي طاجين وخليها طيب
وشهية طيبة

وكي نديرها نضع لكم الصور الا حبيتوا
جربوها وردولييييييييييييييييييييييييييييييييييييي

BACHIRA2 · 2011-09-11, 13:53

بارك الله فيك عزيزتي نبيلة

nada nina · 2011-09-11, 14:11

رايحة نغامر و نجربها بصح ادعي معاياربي ما تبهدلش بيا و شكرا على الوصفة

الصوامعية · 2011-09-11, 19:05

نفس الطريقة نتاعنا بصح حنا ندلكوها غير شويا ماشي بزاف و جي خفيفة المهم يعطيك الصحة بنت بلادي يا الشاطرة كل صبع بصنعة

المخلصة · 2011-09-11, 22:46

بارك الله فيك اخية

لكن لي لو ملحوظة لو سمحت

المطلوع ما يجيش غير بالفرينة وحدها ، بل مع السميد.

كما ان خبز الفرينة ما في اسهل منه ، لا دلك ولا هم يحزنون خلطي و اتركيه يخمر

لكني صراحة أؤيد خبز الفرينة مع السميد لأنه صحي اكثر من الفرينة وحدها

و جزاك الله خيرا