دوناتس ناجحين وخفاف

[Hillin]

سلام عزيزاتي
اليوم بغيت نشاركم بدوناتس جربتها وجات خفيفة بزاف وبنينة
شفتها في فتافيت وقلت والله نديرها ونشوف ياك ماخسر لجرب
وكنجحتلي لاغوسات بغيت نعرضها عليكم

المقادير
4 كيسان فارينة
2 بيض
3/4 زبدة
كاس حليب دافي "فاتر ماشي سخون"
مغرف أكل سكر
3 مغارف كبار خميرة خبز
نص ملعقة صغيرة ملح
وزيت للقلي
الطريقة
صفي الفرينة (منخولة)+ ملح وخليها على جيه
كاس حليب+ خميرة+سكر حطيهم مع بعض وخليهم لمدة 10 دقائق
احكمي البيضين وضربيهم اخفقيهم غير بلفوي وضيفيلهم الزبدة لازم تكون طرية وواصلي الخفق حتى توليلك كريمة (عاوني روحك بمغيرفة)
منبعد ضيفي حليب وسكرو الخميرة بعدما تخمرو 10 دقايق وواصلي لخلط هاكا 3 دقايق ومنبعد ضيفي الفرينة على 5 دفعات
وبداياي تعجني
حطي العجينة منبعد في صحن عميق مدهون بالزيت وخطيها بساشي و قطعة قماش لمدة ساعة
بعد ساعة.رشي طابلة تاعك بالفرينة و حكمي لحلال وحلي العجينة تاعك بسمك 8 ملم ( تقريبا 1 سم)واستعملي طابع الدائري
والدوائر المتحصل عليها حطيها في سنيوة فوقها ساشي وخليهم فوق الساشي لمدة 10 وبعدا بداي طيبيهم
دير الزيت يغلى وقلبي على مرتين برك بعد متشوفيهم داو لون الذهبي
وشهية طيبة
نشا الله تعجبكم الوصفة