ونتهت البكلوريا

سهيلة جنا · 2013-06-06, 09:36

السلام عليكم جميعا
نتمنى تكون الاجتماعيات طلعتلكم شوي المورال انا لحد الان مزلت مصتدمت من سوجي تاع الفلسفة طيحو دموع رجالة ونساء انا مي لي حطولي سوجي وانا نبكي انبلوس ديسا معاودة الباك وهادي لحرقتلي قلبي مصبت كيفاش نبدى وكيلهم ربي وهدا لي دار الاسئلة مكار ومعندوش القلب وعلى جالو راح ضحيةها واحد مسكين شاف سوجي حبس قلبو ومات سون بلاص ماشي دكا مسكينا يماه يتحرق قلبها وهاد شي اكل علاش غير على جال الفلسفة الله يلعنها ويلعن الوزير وللاساتدة ولي دارو الاسئلة اكل حسبنا الله ونعم الوكيل نتمنى برك ميحرقوناش في تصحيح واصلا حنايا الادبيين هكدا تجور محقورين وهدا العام اكدولنا هدا شي ودمرونا وحطمو طمحاتنا حسبنا الله ونعم الوكيل وكيلهم ربي ويزيدو يقولو 70بالمئة نسبة النجاح انا نضنها نسبة رسوب بعد مدمرونا هدا مكان دكا الباك تخلاص استناو نتيجة دكا وان شاء الله ميكون غير الخير مع ربي سبحانو

homme mystérieux · 2013-06-06, 09:54

يا جماعة والله غير الله يهدينا و يهديكم الاسئلة كانت عادية جدا وبورتون الرياضيات والله مادرت حاجة لانو انا ماقريتهاش و الفلسفة ثاني نورمال وميش للدرجة هاذي واش طامعين يديرولنا 1+1 كم تساوي
انا اصلا العادة والارادة والله جامي قريتها ولا سمعت بيها مي كاينة فالبرنامج وكي تجي نتقبلها نوورمال و في الاخييير ان شاء الله ربي يجيب الخير وخلااااص

أَمِيْرَةْ حَيَآتِيْ · 2013-06-06, 09:58

ضرك خلاص صرا لي صرا كاين وين خدمنا و كاين وين حصلنا و الباقي على ربي ان شاء الله يوفقنا

ttsounami07 · 2013-06-06, 10:06

والله غير عندك الحق سهيلة راااك تشوفي وش دارو فيناااااااا خلااااص راح البااك

سهيلة جنا · 2013-06-06, 10:07

اقتباس:

المشاركة الأصلية كتبت بواسطة ttsounami07

والله غير عندك الحق سهيلة راااك تشوفي وش دارو فيناااااااا خلااااص راح البااك

ايه يا خو راح الباك وكيلم ربي

سرور · 2013-06-06, 10:08

معليش لي فات فات درك نشوف قدام

raouf 1994 · 2013-06-06, 11:02

آنآ عندي 6 سنين مبكيتش
جآت ورقة فيهآ تقريبآ 25 سنتم طيحتلي الدمعة ...

iman14 · 2013-06-06, 11:20

ايه و الله انا ماشي غير بكيت و الله غير جامي نضريت كيما هداك اليوم و راه يزيدو يديرو اللوم في التلميذ و الله غير كرهنا من هد البلاد غير لي يجي يدير حاجة من عندة الاساتذة يزيدولهم في الشهرية تحسب طبيب ماشي استاذ و حنا لي نظلو نجرو و من سيتمبر و حنا نسناو في هدا اليوم يجو يديرونا العادة و الارادة لي كانت في 2011 و لي مستحيل باش جي و لكن ساردد كلمة حسبي الله و نعم و الوكيل كامل التعب و الشقاء كانت نتيجته الصفر

aminahassiba · 2013-06-06, 12:03

rabi yenjhkoum

منى 92 · 2013-06-06, 12:06

اهلا سهيلة وش راكي ان شاء الله تكوني خدمت
ربي ينجحك خيتي

سهيلة جنا · 2013-06-07, 09:48

اهلا منى وشراكي والله غير راني مدمرة وان شاء الله ميكون غير الخير

مرام94 · 2013-06-07, 09:54

هذي مكتبة من عند ربي سبحانو

انا و الله ما خدمت من نهــآآآر الثلاثاء انا نبكي لحد اليوم

هدي سياسة التعليم مارهمش حابين الشعب الادبية ف الجامعات وش حنديرولهم وكليهم ربي pàààs plùùùùùùùùùùùùs

منى 92 · 2013-06-07, 09:55

سلام سهيلة ربي معاك ان شاء الله
ربي ينجحك
وش راهي انفال سلمي عليها

مرام94 · 2013-06-07, 09:57

انا ف الفلسفة درت المقدمة تاع استقصاء نظن اني ندرتها صحيحة و ف التحليل درت الموقف 1 قلت بلي البرغماتيون راهم يقولوا بلي الحقيقة نسبية
من بعد درت النقد لقد بالغ انصاؤ هذا الموقف في قولهم بان الحقيقة نسبية
و من بعد درت موقف 2 الحقيقة مطلقة و زدت نقدتهم قلت بلي نسبية و درت الراي الشخصي و الخاتمة راني قلت بلي نستنتج بأن الاطروحة صحيحة

يعطونا 4 درتها جدلية مع استقصــآآآآآآآآء

سهيلة جنا · 2013-06-07, 10:33

اقتباس:

المشاركة الأصلية كتبت بواسطة منى 92

سلام سهيلة ربي معاك ان شاء الله
ربي ينجحك
وش راهي انفال سلمي عليها

ان شاء الله يا منى ان شاء الله انفال مسكينة تاني راهي مدمرة من الفلسفة